ئەمە بڵاوبكەوە
FaceBook  Twitter  

  عوسمان زیندانی‌/ کۆرۆنا و کار و کرێکار

کۆرۆنا و کار و کرێکار 

‌‌‌‌‌‌ڤایرۆسی کۆرۆنا وجیهانگیری:

کۆرۆناهەمووجیهانی بە (حکومەت و مرۆڤایەتیەوە)خستۆتەبەردەم مەترسیەکی گەورەوە کەتا ئێستالە (۲۱۰)ووڵات و هەرێمەکاندا بڵاو بۆتەوە و ( ۱۲۰۰۰۰۰)هاووڵاتی زیاتر تووشی نەخۆشی کردووە بووەتە مایەی گیان لەدەستدانی زیاترلە ( ٦۰هەزار)مرۆڤ ،دنیا لەبەردەم خێرایی بڵاو بوونەوە و سەختی ڕووبەڕووبوونەوە و ئاڵۆزی دۆزینەوەی چارەسەری ڤایرۆسەکە دەسەوسانەو لەماوەی ۱۰۰ ساڵی ڕابوردوودا بەم ئەندازەیە مەترسی لەسەر حکومەتەکان و مروۆڤ دروست نەبووە بەهۆی ململانێی( نێوان مرۆڤ و سروشتەوە) ، مەترسی لەسەر حکومەتەکان لاوازی و بێ دەسەڵاتی دەوڵەتە زلهێزەکانی سەرمایەدارییە کەخاوەنی توانای ئابووری گەورەن و دەیان ساڵە بانگەشەی ژیانێکی باش دەکەن بۆخەڵک بەڵام لەچرکەساتێکی مێژوویداناتوانن هاوڵاتیانیان لەمردنی بەکۆمەڵ ڕزگاربکەن هەر بۆیە بەناچاری لە(ئیتاڵیای شارستانیەت و پێشکەوتنی تەندروستیدادا دەست بەڕووی ئاسمانی نادیار دا بەرزدەکەنەوەلەبەریتانیای مەزندا بانگەوازی ئاشکرای مەرگی ئازیزان دەکەن )وگەورەسەرکردەکانی ڕووسیا و ئەمریکابانگەوازی چوونەماڵەوە دەکەن ،( مارکس ووتەنی دەبێت لەکاتی قەیرانەکاندا مرۆڤ بگەڕێتەوە بۆڕابووردو) .لەئیستادا نەحکومەتەکان ونەدامەزراوە تەندروستی وتوانا تەکنیکی وتەکنەڵۆجیا پێشکەووتووەکانیان ناتوانن مرۆڤ لەمردنی بەکۆمەڵ ڕزگار بکەن، ومرۆڤایەتیان لەژیانی (جیهانگیریەوە) گەڕاندەوە(بۆماڵگیری ).مەترسی داڕمانی حکومەتەکانیان ولایەنی کەم بڕوانەبوونی خەڵک پێیان لەوساتەوەختەوە دەست پێ دەکات کەدەڵی (نەخۆشخانە و ئامێری هەناسەدان و دەسکێش وکەمامە و قەرەویڵە و پزیشک ) ی پێویست نیە بۆنەخۆشەکانمان.خراپی کەرتی تەندروستی گەورە ووڵاتانی دنیا دەرئەنجامی سیاسەتی ئابووری سەرمایەداریانیە کە ژیان وتەندروستی کۆمەڵگایان خستۆتە بەردەم بازاڕی بێ ڕەحمی کەرتی تایبەت و سەرمایە کەتاکە ئامانجیان قازانجە نەک بەرپرسیارێتی ژیانی مرۆڤ تەنانەت لەساتەوەختێکی ئاوا قەیراناویدا ئامادەنین ئەم ئەرکە بخەنە ئەستۆیان هەروەک بینیمان لە فەرەنسای نان وکار وئازادی ولەئیتاڵیای خاوەن سیستەمی تەندروستی به هێز و لە بەریتانیای شاهانەدا ولە ئەمریکای بەناوتاکەزلهێزی دنیا لەماوەی تەنها (۱۰)ڕۆژدا دەیان هەزار مرۆڤ بوونە قوربانی سیاسەتی حکومەتەکانیان کەڕەچاوکردنی باری ئابووری کەرتی تایبەت و بازرگانی کردن و (پارەیان خستە پێش ژیان وگیانی مرۆڤ)لەکاتێکدا ڕێکخراوی تەندروستی جیهای لەڕێگەی ووڵاتی( چین) ەوە زانیاریان دەستکەوت بوو لەسەر نەخۆشیکە و هۆشداریان دایە دەوڵەتەکان بەڵام دووهۆکاری سەرەکی بووەهۆی گیان لەدەستدانی خێرای هاوڵاتیان لەئەوروپاو،ئەمریکادا.

