ئەم هەواڵە بڵاوبكەوە
FaceBook  Twitter  

رۆژی 19/12/1993 بزووتنەوەی جوتیاران سەردانیان كردم كە نیازی سەردانی گوندەكانی رۆژهەڵاتی قەڵاندزێیان هەیە هێزێكی زۆری جووتیارانیان كۆكردبۆوە، منیش وەعدم دانێ لەگەڵیان  بچین ئیشێك هاتە پێشەوە گوتم ئەگەر دوایخەن، گوتیان دواخستن ئاسان نی یە ئێمە هەر دەچین، بۆ رۆژی دوایی 20/12/1993 بەڕێكەوتن، دیارە دەرەبەگەكان زانیاریان دەبێت لە چونی ئەوان بۆ ئەم شوێنە پێش ئەوەی  بگەنە ئەوێ لە بەرزاییەكان گۆمان كە چەند لۆفەیەكی تێدایە، كەمینێكی بەرفراوان دادەنێن هەركە ئەوان دەگەنە نزیكیان لە هەموولایەكەوە بەردەستڕێژیان دەدەن جوتیاران دێنەدەست و دادەبەزن شەڕێكی گەورە ڕودەدات، لەو شەڕەدا هاوڕێ(حەمە ڕەش مەحمود حەمەڕەش)یەكێك لەسەركردە دیارەكانی بزووتنەەی جوتیاران و (4) جوتیاری تر شەهید دەبن و ژمارەیەك برینداریشیان دەبێت لەوانە(مەولانی گەرمكان) فەرماندەی بەتوانا و ئەندامی لێژنەی سەرپەرشتی جوتیاران شەهیدەكان(حەمەدەمین حەمە شوان) عەوڵای حەمە جاف، بەكر حەمە صالح(چوار قوڕنە)، عەبداڵڵەی پورە گوڵێ‌، شەهیدبوون، سەرەڕای ئەم  شكستە سەربازی و مەعنەویەی جوتیاران بە گوڕوتین و ورەی بەرزەوە هاتنەوە مەیدان مامۆستا(ئەمین مەحمود حەمە ڕەش) كە كادیرێكی ناسراوی حزبمان بوو، پێش راپەڕین دەستگیركرا لە بەندیخانە بوو پێشەمەرگەكانی حزبمانی  لە چوارقوڕنە و راپەڕین بۆ بەری كۆسرەت دەپەڕاندەوە، هەر دوای شەهیدبوونی حەمەڕِەش مامۆستا ئەمین چاو نەترسانە جێگەی گرتەوە و ڕۆڵی بەرچاوی هەبوو لە ناو بزوتنەوەی جوتیاران، هەر زووكەوتنەوە سەرپێ و ئەركەكانیان گورجتر دەست پێكردەوە پاش ماوەیەك لە 29/1 تا 1/2/1995 لە گوندی سەربڵندی ئازدكراو لەستەمی ئاغایەتی(گەرمكان)ی قەڵای پیرۆزی چینایەتی دژ بە دەرەبەگایەتی بەو پەڕی سەركەوتوانە ئەنجامدرا، بەم بۆنەیەوە بزوتنەوەی جوتیاران مژدەی دا بە جوتیارانی بەشمەینەت و هەژارانی باشوری كوردستان كە دەبنە پشت و پەنایان مژدە دەدا بە شەهیدەكانی كە رەنجی خەباتیان بەری گرت، شایانی باسە لە هەموو حزبەكان تەنیا حزبی شیوعی بەشداربوو وەك میوان لەو كۆنفرانسە ئەوانیش(هاوڕێ شەپۆڵ بوو) لەكاتی كردنەوەی كۆنفرانسەكە ئامادەبووین دوای دەستپێكردنی كارەكان كۆنفرانسەكەمان جێهێشت، كۆنفرانسێكی تابڵێی سەركەتووبوو لە ڕووی ئامادەكاری و ئەنجامەكانی توانرا ناوی لێژنەی سەرپەرشتی جوتیاران بگۆڕن بۆ (( بزوتنەوەی جوتیارانی كوردستان)) بوونە خاوەن بەرنامە و پەیڕەوی ناوخۆش پێگەی بزوتنەوەكە تادەهات فراوانتر دەبوو، بونە خاوەن دیسپلین و چوار چێوەیەكی یاسایی و فەرمی   نزیكەی (5) كەسایەتی بەهێز بوونە ئەندامی كۆمیتەی ناوەندی بزوتنەوەكە، تۆڕێكی كادری بەرفراونیش  شەو ڕۆژ لە ئەرك و كاری بزوتنەوەكە دابوون، بزوتنەوەی جوتیاران  بە بەراورد لەگەڵ حزبەكانی دەڤەرەكە بەهێزبوو خاوەن دیسپلین و رێكخراوێكی گورج و گۆلتر بوون هەژمونی خۆیان بۆ بەرژەوەندی جوتیاران و تەواوی هەژارانی دەڤەرەكە چەسپاند و یارمەتی جوتیاری هەژار و خەڵكی نەداریان دەدا، ئەوە جگە لەوەی لەسەرتاسەری كوردستان رێكخستن و بارەگایان هەبوو، بارەگاكانیش هی ماڵی جوتیارەكان بوو لە بارەگای ناوەندەوە هەتا دورترین شوێن، بە پێتاك و زەكات و یارمەتی بەروبوومی جوتیاران و هەندێ لایەنی چەپ، ئەركەكانی رۆژانەیان رایی دەكرد.

  • 1