ئەمە بڵاوبكەوە
FaceBook  Twitter  

 لەم ماوەیەدا دیاردەی توندوتیژی كۆمەڵایەتی زۆر زیادی كردووە بەتایبەتی رۆژ نیە لێرەو لەوێ گوێبیستی كشتنی ئەم ئافرەت و ئەو پیاو و ئەو منداڵ و ئەو دكتۆر و ...هتد نەبین.ئەوەش لەكاتێكدایە كە ژینگەی سیاسی و متمانەی خەڵك بە دەزڤا ئەمنییەكان كەم دەكات .بەشێوەیەك كە وای لێهاتووە كە دیاردەی چەكداری زۆر زیادی كردووە و بۆتە هۆی ئەوەی كارەساتی لێبكەوێتەوە و ئاژاەگیری و سەروەرنەبوونی یاسای لێكەوتۆتەوە.

ئەو بارودۆخە پێش هەمووشتێك پێویستی بەوە هەیە كە ژینگەیەكی سیاسی لەبار دروست بكرێـت و متمانە بەدەزگا ئەمنییەكان زیادبكرێت و پەلە بكرێت لە دروستبوونی حكومەتی هەرێم.هەر ئەوەش وابكات كە سەروەر بوونی یاسا سەقامگیر بكرێت و پێداچونەوە بە مۆڵەتی چەكدان بكرێت تا رێگری بكرێت لە دیادردەی چەكداری.ئەوەش هەوڵی هەموو لایەكی دەوێت و دەبێت وا بیر لە ئارامی و ئاسایش بكرێتەوە كە خەڵك بەشێكی گرنگی پاراستنی ئاسایش و ئارامییە و دەبێت پێداویستییەكانی ژیانیان دابین بكرێت و خزمەتگوزارییەكان دەستەبەر بكرێت هەر ئەوەش دەبێتە هۆی ئەوەی كە خەڵك بەشێكی گرنگی ئارامی بێت.لەولاشەوە لەراستیدا پێویستە رێگری بكرێت لەو فیلمە دۆبلاژكراوانەی كە هەریەكەو لەلایەك و بە ئارەزووی خۆیپەخش دەكات كە بەشێكیان هانی توندوتیژی دەدەن و نابێت پەخش بكرێت.لەولاشەوە دەبێت لە ناوەندەكانی خوێندن و شوێنە گشتیییەكاندا و لەپەروەردەكردندا كار بۆ ئەوە بكریێت شیرازەی خێزان توندوتۆڵ بكرێت و هەستی خۆشەیستی لە جیاتی رق و كینە پەرەی پێبدرێت.

 

  • 1