ئەمە بڵاوبكەوە
FaceBook  Twitter  

نووسینی: جەلال دەباغ

سەرنجێکی رەخنەگرانە لە بڕیارەکەی کۆمیتەی ناوەندی کە رۆژی ١٢ی تشرینی دووەمی ٢٠١٨ کە بەم چەند دێڕە کورتکراوەتەوە: " بۆ چوار ساڵی داهاتووی کارمان، کۆمیتەی ناوەندی بڕیاری دا بەشداری کابینەی تازە نەکات و دەنگی پێ نەدات بەهۆی جیاوازیی دیدمان دژ بە پەیڕەوکردنی سیاسەتی نیولیبرالیزمی سەرمایەداری هێزە براوەکان، پێمانوایە توانای چارەسەرکردنی کێشەکانی هەژاری و بێکاری و بەشداری سیاسی و چین و توێژە پەڕاوێزخراوەکانی نابێت. بەشدارینەکردن لە حکومەتی هەرێم مانای ئەوەیە کە خۆمان وەک حیزبێکی بەرهەڵستکار رادەگەیەنین، بەڵام بەرهەڵسکارێک لە روانگەی بەرنامەیەکی چەپی نیشتیمانی دیموکراتیخواز. حیزبمان تێکۆشانی پەرلەمانی وەک ئامڕازێک بەکاردەهێنێت بۆ جەختکردنەوە لەسەر هەڵوێستی خۆی سەبارەت بە داکۆکیکردن لە مەسەلە نیشتیمانییە کوردستانییەکان و، مەسەلەی داواکاری رەوای جەماوەر لە دابینکردنی بژێوییەکی پڕ کەرامەت، دەکاتەوەو، سەرلە نوێ جەخت لەسەرهەڵوێستی خۆی بۆ دژایەتیکردنی سیاسەتی ئابوری و، ئاڕاستەی بە تایبەتکردنی چالاکی ئابوری دەکاتەوە، لەهۆڵی پەڕلەماندا دژبەو جۆرە سیاسەتانەدەبێت کە خزمەتی بۆرژوای بیرۆکرات و مشەخۆردەکات."

ئەمە پوختەی هەڵوێستەکەی کۆمیتەی ناوەندیبوو.

سەرنجی رەخنەگرانەم لەم چەند خاڵەی خوارەوەدا چڕدەبێتەوە:

یەکەم: بەشداری نەکردن لە کابینەی تازەداو دەنگپێنەدانی راستنییەو دەبوو پێشئەوەی باسی "جیاوازیی دیدماندژبەپەیڕەوکردنیسیاسەتینیولیبرالیزمیسەرمایەداریهێزەبراوەکان"بکرێت، باسی تەواوی ئەم بارودۆخە هەستیارە بکرێت کە هەرێمی فیداڵیی کوردستانی پێداتێپەڕدەبێت و ئەم هەرێمەیان لێنەبێتە دەوڵەتێکی سەدان ساڵە کە نمونەیان زۆرە بە بارودۆخێکی زۆرلەمەی هەرێم خراپتردا تێپەڕدەبن و مافە دیموکراتییەکانیان لەگەڵ زەوتکردووە..تاد. "توانایچارەسەرکردنیکێشەکانیهەژاریوبێکاریوبەشداریسیاسییچینوتوێژەپەڕاوێزخراوەکان" بەوە بەهێزنابێت کە شیوعییەکان لەکابینەی ئێستادا بەشدارنەبن.

دووەم: راگەیاندنی خۆمان وەک حیزبێکی بەرهەڵستکار رؤڵی حیزبەکەمان لە زۆربەی بوارەکاندا لاوازدەکات. لەگەڵ کام ئۆپۆزیسیۆن کۆششمان یەکخەین و بەرەوهێنانەدی کام بەرنامەی هاوبەش و مەبەست؟ ئاوبەرین بۆ ئاشی ئەوانەی دەیانەوەی ئەم هەرێمی کوردستانە لەناوبەرن؟!

سێیەم: ئایا راستتر نەدەبوو حیزبمانتێکۆشانیپەرلەمانیو هەروا تێکۆشان لەناو کابینەی حکومەتدا، وەکئامڕازێکبەکاربهێنێتبۆجەختکردنەوەلەسەرهەڵوێستیخۆیسەبارەتبەداکۆکیکردنلەمەسەلەنیشتیمانییەکوردستانییەکانو،مەسەلەیداواکاریرەوایجەماوەرلەدابینکردنیبژێوییەکیپڕکەرامەتدا؟!

