ئەمە بڵاوبكەوە
FaceBook  Twitter  

گۆمانی تێـدانییە، کە داگیرکەرانی کوردسـتان، رەگەزەپەرسترین و تونـدڕەوترین و دڕندەتـرین و دڵڕەقـترین و بێویـژدانترین و خوێنڕێـژترن و نامەردترینداگـیرکەرن.

لە هەموو جیهانیشدا لە وێنەی ستەمکاری و نامەردنیان نییە.

داگیرکەرانی کوردستان، بێ دەسپاراستن، بۆ رەشەکوژی و کۆمەڵکوژی و قـڕکردن و ژینۆسایدکردنی گەلی بێتاوانی کوردمان، بۆ سڕینەی ناسنامەی نەتەوەیی کوردیمان، بۆ وێرانکردنی گونـد و شارەکانی کوردستانی نیشتمانی جوان و شیرینمان.. مۆدێرترین و قورسترین و کوشندەترین و کاولکەرترین چەکی تـازەی قەدەغـەکراوی نێو دەوڵەتییان بۆ یەکەمین جار، لەدژی گەلی کوردمان تاقـیکردوونەتەوە و بەکاریان هـێناون. ژمارەیەکی یەکجار زۆری سڤیلی کوردمان بوونە قـوربانی ئەم تاوانانەی داگیرکەران. 

عێراقی داگیرکەری باشووری کوردستان، تازەترین چەکی روسی: ئینگلیزی، ئەمریکی، فەرەنسی، نەمساوی، ئەڵمانی، هەر لە تـۆپ و تانک و راجیمە و زرێپـۆش و فـرۆکەی جەنگی مێگ و سیخۆی و هێلکۆپتەر و رۆکێتی ناپاڵمی سوتێنەر و کیمیای ژەهـراوی و فـسفۆر و مینی دژەمـرۆڤ، تا دەگاتە چەکی میکـرۆبی و تیـزابی سـووتێنەر.. هەموویان لە دژی کورد تاقـیکردنەوە و بەکاریان هـێنان، بە هـەزاران کوردیـان شەهـید کرد.

کیمیای ژەهراویان لە هەڵەبجە و سەردەشت و کۆکتەپە و سیوسینان و دۆڵی جافـایەتی و لە سەرگەڵوو و لە دەڤەری بادینان و چەندین شوێنی تری کوردستان بەکارهێنان و بە هەزاران کوردیان بە کیمیاوی ژەهـراوی تاسێنەر و سووتێینەر شەهیدکرد.. فسفـۆریان بەکارهـێنا و بە ناپـاڵمی سوتێنەر و کاولکەرباشووری کوردستانیان وێـران کرد. 

بە ئەوەشەوە نەوەستان، زیاتـر لە دوو سەد هـەزار ژن و منـداڵ و لاوی کوردیـان لە بیابانەکانی خوارووی عێراق لە ژێر ئاڵای (اللە اکبر) دا بە زیندووی زیندەبەچاڵ کردن. چەکی میکـرۆبی و ڤـایرۆسیشیان، لە کومـەڵـێک لە گەنجە بەنـدکراوەکـانی بـرا کوردە فەیلییەکانم تاقیکردنەوە، کۆمەڵـێکی زۆر لە گەنجـە فـەیلییەەکانمانیان لە ناو حـەوزی تیـزابدا توانـدیانەوە.. ئەمەیە دڕنـدەیی و نامەردی شۆڤـێنی عـەرەبی، ئەمەیە راستییکولتووری بۆگەنی هەڵگرانی (ذات رسالة خالدة) ئەم راستی رەوشت و پەیامەکەیان، کە لە باپیران و لە خەلـیفەکـانیانەوە بە مـیرات بۆیـان ماونـەتەوە.

سەدام ئەنفال و عەلی کیمیاوی ئەو چەکە قەدەغەکراوە نێودەوڵەتییانە و چەندین چەکی تریان لە دژی گەلی کوردمـان، لە باشوور و لە رۆژهـەڵاتی کوردسـتان بەکـارهـێنان.

