ئەم هەواڵە بڵاوبكەوە
FaceBook  Twitter  

17

دوای ئەوەی تەواوی زەویە زۆر و زەوەندەكانی گوندە ئازاد كراوەكان كەوتە دەستی جووتیاران هەندێك لە جووتیاران كارو كردەوە و رەفتارەكانیان ئاغایانە بوو، ئەوانەی ملكەچیان نەدەبوون غەدریان لێ دەكردن بەردەوام جووتیارە غەدر لێكراوەكانی لای ئەم و ئەو مامەڵەی ناجۆریان لەگەڵ دەكردن دەهاتنە لای ئێمە گلەیان لێ دەكردن، ئێمەش زۆر بەهێمنی و شاراوەیی بەرەوپیری گرفتەكە دەڕۆیشتین تاڕێگا چارەیەك بدۆزینەوە، هەندێ لە ئەندامانی لێژنەی سەرپەرشتی زیاتر لە (ئاغاكان) دەستی بەسەر زەوی یە كشتوكاڵیەكان گرتبوو ئەم رەفتارە نامۆیەیەی ئەو كادرو جووتیارانە بووە هۆی ڕەنجان و دووكەوتنەوەی ژمارەیەكی زۆر لە جووتیاران.

ئێمەش بەردەوام لە هەوڵی چارەسەری گرفت و كێشەكاندابووین. خەڵكی بزوتنەوەكە زۆر پەیوەندیمان لەگەڵیان بەهێزبوو و بۆ هەر مەسەلەیەك راوێژمان پێ دەكردن و ژیرانە مامەڵەیان دەكرد، ئاغاكان بەهەموو شێوەیەك لەهەوڵی ناشیرین كردنی بزوتنەوەكەدابوون كەموو كوڕی و هەڵس و كەوتی خراپی ئەم و ئەویان وەكو فشارێك بەكاردێنا، تاڕادەیەك كاریگەریان هەبوو لەبەر بەرژەوەندی خۆیان، لەگەڵ ئەم هەموو كێشەو گرفتانەش، جووتیاران لەبەرامبەر زوڵم و ستەمی دەربەگەكان یەك دەنگ و یەكگرتووبوون.

هەوڵی زۆری دا بزوتنەوەكە بكاتە پاشكۆی خۆی هەندێك كادرو ئەندامانی جووتیاران بەئاشكرا بەیاننامەو وێنەكانی بەڕێز ئۆجەلان و بڵاوكراوەكانیان دابەش دەكرد، هەندێكیان سەردانی (گارا) یان كرد و بەشداری خولی پەروەردەییان دەكرد (3) لە سەركردەكانیان بەوهۆیەوە لە بزوتنەوەكە دەركرد كە پەیوەندیان بە (pkk) وە هەبوو دوواتر ئاشكرابوو لە پەیوەندیەكی نێوان (پارتی) و بزوتنەوەی جووتیاران لەژێرەوە پەیوەندیان بە پارتیەوە هەیە. سەركردایەتی یەكێتی نیشتمانی كوردستان و پارتی دیموكراتی كوردستان زانیاری وردیان سەبارەت بە ئەندامانی سەركردایەتی بزوتنەوەكە نەبوو، بەرژەوندی تایبەتی و كاری موخابەراتی حزبەكان لە ناو بزوتنەوەكە و نەبوونی هەڵوێستی روون گەمەی شاراوەی حزبەكان و نەبوونی ستراتیژێكی روون كۆمەڵێك كەسایەتی حزبەكانیان لە بەرژەوەندی خۆیان بەكار دێنا هەبوو لەسەر چەند پەتێك یاری دەكرد فێڵی لە چەند حزبێك دەكرد زۆربەی كۆبوونەوەكانی(بزوتنەوەی جووتیارانی كوردستان) لە رێگەی جاسوسەكانیان دەكەوتە بەردەستی حزبە دەسەڵاتدارەكان، هەمیشە بزوتنەوەی جووتیاران لەبەردەمی دەسەڵات كە كێشەی قوڵیان لەگەڵ یەكتر هەبوو ناشیرن دەكرد، بێ ئەوەی بیانەوێت لەكێشەكانیان دەگلاندن، لەراستیدا بزوتنەوەكە سەربەخۆبوو بە ئاراستەی یەكی دروست دەرۆیشت و رۆژ بەرۆژ پێگەی فراوانتر دەبوو هەموو هەرێمی كوردستان گرتەوە.

فێربونی بزوتنەوەكە و رۆڵی لە دەڤەری پشدەر و بیتوێن و هەرێمی كوردستان كەمبوونەوەی دەسەڵاتی(یەكێـتی) لەناوچەكە تووشی(هستریا)ی كردو، بەئاسانی پێیان قبوڵ نەدەكرا، سەرەڕای ناردنی راپۆرتی (زانیاری) ناردنی زانیاری شێواو هەڵەو چەند رووداوێكی بچوك یەكێتی نیشتمانی ناچاركرد بەبڕیارێكی هەڵەی گەورە بدات بە پاك كردنەوەی بزوتنەوەی جووتیاران كە زۆربەی هەرە زۆریان پێشتر ئەندامی خۆیان بوون، هەندێكیان هەربەكادرو ئەندامیش مابوونەوە، سەڕەڕای ئەوەش ئەو كارەی (بزوتنەوەی جووتیاران) خستبوویە ئەستۆی خۆی دەبوایە یەكێتی نیشتمانی چیبكات، نەك هێرش كردنە سەریان و شەهید كردنیان، لە كاتێكدا مامۆستا(ئەمین) لەناوماڵی خۆیدایە هێزێكی گەورە هەڵدەكوتنەسەری هاوكات هێزكی (3) هەزار چەكداری پەلاماری گوندی(گەرمكان) دەدەن لەبەری چیای(ئاسۆس) هیچ هێزێكی لێ نابێت جگە لە چەكدارانی خەڵكی گوندەكە لەكاتی پەلامارەكە سەردانی (قەڵاتی دبێكە)م كرد كە كاك مستەفا چاوڕەش و بەڕێز مستەفا سەید قادری لێ یە بەدووربین تەماشای هەڵمەتەكانی كوڕە ئازاكانی خۆیان دەكەن، هێزێكی زۆریش لە دەوروبەریانە، سەلامم لێكردن و پێم گووتن، كارێكی باش نی یە، بەئێمەتان گوتبا ئاسان بوو چیتان ویستبا دەمانكرد،گووتم ئەوانە زۆربەی دۆستی منن، كاك مستەفا چاوڕەش گووتی: خۆمان ئەو رێگایەمان پێ باش بوو، دواتر گووتی: هاوڕێ كەریم بروسكەی بۆ مام جەلال كردووە لە چوارقورنە مامۆستا ئەمین لەماڵەكەی خۆی گیراوە، داوا دەكات گیانی پارێزروبێت، كاك مستەفا گووتی خۆت دەزانی ئێمە لێرەین ئاگامان لێرە نییە، دواتر قسە دەكەین. 

  • 1