ئەمە بڵاوبكەوە
FaceBook  Twitter  

ئەوە مێژووی 28 ساڵەیە ، نەخوازەلا هەڵبەستراو نیە مێژوو خۆی دەدوێ چیتر تۆمەت مەخەنە پاڵ داگیرکەر کۆچە ملیۆنیەکەی ساڵی 1991 هەست و سۆزی دنیای هەژاند بۆیە UN بڕیاری ( No fly zone ) ی پەسەندکرد ، لە 1991 رووتان لە بەغدا حەیاتەکە کردەوە بۆ ماوەی پتر لە مانگێك لێتانداکوتی ، لەو کاتەی وڵاتپارێزان لە دەرەوە سەرقاڵی پڕۆژەیەکبوون بۆ دەستکەوتی کورد ، لە ساڵی 1992 لەکۆنگرەی نێو دەوڵەتی سۆشیال دیموکراتەکان بە رابەرایەتی فرانسوا میتران گەڵاڵەی پڕۆژەیەکیانداڕشت سەبارەت بە دۆزی کورد ، بەڵام رەشنووسەکەی رادەستی میت کرا و تورکەکان هار بوون وکەوتنە خۆ و لەباریانبرد ، شەڕی ناوخۆ و براکوژیتان بە فیتی داگیرکەران هەڵگیرساند چ نەما نەیکەن ، سەرخان و ژێرخانتان تێکدا پتر لە 18 دانیشتن لە ژێر چاودێری ئاغاکانتان تا ببن بە کێخوا ، لە 2003 رژێم رووخا ، دەرفەتی زێڕینبوو نەتانقۆستەوە و بە پێش رووداو نەکەوتن ، هێزتان لە حەمرین جێگیر بکردایە و مەکتەب سیاسیتان لە دڵ و قودسەکە بوایە ، لە ئازادکردنی کەرکوك ئاگاداری میت کراوە کە هێزێکی نامۆ لە تەك هێزە ئەمریکیەکانە دەیانەوێ باڵانسی هێز بگۆڕن ، لە 2003 پریمەر پێی نەوتن : ( کورد پێویستی بە پارەیە نەك دەوڵەت !! ) ، هەر لە سەر و بەندی رووخانی رژێم وەك شیعەکانکردیان ، لە پەرلەمانە حەیاتەکە بۆ بڕیاری هەڵوەشاندنەوەی بڕیارەکانی ئەنجومەنی سەرکردایەتی شۆڕشتان نەدا سەبارەت بە گۆڕینی دیمۆگرافیای ناوچە داگیکراوەکان ؟ لە 2004 ، کۆندالیزا رایز لە میانەی سەردانەکەیدا بۆ کەرکوك نەیوت : ( مێژوولە بیرکەن ) ، ئێوەی گەمژە نەتانخوێندەوە بۆیە بە ففتی ففتی یەکە قودس و دڵتان بە ئاگری بابە گوڕ گوڕ سووتاند . لەشەڕی نەگریسی داعش ، پەیوەندیە ژێر بە ژێرەکان چیبوون و چۆن لە گەل تورك شەنگاڵ رادەستی داعش کرا ؟ لە ریفراندۆمە ئابڕوو بەرەکەش بۆ ردێن چوون سمێڵیش بە بانانەوە ، کێ بەرپرسە بەرامبەر بنکە و بارەگاکانی سوپای داگیرکەری تورك و کەوا سووری بۆ دەکا ؟ پێمناڵێن پەرلەمانە بووکەڵەکەی بەردەستی میت وەك لاشەیەکی مردوو ، چ رۆژێ لە مەڕ پرسە چارەنووسسازەکان و مەینەت و نەداری خەڵك هاتوونەتە دەنگ ؟ یا لە سەر رێکەوت و بەروار ( نەمانزانی ڕێ ی قەڵەوە یا لاواز ) یا خەتەنەکردن و جگەرە کێشان و و شتی پڕ و پووچیتر !!! لە ئەندام پەرلەمانەکانی بەغدا و بەرپرسەکان هەر مەپرسە هەر خەریکی بەرژەوەندی حیزبی و خۆ تەکوین کردنن ، چ رۆڵیکیان هەبوە لە پرسە نیشتمانیەکان و رۆڵی بەرپرسانە لە پرۆسەی ئاشتی و پێکەوە ژیان و ئازادی و دیموکراتی و دوورکەوتنەوە لە زهنیەتی ئاینگەرایی و مەزهەبگەرایی و خێڵەکی و ...... . تکایە بەسیەتی ، ئەو دۆخە ناهەموارو نا سەقامگیر و ئاڵۆزەی دوای سێی ئەو مانگە هاتۆتە کایەوە لە مەڕ گرژی نێوان ئەمریکا و ئێران و لەو ساتە وەختە هەستیار و ناسکەدا پێویستی بە بەرەیەکی فراوان ویەکگرتووی نەتەوەیی هەیە بۆ بە پێشکەوتنی رووداوەکان و ئامادەسازی بۆ هەر ئەگەرێکی نەخوازراو . دڵنیام هیچناکەن و لە پەنا بەردی کەڕ لێیخەوتوون و چونکە کورد هەمیشە دوای باران فەڕەنجی لەبەر کردوە و چیتر کوردایەتیمان پێمەفرۆشن و لە ژێر ئەو ئاڵایەش گومانمان لە کوردبوونی خۆمان هەیە و بەڕێوە بردنی وڵات زانستە نەك کوێخایەتی .

 

 

  • 1