ئەمە بڵاوبكەوە
FaceBook  Twitter  

سەلاحەدین دەمیرتاش لە دایكبووی ساڵی 1973یە لە ناحیەی پاڵوی سەر بە قەزای ئەلەزیرە, خێزاندارەو خاوەنی دوومنداڵە وە هاوژینەكەیشی مامۆستایە, هاوكات بە یەكێك لە سیاسەتمەدارو پارێزەرە دیارەكانی باكووری كوردستان دادەنرێت كە ژیانی خۆی تەرخان كردووە بۆ ڕزگاركردنی گەلەكەی لە دەستی داگیركەران وە بەدەستهێنانی سەربەخۆیی بۆ نەتەوە ستەملێكراوەكەی ئەو نەتەوەیەش ناوی(كوردە). لەگەڵ ئەوەشدا هاوسەرۆكی پارتی گەلان (هەدەپەیە) لەگەڵ فیگەن یۆكسەر داغی هاورێی, بەڵام بەهۆی هەستی نەتەوایەتی و دەڕبرینی دەنگی خۆی لە بەرامبەر دەسەڵات دارانی توركیای شۆڤێنیزم بەڵام بۆ دواجار خۆیی و فیگەن یۆكسەر داغی هاوڕێی و لەگەڵ چەندین هاوڕێی دیكەیدا ڕووبەڕووی سزاو ئەشكەنجە بوونەوەو وە لەساڵی 2017 بە بڕیاری سەرۆك كۆماری توركیای ڕەگەزپەرست ڕەجەب تەیب ئەردۆغان بڕیاردرا بخرێنە نێو كووچی زیندانەكان بەڵام لە دەرئەنجامی مانەوەی لە زینداندا بووە هۆی ئەوەی كە لە هاوسەرۆكی پارتی گەلان هەدەپە دووربخرێتەوە, بەڵام هەرچەندە بە زیندانی كردنی سەلاحەدین دەمیرتاش و فیگەن یۆكسەر داخ بەیەكەم كاری دەوڵەتی توركیا دانانرێت كە لە بەرامبەر بە كوردانی سیاسەتمەدارو چالاكوانان ئەنجامی دابێت , چوونكە مێژوویەكی ڕەشی هەیە لە بەرامبەر بە گەلی كورد لە باكووری كوردستان و هەندێ ناوچەی دیكەدا,بەهۆی ئەوەی بەردەوام هەوڵی سەركوتكردنی ئەو سیاسەتمەدارە كوردانەی داوە كە دەیانەوێت میلەتەكەیان خاوەنی خاكێكی سەربەخۆ بێت هاوشانی میلەتانی تری جیهان بەڵام لە دەرئەنجام دا ڕووبەڕووی ئەشكەنجە و زیندانی كردن بوونەتەوە كە زۆرجاریش گەیشتۆتە تیرۆركردنیان, بەڵام هیچ كاتێك چۆكیان نەداوە بەڵكو كوچەكانی زیندان بۆیان بۆتە بەرخودانێكی بەهێز بۆ ڕزگاركردنی گەلەكەیان لەژێر دەستی دووژمنان.

هەرچەندە زیندان بە بەستنەوەی دەست و پێیەكانت دادەنرێت كە ئیتر ناتوانیت هیچ جۆرە جوڵەیەك بكەیت, بەڵام دەمیرتاش توانی لەڕێگایەكی ترەوە دەست بە خەباتی سیاسی خۆی بكات لە نێو كووچی زیندانەوە كە ئەویش لە ڕێگای نووسینی بیست و شەش كورتە چیرۆكی جۆراوجۆر بوو كە لە ڕێگای هەریەكەیانەوە پەنجەی خستبووە سەر ڕووداوە ناخ هەژێنەكان , واتە لێرەوە دەمیرتاش جگە لەسیاسەتمەدارێك و پارێزەرێك توانی خۆی وەكو چیركۆنووس و نووسەرێك لە كووچەكانی زیندانەوە درێژە بە خەباتەكانی خۆی بدات, وەهەروەها ئەوبیست وشەش كورتە چیرۆكە توانی لە ڕێگای دوو كتێبەوە بَلاویان بكاتەوە لە ساڵی 2019 بە ناوەكانی(سەحەر و دەوران) هەڵبەتە سەحەر بە یەكێك لە هەرە كورتە چیرۆكە ناخ هەژێنەكانی سەلاحەدین دەمیرتاش دادەنرێت هەربۆیەش ناوی یەكێك لە كتێبەكانی بە ناوی كورتە چیرۆكێكەوە كردوە, هاوكات لەكاتی خوێندنەوی ئەو كورتە چیرۆكە بۆماوەی چەندین ڕۆژ لەتاو ئازاری ئەو چیرۆكە تووشی خەمۆكیەكی زۆر بوومەوە , چوونكە چیرۆكەكە باس لە ژیانی كچێكی سادە دەكات كە دەكەوێتە داوی خۆشەویستی كوڕێكەوە بەڵام كوڕەكە درۆی لەگەڵ دەكات و هەڵی دەخەلەتێنێت و ڕۆژێكیان لەگەڵ هاوڕێكانی خۆی سەحەر سواری ئۆتۆمبیل دەكەن و لە دەشتاییەكی چۆل بەهەموانەوە دەستدرێژی سێكسی دەكەنە سەری كەتەواوی ژیانی ئەو كچە سادەیە وێران دەكەن , لە بنەڕەتدا چیرۆكەكە درێژە تەنها ئەوەی كە گێڕامەوە كورتەیەكی چیرۆكەكە بوو, لەپاڵ سەحەردا ئەو بیست و پێنج چیرۆكەكەی دیكەش هەریەكەیان گێڕانەوەی ڕووداوێكە كە بە شێوەیەكی زۆر تراژیدیانە گَێڕاونەتەوە.

لەكۆتایی وتارەكەم دا هیوای لەش ساغی وتەندرووست باشی بۆ خەمخۆری گەلی كورد سەلاحەدین دەمیرتاش دەخوازم كە هیوادارم لەنێو كووچەكانی زیندان ئازاد بكرێت چوونكە ئەو شوێنە هی كەسانی وەكو دەمیرتاش نیە بەڵكو هی كەسانی وەكو ئەردۆغان و هاوشێوەكانیەتی كە ماوەی چەندین ساڵە دەستی بەخوێنی هاوڵاتیانی كوردی سڤیل سۆر بووە.

  • 1