ئەمە بڵاوبكەوە
FaceBook  Twitter  

26.5.2019 لە [28] وڵاتی ئەوروپا هەڵبژاردن بۆ پەرلەمانی ئەورپا بەڕێوەچوو، بۆ پڕكردنەوەی [751] كورسی، كە بەسەر [9] گرووپی سیاسی و ئایدۆلۆجیدا دابەش بوون.

دانمارك یەكێكە لەو وڵاتانەی ئەندامی یەكێتی ئەروپایە، كە هەڵبژاردن تێیدا ئەنجامدرا.

ئەوەی جێگەی سەرنجە پێشڕەوی بلۆكی سوور و پاشەكشەی ناسیۆنالیستەكانە بە تایبەتی [حیزبی گەلی دانمارك] كە حیزبێكی ڕاستڕەوی دژ بە بێگانەیە.

سەبارەت بە بلۆكی سوور كە لە چوار لایەن پێكهاتووە، ژمارەی كورسیەكانیان زیادی كردوە. بۆ نمونە {لیستی یەكگرتوو} ی چەپ بۆ یەكەم جارە لە پەرلەمانی ئەوروپا شوێن دەگرێت و دەبێتە خاوەنی كورسیەك.

هەروەها{ پارتی سۆشیالستی گەل} كە پێشتر خاوەنی كوسیەك بوو، ئێستا بووە خاوەنی 2 كورسی .

هەروەها حیزبی {ڕادیكاڵ فەنسترا} كۆرسیەك چووە پێشەوە.

سۆشیال دیموكراتەكان كە مەزنتری حیزبن ئەوان كورسیەكانیان وەك خۆی ماوەتەوە.

بەگشتی دانمارك [14] كورسی بەردەكەوێت كە بەم جۆرە دابەش دەبێت:

بلۆكی سور

1.سۆشیال دیموكراتەن 3 مەندات بە بەڕێژەی 21،5٪

2. حیزبی سۆشیالستی گەل 2 مەندات بەزیادەی 1، بەڕێژەی 13،2٪

4. حیزبی ڕادیكالی چەپ 2 بە زیادەی 1 بەڕێژەی 13،9٪

5. لیستی یەكگرتوو 1مەندات بە ڕێژەی 7،4٪

بلۆكی شین

6. ڤەنسترا 4 مەندات بە زیادەی 2 مەندات بەڕێژەی 23،5٪

7.كۆنزەرفاتیڤ 1 مەندات، بەریژەی 6،6٪

8.حیزبی گەلی دانمارك 1 مەندات بەلەدستدانی 3 مەندات و بەڕێژەی 6،2٪

بەم جۆرە دەبینین بلۆكی سوور [8] كورسی بەردەكەوێت،وە بلۆكی شین [6] كورسی.

سێ لایەن نەیانتوانی بگەنە پەرلەمانی ئەورپا،ئەوانەش بریتین لە [ لیستی ئەڵتەرناتیڤ، بزافی گەل دژ بە یەكێتی ئەوروپا، كۆبەندی لیبەرال.].

هەر لە ئێوارەوە ئەندامان و لایەنگرانی حیزبەكان لە بینای پەرلەمان،هەر لایەنە لە كۆنتۆی خۆی كۆدەبنەوەو ئاهەنگ دەگیڕن و بەدەم بیرە خواردنەوە موزیكەوە چاویان لە شاشەی تێ ڤێ كانە كە لە دوای كاتژمیر [8] ەوە ئەنجامەكان وردە وردە ڕادەگەیەنن.

هاوكات هەموو هۆڵەكان پڕن لە میدیاكاران و بەردەوام دەنگوباسی دۆخەكە دەگەیەنن بە بینەران

بەڵام ئاهەنگی مەزن ئەو كاتە دەست پێدەكات كە ئەنجامە كۆتاییەكان ڕادەگەیەنن، بەتایبەت ئەو لایەنانەی مەنداتەكانیان زیادی كردوە یا وەك خۆیان ماونەتەوە.

سەیر لەوەدایە تەنانەت دۆڕاوەكانیش ئاهەنگ دەگێڕن و هاوار دەكەن،بەڵام نازانم بۆ؟

دانمارك لە ڕووی دەنگدانەوە تاڕادەیەك بەشكراوە بەسەر لایەنەكاندا،ئەویش بەهۆی پێكهاتەی چینایەتی و هەندێك هۆكاری دیكەوە. بۆ نمونە بەشی ڕۆژئاوی دوورگەی [یولاند ]، زۆریان بەردەوام دەنگ بە [ڤەنسترا دەدەن ] كە نزیكە لە سەرمایەدارانی خاوەن زەویی و زار . { لە ئێستادا سەرۆك وەزیران لەم حیزبەیە}،بەڵام دەڤەرێكی مەزنی كۆبنهاگن بە نێوی [نۆرەبرۆ] كە زۆربەی هەرەزۆریان بێگانەن یا لە چینی كرێكارو هەژاری دانماركین،ئەمانە زۆربەی هەرەزۆریان دەنگەكانیان بۆ لایەنە چەپەكان ڕۆشتووە.

وەك زانراوە ڕژەی دەنگدان لە هەموو دانمارك 66٪ بووە .

لەكۆتایدا گەرەكمە ئاماژە بە كاندیتە براوەكەی [لیستی یەكگرتوو] { Nikolaj Villumsen} بكەم. ئەم كەسە یەكێكە لە دۆستە نزیكەكانی كورد، بەردەوام لە چالاكیەكاندا بەشدارە،لە هەرچوێنێك بۆی كرابێت داكۆكی لە كورد كردوە. لە زۆر بۆنەدا ئەردۆغان و ڕژێمی توركیای ڕسوا كردوە، بە تایبەتی لە كاتی جەنكی كۆبانی و عەفریندا،كە ڕۆڵی بەرچاوی هەبوو. بۆیە زۆر خۆشحاڵم بە دەرچوونی و هیوای سەركەوتنی بۆ دەخوازم.

No photo description available.

Image may contain: 5 people, crowd and indoor

Image may contain: 1 person, beard and closeup

 

  • 1