ئیرانی کۆماری سێدارەش، لە سەردەمی رەزای شای گۆڕبەگۆڕەوە تا دەگاتە خومێنی و ئاخودەکانی ئەمڕۆ، رەگەزپەرستانە و شیعەپەرستان مامەڵەیان لەگەڵ کورددا کردوون و دەکەن.. بە گەورەترین هـێزی سەربازی و بە تازەتریـن تۆپ و تانک و زرێپۆش و فرۆکەی ئەمریکی و روسی، بە داڕشتنی پیلانی گڵاو و نامەردی، سەرکوتی شۆڕشی لـورستان و سمکۆی شوکـاک وکۆماری کوردستان لە مەهـاباد کرد.. رژێـمی ئێستای ئێران، دڕاندانەتر هەموو چەکێکی کوشندە لە دژی گەلی کوردمان بەکاردەهـێنن.. بۆ شەهیدکردنی زۆرترین ژمارەی کورد.. وەکوو بینیمان، تازەتـرین موشکەکانی خۆیان 

لە کوردتاقـێکردنەوە، نەک لە رۆژهەڵاتی کوردستان بەڵکو لە ناو شاری (کـۆیە) لە باشووری کوردستاندا، موشک بارانی کەمپی ئاوارەکان و باررەگای پارتیدیموکراتی کوردستان ـ رۆژهەڵاتیانکرد، ژمارەیەکی زۆری سـڤـیلی کوردیـان شەهـید کرد.

خومێنی گـۆڕبەگۆڕیشفەتـوایی دا و کوشتنی کوردی رەواکـرد و (جیهاد) ی لە دژی کورد راگەیانـد.. ئێـران تازەتـری شێوازی لە سـێدارەدانیشی لە دژی کورد بەکارهـێنا، بە بەرزکەرەوە (رافعە) کورد لە شەقامەەکانی شارەکانهەڵواسی و لە سـێدارەی دان. زۆر بە نامەردیش، دکتۆر عەبدولڕەحـمان قـاسملو و دکتۆر سـادق شەرەفکەنـدیو چەندین کەسایەتی و تێکۆشەری تریکوردیان لە رۆژهەڵاتی کوردستانتیرۆرکرد.

سوریای دیکتاور بەشار ئەسەدی خۆسەپێنیش، لە سەردەمی حافز ئەسەدی باوکییەوە، تا ئەمڕۆش، منداڵان و لاوان و کەسایەتییەکانی کورد، بە شێوەیەکی دڕنـدانە لە لایەن ئەمـن و دایـرەکانیهەواڵگری سوریاوە، تیڕۆرکـران و دەکـرین.. بە ئەشکەنجـدان و هەڵواسین و بە تەزووی کارەبایی و بە داخکـردنی جەستە، چەندین لاوی کوردییان لە زیندانەکانیانی سوریادا شەهـید کـردن.

تا ئەمڕۆش وەکو هاوڵاتییەک دان بە ناسنامەی کورد دا نانێن و لە رەگەزنـامە و لە سادەتـرین مافبێبەشیان کـردوون و خاک و زەوی و زاری کوردیان داگیکـردوون. 

جیهان ئەو راستییە دەزانێت، کە لە تورک رەگەزپەرستر نییە، ئەوان هەر منداڵـییەوە بەوە ئایدۆلۆژییە بۆگەنە رەگەزپەرستییەیان گۆش و پەروەردە دەکرێن کە دژی کوردبن و رقیان لە کـورد بێت.. لە سوڵتانە خوێنڕێژەکـانی باپیـرانیانەوە تا دەگـاتە ئەتاتـورکی گۆڕبـەگـۆڕ و ئەردۆگـانی فـسفۆر واهـاتوون و واش دەڕۆن، کە دوژمـنی سەرسەختی ئەوان کوردبن.. تا ئەمڕۆش دان بە بـوونی بیست و پێـنج ملیۆن کـورد دا لە باکووری کوردستان نانین، ناوی "کوردستان" یش بۆتە گـرێی شـێرپەنجەی سەر دڵـیان.

(نیلسۆن مانـدێلا) راستی گوت:"گەر دەتەوێ تورک بناسیت.. رۆژێ ببە بە کورد"

جیهان ئەوە دەزانێت، کە عوسمانییە رەگەزپەرستاکان، بە زۆرداری و خوێنڕشتن و بە رەشەکوژی کومەڵکوژی کورد و یۆنانیو ئەرمەنی، پانتاییەکی زۆری خاکی کوردستان و یۆنانستانیان داگیرکرد و ناویانلێنا دەوڵـەتی عوسمانی و دواتـریش تورکیا.. ئەوان بەم خاکە نامۆن و لە مەنگـۆلیا و ئاسیای بچـووکەوە هاتوون و وەکوو داگیرکەر لێرەدا ماونەتەوە.. ئەوەی قووڵایی مێژوو بخوێنێتەوە، ئەم راستییەی بۆ دەردەکەوێت.

