ئەم هەواڵە بڵاوبكەوە
FaceBook  Twitter  

نووسینی: جەلال دەباغ

شتێکی بەڵگە نەویستە کە دەبێ کۆمیسیۆنی باڵای هەڵبژاردن لە کوردستان و ئەودەزگاو بەرپرسانەش کەلە پشتیانن بزانن کە دەنگدان بۆ هەڵبژاردنی ئەندامانی پەرلەمان مافێکی بێچەندوچونی هەموو هاونیشتیمانیەکە، تەندروستبن یان نەخۆش، لەتەمەنی ١٨ ساڵەوەو بەرەوژورتر تا ئەوپەڕی پیری، ژن و پیاو لەهەر رەگەزو نەتەوەو ئاین و تایەفەیەکبن و رەنگی پێستیان هەرچۆنبێت، لەناو شاربن یان لە دێهاتی دوور، لە کوردستانبن یان لەوڵاتانی دەرەوە بە نزیک ودووریانەوە، بەمەرجێک بەپێی بەڵگەنامە جۆربەجۆرەکان هاوڵاتی کوردستان بن..تاد..

بەخێرێ هەندێ لە ئەندامانی کۆمیسیۆن وئەوانی لەپشتیانەوەن وبەتایبەتی ئەندامانی کابینەی حکومەتیش یاساناسن. بێگومان دەبێ ئاگاداری مافی هاوڵاتیان و قانونەکانی هەڵبژاردنیشبن لە وڵاتانی پێشکەوتووی دنیادا کە بەگشتی دیموکراسی و مافی مرۆڤ پیادە دەکەن!!

ئێمە لەکاتێکدا رێزو پێزانینی زۆرمان هەیە بۆ کارو ماندوبوونی ئەندامانی کۆمسیۆن و کارمەندەکانیان،بەڵام بۆمان هەیە لەگەڵ کۆمەڵانی خەڵکی کوردستاندا بپرسین: 

لەبەرچی کۆمیسیۆنی باڵای هەڵبژاردنکۆمەڵێک هەڵەی گەورەیان کردووە ؟! تا ئەمڕۆ ٣٠/٩/٢٠١٨ کە هەڵبژاردن ئەنجامدرا، لەبارەی ئەوهەڵەو ناتەواویانەوە هیچ گوێیان نەداونەتێ! جائایا ئەمانە تەنیا هەڵەن یان کاروکردەوەی مەبەستدارن؟

هەڵەکانیش بەکورتی ئەمانەن:

- بۆچی و بەچ قانونێک سەدان هەزار هاونیشتیمانیی کوردستانیانی دەرەوەی وڵات کە مافی دەنگدانیانهەیە بێبەشکراون؟ بەچ پێوانەیەک ئەم کارە کراوە؟!.

- بۆچی و بە چ قانونێک ئەو پیرانەی گوایە تەمەنیان لەژوور نەوەد ساڵییەوەیە لە دەنگدان بێبەش کراون. 

هەرلەمبارەیەوە کەسایەتیی ناسراوو تێکۆشەرانی دێرینی وەک هاوڕێ کەریم ئەحمەدو بەهادین نوری وسەدانکەسیتر کەتەمەنیان لەژوور نەوەدەوەیە لەمافی دەنگدان بێبەشکراون؟! بەچ قانونێک دەیان هەزارکەس لەم مافە رەوایانەی خۆیان بێبەشدەکەن؟

ئایا کۆمسیۆنی باڵا بۆنەخۆشەکان ودێهاتە دوورەکان هۆیەکانی گواستنەوەیان بۆ هێنانی دەنگدەرانیان مسۆگەرکردووە؟ یان مەڵبەندی دەنگدانی نزیکیان بۆداناون؟ ئەمانەو چەندان پرسیاری هاونشتیمانیان پێویستیان بە وەڵامی بەپەلەی ئەنجومەنی باڵای هەڵبژاردنە!. جائایا وەڵامدەدەنەوە؟!

  • 1