ئەمە بڵاوبكەوە
FaceBook  Twitter  

هەرچەندە بەهۆی رووداوەكەی توركیاوە بۆ سەر رۆژئاوای كوردستان كە لە 9 ئۆكتۆبەرەوە دەستی پێكرد, ئەمەش وای كرد كە خۆپیشاندانەكانی عێراق لە یاد بكەین,بەڵام خۆپیشاندانەكانی عێراق كە لە سەرەتای مانگی ئۆكتۆبەرەوە دەستی پێكرد, هەرچەندە كە لە پێشوتر ئاماژەم پێكردبو كە مانگی ئۆكتۆبەر بە كردنەوەی دەرگای ناڕەزایەتی گەلی عێراق و وەهەروەها بەكردنەوەی دەرگای نەهامەتی گەلی كورد دادەنرێت لە رۆژئاوا كوردستان.

شەوی 24 مانگ بەدووەم قۆناغی دەستپێكی خۆپیشاندانەكانی عێراق دادەنرێت كە لە گۆڕەپانی تەحریری بەغداوە ئامادەكاری بۆ كرا, كە لەلایەن هاوڵاتیانی عێراقەوە وە بەتایبەتیش لەلایەن چینی گەنجانەوە كە بە چینێكی سەرەكی ئەو خۆپیشاندانە دادەنرێت چوونكە ئەو چینەبە ڕێرەوی گۆڕینی وڵات دادەنرێن. 

ئایا دەستپێكی دووەم قۆناغی خۆپیشاندانەكانی عێراق چی دەگۆڕێت؟

هەرچەندە لە قۆناغی یەكەمی خۆپیشاندانەكان هیچ گۆرانكاریەكی ئەوتۆ بەدی نەكرا بۆ خۆپیشاندەران كەچی لەپاڵیشدا بە چەندان قوربانی و برینداری لێكەوتەوە,چوونكە عێراق لە ئێستادا لەنێو گەورەترین قەیرانی گەندەڵی و فكری ومەزهەبی دایە, بۆیە بەدێهێنانی داواكاریەكانی خۆپیشاندەران بەشێوەیەكی مسۆگەركراودا لە بۆ ئێستادا بە هێلی سور دادەنرێت,

ئایا خۆپیشاندەران پێویستە داوای چی بكەن ئەم جارە؟

بۆ درووستبوونی عێراقێكی خۆش و ئارام كە تێیدا هاوڵاتیەكانی بە شێوەیەكی خۆشگوزەران ژیانی خۆیان بەڕێ بكەن و بە تایبەتیش گەنجان كە ببنە خاوەن داهاتوویەكی مسۆگەر كراو لە عێراق دا كە ئیتر كێشەی دامەزراندن و چەندین كێشەی تریان بۆ درووست نەبێت, پێویستە لەسەرەتادا داوای لەناوبردنی گەندەڵكاران بكەن ,كە بەشێوەیەكی ڕیشەیی بۆ ئەوەی جارێكی دیكە گەندەڵكاری گەورە لە دایك نەبێتەوە لە گۆڕەپانی سیاسی عێراقدا ,وە هەروەها داوای لەناوبردنی ئەو ئایدیا مەزهەبی و تایفەگەریەی عێراق بكەن كە ساڵانێكی زۆرە باڵی بەسەر عێراق دا هەڵكێشاوە بووەتە هۆی نائارامی لە نێوان تاكەكانی عێراقدا و وە لە پاڵیشیدا بووەتە پەردەیەكی گەورە بۆ گەندەڵكارەكانی عێراق.

25|10|2019

 

  • 1