ئەمە بڵاوبكەوە
FaceBook  Twitter  

ئیدریس سدیق/ ئەنجوومەنی هەڵگرتنی پاشەکەوتی مووچە

 هەندێ ئازار هەن زۆر بێدەنگن و لە مردنێك زیاتر لە هیچی تر ناچن هەر لەدوای رووداوە گومانیاوەکەی چێشتخانەی هۆقە بازی 2019 / 7 / 17، میتی تورکی شەرعیەتی پێدرا زیاتر دەستبخاتە ناو کاروباری هەرێم، دەرهاوێشتەکەی سەپاندنی ناڕەوای گەمارۆ بەسەر خەڵکی سڤیلی دانیشتووی کامپی مەخمور ( کامپی شەهید رۆستەم جودی ) و ئابلۆقەدانی بەدەر لە هەستی نەتەوایەتی و پێوەری مرۆڤایەتی، جگە لە مووشەکبارانکردنیان لە لایەن فڕۆکە جەنگیە سیخوڕیەکانی تورك کە شەهید و قوربانی لێکەوتۆتەوە و چەندین جارەی پەلاماری تیرۆریستانی داعش .

ئەمە لە کاتێکدایە کە رێکخەری گشتی نەتەوەیەکگرتوەکان UN و رێکخراوی تەندروستی جیهانی WHO جەخت لە راگرتنی شەڕ و هەڵگرتنی بەربەستەکان بۆ ئاسانکاری هاوکاری مرۆیی، لەو کاتە دژوار و ناسکەی کە ڤایرۆسی کۆرۆنا لە سەرتاسەری جیهان وەك پەتایەکی کوشندە بڵاوبۆتەوە و هەڕەشەی جددی هەیە لە سەر مرۆڤایەتی، دانیشتووی ئەو کامپە رووبەڕووی هەڕەشە ئامێز و ترسناکی ئەو پەتایە دەبنەوە و ژیانیان لە مەترسیدایە لە نەبوونی سادەترین خزمەتگوزاری پزیشکی لە شوێنی کەرەنتینە، پێداویستی داو و دەرمان، کادیر و ئامێر و .....  .

بۆیە داواکارین لە UN و WHO، دەسەڵاتدارانی هەرێم، رێکخراوەکانی کۆمەڵگەی مەدەنی، رۆژنامەنووسان، کەسانی وڵاتپارێز و خێرخوازان، دەزگە مرۆییەکان و ......  . تا زوە فریای دانیشتووی ئەو کامپە ببنەوە رێگە لە روودانی کارەساتی نەخوازراو بگرن . ئەوانە ناسنامەی نەتەوەی دێرینی میزوپۆتامیان و بوون بە ئافراندنی گەلێك لە لێواری سڕینەوە و مەترسی قڕکردن، بڵێسەی خەبات و بەرخودانیان گەشترکرد و مەشخەڵی دڕی بە شەوەزەنگی کۆیلەتیدا و خستیە سەر رێگای ئازادی و بوون بە پێشەنگ لە سەر لاپەڕەکانی مێژوو، ئەوانە خەونەکانی ئازادی گەلێکی چەوساوەیان لە ناخیاندا بەرجەستە کردوە بوون بە سیمبولی تێکۆشانی ئازادی گەلانی دیمۆکرات.

  • 1