 

یەکەم: لەبەرپاراستنی بەرژەوەندی سەرمایەدارو بازرگانان پرۆسەی کار یان ڕانەوەستان تانەبێتەهۆی کەم بوونەوەی قازانج و سەرمایەکانیان.

دووەم: کاتی کۆرۆنا بەردەرگای هەموویانی گرت و وویستیان بەرگری بکەن تووشی بەربەستی (نەبوونی بوونەوە )بێگومان نەبوونی بودجەی دارایی و تەکنەلۆجیاو چەک و ئامێری بەهەمهێنان نا٫ ڕووبەڕووی نەبوونی (کەمی پزیشک و دەرمان و نەخۆشخانەو ماسک و ئامێری هەناسەدان بوونەوە )،لەکاتێکدا (گەنجینەکانی دارایی و چەک وتەقەمەنی) پڕ پرن لە لەدراو لەتەقەمەنی لە فیشکەوە تابۆمبی ئەتۆمی و تاقیگەی بایڵۆجی.ئەم مەترسیەی سەرژیانی خەڵک بەهۆی شکستی بەرنامەی ئابووری دەوڵەتەکان کەهیچ هاوسەنگیەکیان ڕانەگرتووە لەپرۆسەی بەرهەمهێناندا لەنێوان ئەو کەل و پەل و کاڵا یانەی قازانجی زۆر دەکەن ولەنێوان دابینکردنی پێداوویستیە تەندرووستیەکای مرۆڤ، بۆیە دەبێت مرۆڤە بەتەمەنەکان باجی کەڵەکەکردنی سەرمایە بدەن و بێ ماڵئاوای کردن لەئازیزانیان بەکۆمەڵ بخرینە چاڵی مەرگەوە .چ شەرمەزاریەکە بۆیان لەکاتێکدا باسی بەهێزی سیستمی تەندروستی ئەم ووڵاتانە دەکرێت بەڵام ژێر خانێکی پێویستی کەرتی تەندورستیان نیە بۆ چارەسەری نەخۆشەکان وڕێگری کردن لەبڵاو بوونەوەی ، تائەوڕادەیش نامرۆڤانە مامەڵەیان کردو هیچ هەماهەنگی و هاوکاریەکێکیان نەکردلەگەڵ یەکتریدا سەرباری گەورەی مەترسی نەخۆشیەکە و ئەو هەموو بانگەشەی دوو دەییە دەیکەن بۆ(بەهاکانی ئەوروپا ) ئێستا،کاتی پرسارە لێیان کام بەها بەهای (مرۆڤ )و (ویژدان)و (هاوکاری ) یان بەهای (دراو و دەسەڵات) ئێستا جیهان لەهەمووکات