ئەمە بڵاوبكەوە
FaceBook  Twitter  

لە دوای رودانی خیانەتی شانزەی ئۆکتۆبەر وبەدەستەوەدانی ناوچە کێشە لەسەرەکان و جێناکۆکەکان، سیاسەتی پەرتەوازەبوونی ھێزەکوردیەکان و یەکتری تاوان بارکردن بەخیانەت و شکانەوەی یەکتری، نەسازان لەسەر ھێمن کردنی باردۆخی کەرکوک و ململانی سیاسی خۆیان لەپێناو پۆست و کورسی رێگا خۆشکەر بوو بۆ لاواز بوونی ھێز و پێگەی کورد لەناوچەکە.

لایەنە عەرەبیەکان تورکمانەکان ئەم ھەلەیان قۆستەوە و دەستیان کرد بەتەعریب کردو ھێنانی عەرەبی ھاوردە بۆ ناوچە جێناکۆکەکان، لەئێستادا ھێزە میرنشیا و ھێزە عێراقیەکان کار بۆ سرینەوەی مۆرکی نەتەوەی و کلتوری کورد ئەکەن لەم ناوچانە، لەئێستادا دەستیان کردوە بەسیاسەتیکی مەترسی دار ئەویش سوتاندنی کێڵگە کشتوکاڵیەکانی کوردنشینەکانن، جینۆسایدی ئابوری کوردەکان ئەکەن تاوەکو ئەو ناوچانە چۆڵ بکەن،

ئەمەی لەم رۆژانەش رویدا رونە تەنها سوتاندنی گەنمی چەند جوتیارێک نیە، ئەمە هێرشە بۆسەر خاکی میلەتێک و هەوڵی لەناوبردنی ناسنامە و تێکدانی جوگرافیا و شۆناسیی میلەتێکە.

بێ دەنگ بوونی سەرکردایەتی کورد بەعەرەب کردن و جینۆسایدی ئابوری کوردەکان ئەکاتە ژێر پرسیارەوە رێگە خۆشکەرە بۆ ئەم روداوانە.

سەرکردایەتی کورد نەک ھەر ھەڵوێست و کاردانەوەی نەبووە، ھەریەک لەبەر بەرژەوەندی سیاسی و مانەوەی خۆی نۆکەری بێگانەیە و سەرکردەکنمان بوون بەمەقاشی دەستی ئەوان،لەئێستاشدا شەری کورسی و شەری بیرە نەوت و دەسەڵات ئەکەن، خەریکی شکانەوەو پوکانەوەی یەکترین،ئەمە لەکاتێکدایە کە چارەنوسی کورد لەبەردەم باردۆخێکی مەترسیدار دایە، 

دەبێ دەسەڵاتی کوردی بەزوترین کات بەخۆیدا بچێتەوە و لەھەوڵی یەکگرتنی پارتە سیاسیەکانی کورد بێت تاوەکو یەک رەنگ و یەک دەنگ بن لەپرسە نەتەوییەکانداو چیتر دوژمن بەئاسانی زاڵ نەبێت بەسەریاندا، پێویستە بەزوترین کات دۆخی کەرکوک ئاسایی بکرێتەوە و لەپێناو مانەوەی کورد و پارێزگاری کردن،لەکوردەکان سەرجەم بەرەژەوەندیەکانیان وەلا بنێن،

بەپێچەوانەوەش گەر لەسەر سیاسەتی خۆخۆری شکانەوە و لەناوبردنی یەکتری بەردەوام بن، باردۆخی کورد لەناوچەکە بەرەو باردۆخێکی مەترسیدار ئەبات.

 

  • 1