سۆپای دڕنـدە و خوێنڕێژی تورکیا تاوانبارترین و نامەردترین سوپایە لە جیهانـدا، بە کۆمەڵکوشتنی کورد و کاولکردنی کوردستان و دزین و تاڵانکردنی ماڵ و سامانی کورد، ئامانجی گڵاو و گەورەیانە.. بەڵکو بە هەموو شێوەیەک، هەوڵی سڕینەوەی ناسنامەی نەتەوەیی کوردیان داوە و دەدەن.. ئەمەش بۆتە بەشێکی سەرەکی لە بیر و لە کولتوور و لە رەەوشتی بێڕەوشتیان.. هەر لە باخچەی منداڵانەوە تا زانکۆکانیان بە ئایدۆلۆژی و ئایدیای رەگەزپەرستی و کەسنەویستی، گۆش و پەروەردەیان دەکەن و رایان دەهێینن. 

تورکیا بۆ کۆمەڵکوژی کورد لە عوسمانییەکانە تا ئەمڕۆ تازەترین چەکی کوشندەیان لە دژی کورد تاقیکردوونەتەوە. بێ دەنگی کۆمەڵگای نێو دەوڵەتیش تا ئەمرۆش، بووە بە هاندەری رژێمە فاشییەکانی یەک لە دوای یەکی تورکیا بۆ ئەنجامدانی تـاوانی زیاتـر و گەورەتر لە دژی گەلی کوردمان.. دەوڵەتە بەرهەمهێنەرەکانی چەکی کوشندە، گرنگ بە لایانەوە فرۆشتنی چەکەکانیان و قازانجکردنە.. گوێش بەوە نـادەن، کە بەم چەکـانەی ئەوان ئەو وڵاتە کڕیارانە،وەکوو وڵاتی تورکیا،خەڵکی سڤیل و بێتاوانیان پێدەگوژن.

سوپای دڕنـدە و خوێنڕرێژی تورکیای زیندانستان، بە تازەترین و بە قورسترین چەکی کوشندە و وێرانکەر و سووتێنەر، بە مۆدێرترین چەکی ئەمریکی و بەریتانی و ئەڵمانی و فەرەنسی، بە فڕۆکەی جەنگی ئێیف شانزە و هێلیکۆپتەری هێڕشبەر، بە تازەتـرین دەبابەی تۆپی دوورهاوێژ و راجیمە ئەڵمانی و بەریتانی و ئەمریکی و روسی، کەوتنەتە کۆمەڵکوژی گەلی کوردی بێتاوانمان.

کۆمەڵـێک چەکی کوشندەی لەنێوبەر و کۆمەڵکوژی مرۆڤ هەن، گوایە بە پێی بەڵگە و رێکەوتنە نێو دەوڵەتییەکانی وەکوو:راگەیاندنی (سان پترسبۆرگ) لە ساڵی (١٨٦٨) و رێکەوتنی (لاهای)ی ساڵی (١٨٩٩) و (١٩٠٧) و رێکەوتنی (جـنێڤ) ساڵی (١٩٤٩) و (١٩٨٠) و رێکەوتنی نێودەوڵەتی لەساڵی (١٩٧٢) دا، گەورەترین رێکەوتتنیش،رێکەوتنی نەتەوە یەکگرتووەکانەکە لە ساڵی (١٩٨٠) دا، کە هەرە زۆری دەوڵەتـان واژۆیان لەسەر ئەم رێکەوتنە کردووون. دوا رێکەوتنیش، رێکەوتنی (دبلن) لە ساڵی (٢٠٠٨) تە، هەموو ئەم رێکەوتنانە جەخت لەسەر بەکارنەهێنانی چەکی قەدەغەکراوی وەکوو: چەکی کیمیاوی ژەهراوی، فسفۆری سپی، ناپاڵمیسوتێنەر، بۆڵەبۆمب، هەڵمی ئاگریی سووتێنەر، بۆمبی نـاوکی (نەوەوی)، چەکی میکـرۆبی و ڤـایرۆسی، راجــیمە، مـینی چێنراویی دژی مرۆڤ، چەکی کیمیاوی بیۆلۆژی، بۆمبی لەرێنەوە.. بەرهەمهێنان و عەمبارکردن و فـرۆشتن و کـڕينی ئەم چەکـانە قـەدەغـەکـراوی نێـو دەوڵـەتـین. بەکارهێنانیان قەدغەیە و پێشێلکردنی رێکەوتنە نێو دەوڵەتییان و پێشێلکردنی مافەکانی مرۆڤـن.. بە تـاوانی جـەنگ و بە تـاوانی دژ بە مـرۆڤـایەتی دادەنـرێن. دەبێت چـاو لە تاوانبارانی بەکارهـێنەرانی ئەم چەکانە نەپۆشرێتو بدرێنە دادگـای نێو دەوڵـەتیبۆ تاوانەکانی جەنگ.. دادگایی بکرێن و سزای خۆیان و وڵاتەکانیان بدرێت.

