ئەمە بڵاوبكەوە
FaceBook  Twitter  

هەر لە گەل یەکەم چەخماخەی شۆڕشی نیشتمانی 14 ی گەلاوێژی / 1958 ئیمپریالیزمی جیهانی بە رابەڕایەتی ئەمریکا و ئینگلیز و کۆمپانیا مۆنۆپۆڵەکانی نەوت و وزە لە رۆژهەڵاتی ناوین ، ئۆقرەیان لێهەڵسا و کەوتنە خۆ بۆ لەباربردنی ئەو کۆرپە ساوایەی پڕ لە ئومێد و خۆزگەی گەلانی عیراق  ، بۆیە بە پشتیوانی هەواڵگری CIA ، ئینگلیز ، مۆساد ، میت ، ساواك ، جمال عبدالناصر ، عەرەبە نەژادپەرستەکان ، بەعسیە شۆڤینیەکان و کۆنەپەرست و دەرەبەگ و پاشکۆکانیان ، کودەتایەکی خوێناویان ئەنجامدا ، بە پاڵپشتی ( الحرس القومی ) کەوتنە گیانی تێکۆشەر و وڵاتپارێزان و ئازادی خوازان  ، به هەزارانیان شەهید کرد و سەراپای نیشتمانیان کردە گۆمی خوێن ، جگە لە شاڵاوی گرتن و ئەشکەنجەدان و سووتاندنی گوند و ئاوارە بوونیان . سەرکردەی بە وەفا و دڵسۆزی هەموو عیراقیەکان ( عبدالکریم قاسم ) رابەری شۆڕش و هاوڕێکانی گوللە بارانکران . هەر لەو رۆژەوە هزری نیشتمانی ، بیری ئازادی و مافی مرۆڤیان لە سێدارە دا . سڵاو لە گیانی پاکی رۆڵە بەوەفا و بە ئەمەکەکانی شەهیدانی  رێگای ئازادی و سەرفرازی ، نەفرەت لە خیانەت .

  • 1