ئەمە بڵاوبكەوە
FaceBook  Twitter  

توندی، دیروکەک پێش هزاران ساڵان هەیە، ژ دەما شەڕێ دناڤبەرا خوەداوەندان دە و گرتنا دەستهەلاتداریێ و هەیا چاخێ بیستان دەرباسی چاخێ بیست و یەکان بوو، توندی شێوازەک دەستھلاتداریێیە. ھەموو کریارێن ھۆڤتیێ، زۆرداریێ و تونەکرنێ دگرە ناڤا خوە. ژ بۆ کو دەستھلاتداری و کۆنترۆلا خوە ل ھەر تشتەکی بکە، وەسیلەیەکە. لەوما د ھەر جھەکی دە و ب ھەر رەنگەکی ژی تێ بکارانین. ژ بەر ڤێ ژی زەمان و مەکانێ وێ، ھەروھا بکارانینا وێ ژی ل گۆری بەرژەوەندیێن دەستھلاتانە. واتە توندی تشتەکی چێکەرە. د ئالیێ مرۆڤێن ھۆڤ و دەست سەروەر ڤە ھاتیە ئاڤاکرن. د بنگەھا ئاڤاکرنا وێ دە ژی ئاڤاکرنا چینان و وەڵاتان ھەیە.

ھەلبەت ھەر تشتەک چێکەربە، دڤێ ژ تۆڤەکی بە. توندی ژی خوە ژ تۆڤا ئەنکیدۆ دگرە. ژ بەرھەمێن خوەداوەندێن ژنێن ب دەستێ زلام ھاتنە دزین دگرە دەست و تێ. دیرۆکەک تژی زۆر و ب توندی ھاتیە کولان. زۆرداران د ھەر کێلیەکێ دە شێوازەک پێش خستنە. ھەر وھا بکارانینا وێ ژی پلان کرنە. ب دەمێ رە ژی بویە دیاردەیەکە ئاسایی.

توندی پێنگاڤەک بوو کو ژیان ژ راستیێ وێ بەر ب مەترسی و قالبەکی یەکالی ڤە برێڤە بر. خوەزاییبوونا کو ژیان پێ ھاتی ئاڤاکرن و خوە پێ ئافراندیە ب توندیا کو ھێدی ھێدی کەتیا زراڤیێن ژیانێ و ل سەر ھەر زندیەکی ھاتی بکارانین سیستەما وێ ب خوە رە ھلوەشاندیە.

توندی دەستپێکێ ل سەر ژنێ دە ھات بکارانین، ھەر وھا ئەو ئاموورا یەکەمینا کو توندی ل سەر ھات بکارانین و ھەیا کێلیا کو ئەم تێ دە ژیان دکەین دە ژی پێ رە دمینە. ل سەر ھەر شانەیەک وێ جورەیەک توندیێ ئاڤاکرن و رووبروو پێشخستنە.

دڤێ دەما ئەم بەحسا توندیێ بکن، ئەم ب زراڤی ڤەکن و لێ مەیزە بکەین. توندیا کو ل سەر ژنێ ب ھەر ئاوایەکی تێ مەشاندن ب خوە توندیا ل سەر ژیانێیە. ژ بەر زھنیەتا کو جڤاک پێ تێ پەروەردە کرن، د ئەساس دە، فکرێ پەرچقاندنێ ئاڤا دکە میناک ئێدی زاروکێن وێ دایکێ ژی ڕو ب ڕوی ڤێ توندیێ دبن و دبنە سەدەما تونەکرنێ.

توندی نە تەنێ ب ریا لێدانێ تێ بکارانین، لێ دبە ژ پەیڤەکێ بە ژی، یانێ قالبێ کو د ھشمەندیا زلام دە ئاڤا کرنە دخوەزن جورەیێن دنێن توندیێ پێ بتەپسینن. زلامتی ب توندیێ رە ئەساس گرتنە، گەر زلامەک توندیێ بکارنەیینە ژێڕە دبێژنەر ژنک، یان ئەو د جڤاکێ دە نایێ پەژراندن. میناک: دەما کو دوو کەس کەچ و خۆرت هەڤژیانیێ دکەن یەک ژ چاندا کەڤن کو زلام د رۆژا هەڤژیانیێ دە وێ بووکێ دەستپێکێ ب لێدانێ پێشوازی دکە. ھەر وھا میناکێن وێ ژی گەلەکن کو د ناڤا جڤاکان دە ئاسایی تێ دیتن، و ب ڤان جورە چاندان ڕە ئیرو توندی پێتر ئەنجام دگرن.

ژ بۆ کو ئەو یەک وەکە زاگۆنەک دەستھلاتداری وەرە تونەکرن د جیھانێ دە ب ھەزاران ژنان خوە کرنە فێدایی. ھەر وھا میراتەیا سێ خویشکێن میراباڵ ھەر سال تێکۆشینێ نوو دکە و د پێش دە دبە. لەوما د تێکۆشینا ژنان دە خەتا دژی توندیێ بەردەوامە و ھەر کو دچە خورت دبە. د سایا تێکۆشینا ژنێن کورد دە دێ خورتتر ژی ببە، لێ کیژان ژنێن کورد؟ ئەو ژنێن تەسلیمی ئامورێ خوە بوی و دبە لیستوک د پەرگالێن کاپیتەلیزمێ و ئمپریالیزمێ دە؟ نا ئەو ژنێن تێکوشینێ دکەن و خودی ئیرادەیەکی پوڵاینی و زێهنیەتا ژنا ئازاد و خودی ئەتیک و ئەستاتیک، ئەو ژنێن دیروکێ ب ڕح و جانێ خوە دنڤیسن.

ژنا کورد د ڤێ خەتێ دە ھەر کو دچە خوە د ئەفسانەیا ھوناندنا تەڤنا ژیانێ دە کوور دکە و ئازادیا ژنان مسۆگەر دکە. ژ بۆنا وێ ھەر تم د ناڤ خەبات و تێکوشینێ دەیە. ژنا کوردا تێکۆشەر دەستێ ھەموو ژنێن جیھانێ دگرە و بانگ دکە و دبێژە: ˝نا ژ توندیێ رە. ژن دایکا جڤاکیە توندیێ ب دایکێ ڕە نەکەن.

 

  • 1