ئەمە بڵاوبكەوە
FaceBook  Twitter  

شەڕی براکان لەسەر دەسەڵات

تالانی گەندەڵی وتیرۆر زیندانی وسەرکوت بەرهەمدەهێنێتەوە 

هەروەها ئاشتیشیان 

لەدوایریفراندۆم(٢٥.٠٩،٢٠١٧) بەدواوە کێشەکانی نێوان یەکێتی وپارتی، دەورەیەکی نوێێ دەستپێکردووە.یەكێتی هەستی بە کەم سەنگی وبەحەواچوون دەکرد وخەریک بوو دەستی لەهەموو شت دەقرتاو بەئاسماندا بەرزدەبوەوە. حکومەتی عیراقی سەرکەوتنی گەورەی لەبەرامبەر داعشدا بەدەستهێنابوو، ڕایفراندۆمیش (سەرەڕای هەموو خیانەت وسەرکوت ونانبڕین ودزو تاڵانبڕۆیەی)، کەژاوەیەکی پیرۆزی بەدەوری پارتی دا کێشایەوە. پارتی لە هەردوو هەڵبژاردنی عێراق(١٢.٥.٢٠١٨) وکوردستانیشدا(٣٠،٠٩.٢٠١٨) سەرمەستی هەڵدانی پێکی سەرکەوتن و تەکاندنی تەپوتۆزی ڕیفراندۆم و بەستنەوەی پەلکوتانی یەکێتی وئۆپۆزسیۆنی کۆن بوو. 

لەپاش دەستکێشانەوەی مەسعود بارزانی لە پۆستی سەرۆکی هەرێمی کوردستان،(کۆتایی ئۆکتۆبەری ٢٠١٧) وەک بابەتێکی فۆرماڵی دابەشکردنی دەسەڵاتەکانی بەسەر حکومەتی هەرێمدا،. پارتی تەماحی لە یەکێک لە پۆستە هەرە باڵاکانی بەغدا (لەوانە سەرۆک کۆمار) بوو. نێوماڵی کوردی جاڕێ تر دەورەیەکی تری شەڕەجنێو خۆگیڤکردنەوە کەوتەوە نێو براکان. . تا دەهات لایەنە براوەکانی پەرلەمانی عێراق ، بۆ پۆستی سەرۆک کۆماری عیراق ، گوشاریان بۆ سەر یەكیتی وپارتی زیاد دەکرد بۆبەربژێرکردنی کاندیدكیان یان ڕێککەوتن لەسەر تاکە کاندیدێک.

پارتی ملینەدا،بە کاندیدی یەکێتی وئەوەبوو دکتۆر فوئاد حسێن وەک نوێنەری (سەرۆک بارزانی) بۆ سەرۆککۆماری ئایندەی عێراق دەسنیشانکرا. بەڵام یەکێتی پێشتر لەلایەن ئەندازیارانی سیاسەتی عیراقەوە دڵنییایەکی بەدەستهینابوو. کاندیدی یەکێتی دکتۆر بەرهەم سالح ، لەبەرامبەر دکتۆر فوئاد حسێن کاندیدی بازرانی کەوتنە کێشمەکێشێکی کۆمیدییەوە، کە بەشێوەیەکی تراژیدیی بە شانسی دکتۆر فوئاد حسین کۆتایی بە سیناریۆکە هات.(بەرهەم ٢١٩ دەنگ ، فوئاد ٢٢دەنگ ). 

لەڕاستیدا ٢.ئۆکتۆبەری ٢٠١٨ رۆژی هەڵبژاردنی پەرلەمانی عیراق بە زۆرینەی ڕەها، بە بەرهەم سالح وەک سەرۆککۆمار، نەک ١٦ ئۆکتۆبەر ٢٠١٧(رۆژی لەشکرکێشی لەشکری عیراقی وحەشدی شعبی بۆ کەرکوک ودەرکردنی پێشمەرگە لەکەرکوک و هەڵاتنی نەجمەدین کەریم پارێزگاری کەرکوک )، هاوکیشەیەکی تری سیاسی لەکوردستانی عێراقدا دەستپیدەکات. بۆ ئەوەی پۆستی سەرۆککۆمار لەلای یەکێتی بمێنێتەوە، لەکاتێکدا لەسەر کاندیدیک ڕێکناکەون و هەموو ئەو کاندیدانەی تریش لە لەلیبوکێک (نزیکەی ٢٥ کاندیدی تر هەبوون) زیاتر نین، حکومەتی عیراقی و لایەنەکانی نێو پەرلەمانی عێراقی، داوایەکی دیایکراویان جێبەجێ ببوو ، بەدەستەوەدانی کەرکوک وئارایشدانەوەی کەرکوک وناوچە سنورییەکانی کە پێشتر بەهاوبەشی هێزەکانی پێشمەرگەولەشکری عێراقی کۆنترۆڵکرابوو، پاش شکانی لەشکری عیراقی لەبەرامبەر داعشدا، هەندێ ناوچە هێزەکانی پێشمەرگە لەبەرامبەر داعشدا بەرگرییان کرد وڕاوەساتانەوە. یەکێتی یان چەند باڵ وماڵباتێکی ناو یەکێتی لە پلان و لە مامەڵەیەکی ناشیریندا دەستپێشخەری بۆ گەڕانەوەی دەسەڵاتی بەغدا کرد بوو.