ناکرێ لەبری "سەرلەنوێجەختکردنەوەلەسەر هەڵوێستیخۆیبۆدژایەتیکردنیسیاسەتیئابوری"! هەڵەکانی سیاسەتی چەوتی ئابوری لەناو کابینەی حکومەتدا دەربخات و، لەجێگای ئەو سیاسەتە سیاسەتێکی ئابوری و دارایی راستودروستی زانستانە لە گۆشەنیگای خۆیەوە بۆکابینەکە پێشنیازبکات؟ لە راگەیاندنیشەوە رەخنە بگرێت وراستییەکان لەگەل نەشارێتەوە؟

چوارەم: پێموایە باشتربوو لە ئەزموونی پێشتری بەشداریمان لە چەند کابینەیەکی پێشووداو، لە کەم و کوڕییەکانی ئەو بەشدارییانەدا پەندو تاقیکردنەوەو وانەی پێویست پوختە بکرێن و، بەگوڕوتینێکی نوێوە بەشداری کابینەکە بکرێت. 

پێموایە "بەشداری نەکردن و خۆ ڕاگەیاندن وەک حیزبێکی بەرهەڵستکار" زۆر لەوە ئاسانترە کە بەشداری بکەیت و لەنزیکەوە، لەناو ئەنجومەنی وەزیراندا، بەرگری لەبیرو بۆچوونی راست و زانستانەبکەیت و هەوڵی چارەسەرکردنی کەم و کوڕی و ناتەواوییەکان بدەیت و بۆچون و ڕەوت و سیاسەتی حزبەکەت لە پڕاکتیکدا دەربڕیت.

نابێت حیزبە بەشدارەکانی کابینەکە ببنە سێبەرو پاشکۆی هیچ حیزبێک، بەلکو کاربکەن بۆ بەهێزکردنی یەکێتی رێزەکان و، گوتاری هاوبەش و پەیڕەوکردنی رەخنەو رەخنە لەخۆگرتن و، قوولکردنەوەی ژیانی دیموکراسی.

پێنجەم: راستوابوو داوای (بەرنامەو پڕۆگرامی کاری کابینەکە بکرایەو، لەسەر ئەو بنەمایەو لەسەر چەندخاڵێکی دیاریکراو رێکەوتن ئەنجام بدرایە بۆ بەشداری کاریگەرانە لە کابینەکەداو،ناکرێت پێشەکی بڕیار لەسەر رەوتی کابینەیەک بدرێت کە هێشتا دانەمەزراوەو لەسەر ئەوە نەک بەرنامەی بڕیاردراوی هەڵوێست دیاریبکرێت. ئەو وەزارەت و پۆستانەش کە لەلایەن حیزبەوە بەرێوەدەبران دەبوو بکرێنە نموونە لە سەرکەوتن لە ئەرک و کاروبارەکانیانداو، لە نزیکەوە بیروڕاو بۆچوونی هەر حیزبێکی بەشدار دەزاندراو قسەیان لەسەر دەکرا.

پێموایە کۆشش و خەبات بۆ سەرخستنی ئەم ئەزموونە ناوازەیەی ئێستای گەلی کوردستان ئەرکی هەرەگرنگی شیوعییەکان و چەپەکانەلەروانگەیبەرنامەیەکیچەپینیشتیمانیدیموکراتیخوازەوە کە هەوڵبدرێ کاری ئەرێنی بکەنە سەر بەرنامەو رەوتی کابینەکە بەرەو:

پەیڕەوکردنی سیاسەتێکی ئابوری و داراییو پەروەردەو تەندروستی و دەرەوەی راستودروست وسیاسەتێکی زانستانەو بۆ بەرژەوەندیی گەل لە بواری نەوت وسامانەکانی سەرزەوی و ژێرزەوی و پێشخستنی کشتوکاڵ و ئاودێری وپیشەسازی و بەرگری لە هەرێمی کوردستان و دەستکەوتەکانی و بەهێزکردنی هێزەکەنی یەکگرتووی پێشمەرگەو هەموو هێزە چاکدارەکان و، گەشتوگوزارو ژینگەپاریزی و بواری مافەکانی ژنان وئافرەتان بەگشتی و لەهەموو بوارەکانیترداو لەدژی گەندەڵی و، بەرەو باشکردنی باری ژیان و گوزەران وئابوریی کۆمەڵانی خەڵکی کوردستان وبەهێزکردنی رۆڵی شارەوانییەکان لە ئەرک و دەسەڵاتەکانیانداو، چاری کیشەکانی کەم موچەیی و بێکاری و گرانی و ئاوو کاەباو بەرزکردنەوەی ئاستی گوزەرانی پێشمەرگە دێرینەکان و خانەوادەی شەهیدان و ئەنفالکراوان و کەم ئەندامان و مامۆستایان و خانەنشینان و کارکردنی کابینەی حکومەت بەپێی بەرنامەو، لە هەموو شتێک گرنگتر پاراستنی دەستکەوتە سەرەکیەکانی گەل و، هەنگاونانی بەرنامەرێژ بۆ بەرەو پێشبردن و سەرخستنی ئەم بەڕێوەبەرێتییەی فیدراڵیی کوردستان بەرەو بڕیادانی مافی چارەنووسی گەلی کوردستان و یەکێتیی نەتەوەیی،بەدامەزراندنی دەوڵەتی سەربەخۆشەوە لە ئایندەدا. 

  • 1