ئەمە بڵاوبكەوە
FaceBook  Twitter  

یەكێك لەو گرفتە كۆمەلایەتیانەی كە لە هەرێمدا لە پەرەسەندایە و ساڵانە هەزار ڕوداوی جەرگ بڕی لێ‌ ئەكەوێتەوە و هەزاران كەس بەوهۆیەوە گیان لە دەست ئەدەن و كەم ئەندام ئەبن و سەدان خێزان داماو و سەرگەردان ئەبێ‌ ، ئەمە بێجگە لە تێكشاندن و سوتاندنی ئۆتومبیلەكا ، كە ئەمەیش زیانێكی ئابورییە !!

سەیر لەوەدایە ساڵانە دامودەزگا بەرپرسەكان بە لیستی یان بەڕێی سەرژمێری ئەو ڕوداوانە و خەڵكە كوژراو بریندارەكان و وێنەی زۆرێك لەوانە بڵاوئەكەنەوە ، بەڵام تا ئێستا لەلایەكەوە هۆكارەكانی و لەلایەكی ترەوە چارەسەركردنی بە چاكی و بە تەواوی بیری لێ‌ نەكراوەتەوە ، كە لێرەدا هەوڵ ئەدەم هەندێكیان بخەمە بەرچاوی كاربەدستان و لە هەمان كاتدا شۆفێرەكانیش .

یەكەم / خاپی و ناتەواوی ڕێگەوبانەكان ، بە تایبەتی لە بەینی شارەگەورەكان و شارۆچكە و گوندەكاندا ، كە یان قیرتاو نەكراون ، یان پڕٍە لە كەندو كۆسپ .

دووەم / زۆربوونی بێ‌ ئەندازەی ئۆتۆمبیلی بچوك كە قەرەبالغی یەكی لە سنوربەدەری دروست كردوە و ئێستا ئامیری سەرەكییە بۆ گواستنەوە چ لە ناو شارەكاندا چ لە بەینی شار و گوندەكاندا .

سێی ەم / كەم ئەزمونی و نەشارەزایی ، لێ‌ نەزانینی شۆفیری ڕیگا دوورەكان ، ئەمەیش لە ئەستۆی پۆلیسی هاتوچۆیە كە مەرجی پێویستی نەسەپاندووە بەسەریاندا .

چوارەم / كەمی شەقامی دووسایدی ، بەتایبەتی ڕیگا دوور و قەرەباڵغەكان .

پێنجەم / جیانەكردنەوەی ئۆتۆمبێلی بارهەڵگرە گەورەكان لەوەكانی تر ، واتە نەبوونی شەقامی تایبەتی بۆ ئەو جۆرانە ، كە زۆر جار ئەوانە ئەبنەهۆی ڕودانی كارەساتەكان .

شەشەم / نەبوون یان كەمی ولاوازی چاودێریكردن ( دەوریە) لەلایەن پۆلیسی هاتوچۆوە نەك كامیرادانان بەتەنها ، كە ئەمە زۆر پێویستە بۆ پابەندبوونی شۆفێرەكان بەڕێنوماییەكانەوە وەك كەمكردنەوەی (خێرایی) كە لە خۆیدا هۆیەكی سەرەكییە بۆ ڕوداوەكان وەكو ڕاپۆرتی پۆلیسی هاتوچۆ دیاریكردوە .

چارەسەرەكان ئەكرێن بە دووبەشەوە :.

یەكەمیان درێژخایەنەو بەندە بە پرۆژە و پلانی وەزارەتی هاتوچۆوە ، واتە 

‌أ- پاراستن و چاككردنی ڕێگاوبانەكان و كردنەوەی شەقامی نوێ‌ ، بەتایبەتی شەقامی دووساید .

دووەم : دەست داگرتن ، مەرجدانان بۆ پێدانی مۆڵەتی شۆفێری بەتایبەتی هی ڕێگا دوورەكان ، سەندنەوەی مۆڵەت لەوانەی كە دووجار زیاتر سەرپێچی یاسائەكەن .

سێیەم : جیاكردنەوەی ڕێگای ئۆتۆمبیلی بارهەڵگری گەورە ، بەتایبەتی دورخستنەوەیان لە شارو ئاوەدانیەكان .

چوارەم : بایەخدان بەپاصی گەورە و مامناوەندی بۆ گواستنەوە چ لەناوشارەكان و چ لە ڕێگای بەپێی شارو شارۆچكەكاندا ، واتە كەمكردنەوەی ئۆتۆمبیلی بچوك لەو بوارانەدا .

پێنجەم: چڕكردنەوەی دەوریەی پۆلیسی هاتوچۆ شانبەشانی دانانی كامیرا بۆ چاودێری ئۆتۆمبیلەكان لە ڕێگا سەرەكیەكاندا .

شەشەم : سنوردانان بۆ ئەو (هەزاران ) ئۆتۆمبیلەی كە ساڵانە بۆ دەسكەوتی تایبەتی دەهێنرێتە هەرێمەوە .

حەوتەم : كردنەوەی بەرنامەیەكی TVهەفتانە لەلایەن پۆلیسی هاتوچۆوە بۆ ڕێنومایی كردنی شۆفێرەكان و پێداگرتن لە یاساو ڕێنوماییەكان و پیشاندانی ڕوداوەكان ..

 

 

 

احمد حامد

22/9/2019

 

  • 1