زیاتر پێویستی بە (سۆڵیدارێتی و هاوکاری)نێودەوڵەتی هەیە . ئەم دۆخە حکومەتەکانی بێ دەسەڵات کردووە لەڕێکخستنی ژیانی ئاسایی و سەرپەرشتی کردنی کۆمەڵگا و ڕێژەی لە(٦۰٪)زیاتری پرۆسەی کاری ڕاوەستاندوە بێ ئەوەی پرسیاریان پێ بکات؟ و بێ ئەوەی زیانی ئابووریان لەبەرچاوو بکرێت .خاڵێکی گرنک خستنە ڕووی پرسیارێکە فریاگوزاری تەندروستی چەندی تێ دەچێت لەچاوبوارەکانی تردا ؟دەبێ بودجەی ئەم دەوڵەتانە چەند بێت بۆدەزگا سیخوری و تشریفاتی وچەنگە ماڵوێرانکەرە ناڕەواکانیان ؟ کوا کۆڕبەندی ئابووری جیهانی کەساڵانە ملیارەها دۆلار خەرج دەکەن بۆی ؟ کوا دامەزراوەکانی بەناوگەشەپێدانی ئابووری ؟ کوا بانق و سندوقی دراو ونەختینەی نیودەوڵەتی ؟ کە ٨ ملیار دۆلاری بۆ زیانی کۆمپانیەکان تەرخان کردووە . دنیای سەرمایەداری دەسەوسانن لەڕووبەڕووبوونەوەی کۆرۆنادا و مردنی بەکۆمەڵی هاوڵاتیانیان کەتائێستا لە(ئیتاڵیادا زیاترلە(۱۲٤هەزار) تووش بوو و (۱٥هەزار) مرۆڤ گیانی لەدەستداوە)لە( فرنسادا زیاترلە(۸۹ هەزار) تووش بوو و نزیک بە (٦هەزار)گیانی لەدەستداوە لە (امریکادا زیاتر لە(۲۳۰هەزار)تووشبوو(۸هەزار ) گیانی لەدەستداوە لە(بریتانیادا(٤۱هەزار )تووش بوو و( ٥هەزار)گیانی لەدەستداوە کەلەکۆی گشتی گیان لەدەستدانی جیهان کە (٦٦هەزاری) تیپەڕاندووە لە(۷٥٪) لەئەوروپادایە. ئەم کارەساتە مرۆییە ڕەنگە ببێتە هۆی ڕوخانی دەوڵەتەکان یان هەڵوەشانەوەی یەکێتی ئەوروپا ولایەنی کەم دەبێتە هۆی (بێ متمانەی خەڵک )بەشێوازو سیستمی حوکمڕانیان و بەفەلسەفەی سیاسیان بۆبەرنامەی ئابووری و ئیدیعایی مافی مرۆڤ .