دەورەیەکی دی شەڕە جنێوی نێوان یەکیتی وپارتی بەبەهاراتی توندی ژماردنیژمارەی خیانەتەکان وملهوڕی وپێشلەشکری گەرمکرا. ئەمجارە دەستی پارتی لە تۆڵەکردنەوەی یەکێتی بەهانەیەکی گونجاوتری بەگیرهێنا. ئیدی بەخیانەتی نەتەوەیی گەورەو بزاندنی خەتی سوور، تۆڵە لە ملنەدانی یەکێتی بۆ تەسلیمبوون بەقەدەروقوەتی پارتی بۆ سەرۆک کۆمار . 

لەسەرەتای ساڵی تازەد٢٠١٩ ا، پارتی هیچ نەرمیەکی لە بەرامبەر لایەنە براوەکانی پەرلەمانی کوردستاندا نەنواند، وە زۆر بێباکانە مەرجەکانی خۆی بۆ هێزەکانی نێو پەرلەمان بۆ بەشداری لە دەسەڵات دیاریدەکرد وهەردوو پۆستە گرنگەکانی سەرۆکی هەرێم (نێچیرڤان بارزانی)، سەرۆکی حکومەت (مەسرور بارزانی) ، قۆرخکرد وپرس وڕای بەکەس نەکرد. پۆستی نەوت و دەرەوەش هەر بۆ خۆی دەبێت، وە بێدەنگیەکی گشتی کە نیشانەی ڕازیبونێکی ترسناکەخەریکە دەکاتە ئەمری واقیع. یەکێتی پەرچەکرداری بێدەنگی کە متبوونی تووڕەبوونێکی لەخۆێدا شاردبوەوە چەند رۆژەی گۆڕی بۆ دەستیبردن بۆ گرتن وڕاونانی ئەندامان وکادرانی پارتی لەناوچەی سلیمانی ، بەهەمان شێوازو هەندێک قەهراوەی تر، پارتیش دەستی برد بەبارمتەگرتنی کادرەکانی هەولێری یەکێتی. ئۆپۆزسیۆنی پاکێجەکانی سەردەمی ١٧ شوبات وملخواروشکستخواردوەکانی ئەم دەورەیە، دەستەوەستان تەماشای حەمەی حاجی مەحمودیان دەکرد، نێوەندگیری بکات وتوندوتیژییەکە خاو کاتەوە، ئەوە بوو بەگۆڕینەوەی دیل بە دیل دەرگای گتوگۆی پێکهێنانی حکومەتی هەرێم کرایەوە. لە پرێسە کۆنفرەنسەکاندا هەواڵی ئەوەمان بیست بەهۆی نەخۆشیەوە ( هیرۆ خان) نەیتوانیەوە بەشداری وەفدەکەی یەکێتی بکات. 

یەکێتی دەستی برد بۆ ڕاگەیاندنی قەدەخەکردنی تەڤگەری ئازادی(حرکە من اجل مجتمع حر) وڕێکخراوە نزیکەکانی سەر بەتەڤگەر وداخستنی بنکەو ئۆفیسەکانیان لە ناوچەی سلێمانی. هاوکات سەرککۆماری عێراق سەردانی تورکیای کرد ولە پریسە کۆنفرنسەکەی لەگەڵ ئەردۆگان سەرۆکی تورکیا کە بەرهەم ساڵحی وەک دۆستی ئازیزم یان هاوڕێی بەوەفام تاریف کرد، ڕووبەرڕوبونەوە و بنەبڕکردنی تیرۆریان وەک ئامانجی هەردوڵا باسلێوەکرد. ئەو هەنگاوانەی دواتری یەکێتی لە گرتن وزیندانی کردنی ئەندامان ولایەنگرانی تەڤگەری ئازادی ڕێگریکردن لەفلمی دۆکیومنتاری دەربارەی تێکۆشانی (سەکینە جانسز) وداخستنی سینەما سالم ونەهێشتنی مەراسیم وئەم سەکوتگەرییانە بۆ ئەوەیە کە پشتیوانی ئەردۆگان بەدەستبهێنیێ بۆ گوشار خستنە سەر پارتی کە چێگەوڕێگەیەکی شیاوتری لە پەیکەرەی دەسەڵاتی حکومەتی هەرێم پێبدات. 

لێرەوە دەتوانین باشتر لە ڕەوەندەکە ولە پرۆسەکە ووردبینەوە.. چ شەری یەکترو چ شەڕی نێوخۆییان لەگەڵ لایەنەکانی تردا، ئامانج پاوانی دەسەڵات وگومرگ ودزینی نەوت وسەروەت وسامانە، چ ڕیکبکەون وئاشتی بکەن هەر هەمان کارەسات بەرهەمدەهێنەوە.

…………………………

ساکینە چانسز ئەندامی کۆنسەی نیشتمانی پارتی کرێکارانی کوردستان لە گەڵ دوو ئەندامی تری هاوڕێێدا لە پاریسی پایتەختی فەرەنسا لە رۆژی ١٠.١.٢٠١٣ تیرۆرکرا.1

 

 

  • 1