داگیرکەرانی کوردستان، بە بەرچاوی جیهانەوە، بە شێوەیەکی زۆر دڕندانە و نامەردانە هەموو ئەو چەکە قەدەغەکراوە نیۆ دەوڵەتییانەیان، لە دژی گەلی کوردمان بەکارهێناون و بەکاریان دەهـێنن. 

ئەوەتا تورکیای فاشست شەو و رۆژ لە دژی گەلی کوردی ئازادیخواز و ئاشتیخوازمان،بە بەرچاوی نەتەوە یەکگـرتووەکان و کۆمەڵـگەی نێو دەوڵەتییەوە، بە مۆدێـرترین و کوشندەترین چەکی زەمینی و ئاسمانی و کیمیاوی و فسفۆری سپی و ناپاڵمی سووتێنەر و بۆمبی لەرێنەر، لە دژی گەلی کوردمان لە رۆژئاوای کوردستاندا بەکاریان دەهـێنێت.تورکیا شاری (گرێ سـپی) یان لە رۆژئاوای کوردستاندا، بە فـسفۆری سپی و بە ناپاڵی سووتێنەر بۆردوومانیان کـرد.. جەستەی سووتـاوی (محـەمـەد حـەمـید) کە منـداڵێکی کوردی سیانـزە ساڵانە، لەگەڵ چەنـدین کوردی تـردا، بە فـسفـۆری سپی.. بەڵگەیەکیهـاشا هەڵنەگـرن بۆ بەکـارهێنانی ئەم چـەکە قـەدەغـەکـراوە نێـو دەوڵـەتییە لە لایـەن تورکیاوە، پێویستە تاوانبار (ئەردۆگـان فـسفـۆر) لەسەر ئەم تاوانەی و بە دەیان تاوانی تری دژ بە گەلی کوردمان، کە تاوانی جەنگن و تاوانی دژ بە مرۆڤایەتین، بیگرن ولە دادگای نێودەوڵەتیدا، لەسەر ئەم تاوانانەی دادگایی بکـرێت و سزای شایستەی بـدرێت.

بە داخەوە چاوپۆشین و بێدەنگی نەتەوە یەکگرتووەکان و کۆمەڵگای نێو دەوڵەتی، لە ئاستی ئەم تاوانـانەی لە کورد کراون و دەکـرێن.. بوونەبە پشتگـیریو بە هـاندان بۆ رژێـمی رەگـەزپەرستی تورکیا، بۆ درێـژەدانیـان بەم تاوانـانە و ئەنجـامـدانی تـاوانی قـێزەوەنتر و گەورەتـر لە دژی گەلی کوردی مافـزەوتکراو و کوردسـتان داگـیرکراو.

بێگومان گەر ئێران و تورکیا و عێراق و سوریا، ببن بە خاوەنی بۆمب و چەکی ناوکی (نەوەوی) و تیشکی، یەکەمین جار لە دژی کورد تاقییان دەکەنەوە و بەکاریان دەهێنن.

من گەشبینم بە خۆڕاگری و بەرگری و بە کۆڵنەدان و بەرخودانی گەلە قارەمانەکەمان. دڵنیابن کە هەرگیز لەبن نایەین و سەردەکەوین.. زووبێت یا درەنگ بە هـیوا و بە مافە رەواکانمان دەگەین.. هیواداریشم ئەو رۆژەش بێت کە چۆن فسفس پاڵەوانی گۆڕبەگۆڕ (سەدام ئەنفـال) و بێڕەوشت (عـەلی کیمیاوی) سووک و رسواکران و بوون بە پەندی زەمانە.. هەمان رۆژی رەش و چارەنووسی قێزەوەن، بێتە رێی دیکتاتۆری خوێنڕێژ ورەگەزپەرست (ئەردۆگـان فـسفۆر). ئەمەش چارەنووسی هەموو دیکتاور و ستەمکار و لەخۆباییەکە، کە وادەزانن بە سەرکوتکردن و گـرتن و کوشتن و خوێنڕشتنی بێتاوانان،بە قورخکردنی دەسەڵات و بە زۆر خۆسەپانـدن، تا هەتـایە لە دەسەڵاتـدا دەمێـننەوە.

رەزا شـوان

نەرویـج: ١٤ی/ نۆڤەمبەر/ ٢٠١٩

 

  • 1