 

.ئەم شیکردنەوانە لەوڕوانگەییەوە سەرچاوە دەگرێت کەئەم دەسەڵاتانە چۆن مامەڵەیەکی نامرکردلەسەرەتا دا و چەندەغەم سارد بوون لەدابین کردنی پێداویستی تەندروستی لەڕووبەڕووبوونەوەی نەخۆشیەکەودەرهاویشتە مەترسیدارەکانی.

 

.کۆرۆنا و گاریگەری لەسەر کاروکرێکاران :باتەماشایی گاریگەری لەسەر باری ژیانی گشتی و پرۆسەی کارو بژێوی کرێکاران ودواڕۆژیان بکەین .لەکاتێکی وادا حکومەتەکان لاواز وبێ دەسەڵاتن بەناچاری وبەهێزی سەربازی ژیان ڕادەوەستێنن و پرۆسەی کار ڕادەگرن و نیوەی زیاتری مرۆڤایەتی لە هەموو چالاکیە ئابووری و کۆمەڵایەتی فەرهەنگیەکان پەک دەخەن ومرۆڤایەتی لە لەسەردەمی (جیهانگیری)وە گوندە بچوکەکە وە دەگەڕێنەوە بۆ(کوخە بچکۆلانەکان (ماڵ))و ژیانی کۆمەڵایەتی هاوڕێ لەگەڵ تەکنەلۆجیا بەڵام بێ بەرهەم .ئیدی لێرەوە بازرگانی ناوخۆی و دەرەکی و وەبەرهێنان و گەشتوکوزار وهاتوچۆی ووشکانی ودەریای وئاسمانی دەوەستێت ،خزمەتگوزاریە جۆراجۆرەکانی ژیان دەکەنە ئاستی نەمان ،داهێنانەهەمەجۆر و جوانەکانی ژیان نابیرێت.پەیوەندیە ڕۆژانیەکان ودرێژەدان بەژیانێکی ئازاد و ئارەزوومەندانەو پڕ چێژ ڕادەگیرێ .ئەم وەستانەئەم کارەستە مرۆیە ئەم بۆدواوەهاتنە (یەکەمین مانیڤێستی ڕاستەقینەی ژیان وکتێبی سەرمایەمان) بیردێنێتەوە کە(لە چواچێوەی ململانێی کارو سەرمایەو ململانێی نێوان سروست و مرۆڤ و بەهای گەورەی انسان دا) گوزارشتی لێ کراوە ڕێگە چارەی (مرۆڤ سالاری خراوەتە ڕوو نەک قازانج پەرستی )(ژینگە و ژیان دۆستی خراوەتە بەرچاوان نەک پیس کردنو تێکو پێکدانی )۰ لەسەروەختێکی وادا کە(پرۆسەی کار دەوەستێت و سیستەم و سەردەمیش سەرمایەدارییە و نیزامی کاری بەکرێیە )لەئێستادا (۱ملیار )هەژار و (۱۰)یان ملیۆن بێکار و ملێۆنان کرێکاری بێکارکراو دەکەونە بەرگێژەڵوکەی بێکاری و گەردەلوولی هەژاری و نەداریەوە . لەم زەمەی کۆرۆنایەدا ئاسمان پاکو ساف و بێدەنگە و فڕۆکەکان لەپشوودان .زۆربەی کارگەکان داخراون دوکەڵکێشەکان لوورەیان نایەو ژینگە پیس ناکەن میترۆکان خاڵین وهیچ کرێکارێک نابینی لە کاتی گەیشتن بەشوێنی کارکردنی جێ مابێ .دامودەزگاخزمەتگوزاری وگەشتوگوزارو پەروەردە و وەرزشیەکان داخراون .چونکە پرۆسەی کار ڕاوەستاوە . نەک لەبەرئەوەی کەرەستەی خاوو ئامێرو سەرمایە و هۆکارەکانی بەرهەمهێنان نەماون ولەناو چوون . (مارکس) ووتەنی (کات وهێزی کاری مرۆڤی کارگەرە)پرۆسەی کارتەواودەکات وهەڵی دەسوڕێنیت و ووزەووتین دەداتە هۆکارەکان وکاڵاو بەرهەم دروست دەکات ونرخیان بۆدادەنێت و سەرمایەش کەڵکە دەکات.لەبارێکی واخراپی تەندروستی جیهانیدا ئەو هەموو داهات وبودجەی هەڵکگیراون ئەوهەموو ئامێروتەکنەلۆجیایە هەن ئەگەر جێگای دەمامک و قەرەوێڵە و ئامێرێکی تەندروستی نەگرێت و تازەنەخۆشکەوتویەک ڕزگار نەکا. چ بەهایەکیان هەی ئەوئینسانەکانن (بەها) دەدەنە شتەکان .

 

کۆرۆنا وحکومەت و کۆمەڵگاتازەپێگەیشتووەکان: جگەلەوانەی تازەلەچەنگی ماڵوێرانکەر نەجاتیان بووەو تووشی داڕمانی بونیاد وتێکچوونی ژیانی ئاسایی و بوونی هەزاران ئاوارەو برینداروکەم ئەندابوون. لە حساباتی ڕەسمی دەوڵەتیداخاوەنی هیچ پاشەکەوتێکی دارایی نین بۆ زەمانی ژیانی خەڵک و فریاکەوتنی هەژاران و بێکاران هەربۆیەش هەموو ڕۆژێ سەرکردەکانی ناوچەکە بەحکومڕانەکانی خۆشمانەوە لەعێراق لەهەرێمی کوردستان دەبینین ،باسی دەست شۆردن و،چوونە ماڵەوەمان بۆدەکەن و باسی سیاسەت و بەڕێوە بردن وئاییندە نەماوە . خەڵکیان لە چواردیواری ماڵەوەگیر کردوە بەڵام پێمان ناڵێن کە ی پرۆسەی کاردەست پێ دەکاتەوە کەی مووچەووکرێکانمان دەدەنێ ، بەتایبەت ئەوکرێکارو کاسبانەی بەڕۆژانە کاریان کردووە چ بەرنامەیەک هەیە بۆ ژیانیان وچی بکەن بۆ بژێوی ڕوولەکام (بانک و بازاڕ وقاسەی )داخراو و نهێنی ناو ژێر زەمینەکان بکەن . ئەگەر هەرنیەت وبەرنامەکیشیان هەبێت لەترسی پاراستن و مانەوەیان لەدەسەڵاتدا ئەوائاستەنگی بێ داهاتیان بۆ پێش دێت دیارە مەبەستم داهاتی دیار و فەرمیەکانە نەک ئەوانی پێشتر باسمان کرد.بەهۆی سیاسەتی ئابووری تاکەسەرچاوە کەزۆربەی ئەم دەوڵەتانە پشتیان بەداهاتی فرۆشتنی نەوت بەستووە کە بەهۆی وەستانی پرۆسەی کارەوە نرخی نەوت لە ٥۰٪ دابەزیووە تەنها لەماوەی ٦ساڵدا دوو جارنرخی نەوت دابەریوە و،کەزۆرێک لە حکومەتەکان بودجەیان،لەسەر نرخی یەک بەرمیل نەوت (٥۰ بۆ ٦۰) دۆلار دیاری کردووە هاوکات داهاتی ناوخۆی کەمی کردووەتاڕادەی نەمان و بەشێکیشیان بەهۆی ئەم سیاسەتە و بەهۆی دزی وگەندەڵی بێ شوومارەوە تووشی قەرزاری بانکی نێودەوڵەتی وکۆمپانیا جیهانیەکان بوون نموونەی (لوبنان و یۆنان و،نەیجیریا و عێراق و وهەرێمی کوردستان) و دەیان دەوڵەتی تر.سروشتی ئابووری ئەم ووڵاتانە کە وا بەستەیەی دواکەوتوانەی ئابووریەبە ناوەندە سەرمایەداریەکانی جیهانەوە هەر لەم ساڵانەداتووشی قەیرانی گەورە دەبوون هەرچۆن چەندساڵێکە زۆرێکیان تووشی قەیرانی ئابووری بوون بەڵام (ڤایۆسی کۆرۆنا ) پرۆسەکەی پێش خست بۆهەمووان وخێراتری کرد ..

 

دەوڵەتە زلهێزە سەرمایەداریەکان وکاریگەری کۆرۆنا:

پێشتر باسمان لەکارەساتە مرۆیەکەی مردنی بەکۆمەڵی زیاتر لە( ٤۰) هەزار گیان لەدستدان کرد لەئەوروپادابۆ باری بژێوی و ڕاوەستانی ملێونان کرێکار لەکار وەستێنراو و چارەنووسی ملیۆنان بێکاری تر هەتا ئێستا چەند دەوڵەتێکیان بەشێک لەگارکە وکۆمپانیەکانیان ڕانەگرتووەوژیانی کرێکارانیان خستۆتە بەردەم مەترسی نەخۆشی ولەناوچوون وەک (بەریتانیا وئەمریکا و،ئەڵمانیا )بۆئەوانەی بێکارکراون تەنها بەڵێنیان داوە کەکرێیان بۆ هەژماربکرێت و هیچ کارێکی بەکردەوە نەبینراوە ،جگەلەوەی ئەو بودجەی تەرخان کراوە بەشێکی زۆری بۆ مایە پووچ بوونی کۆمپانیاکانە وەک ئەوەی باوکە دڕندەکەی پارێزەری سیستەمی نیولیبرالیزم لە ئەمریکادا ڕایانگەیاند (۱ تریلیۆن دولار)ۆ کۆمپانیاکانە ،لەمەبەدواوەش مافی پرسیارێکی ترمان هەیە ئەگەر نەخۆشیەکە درێژەی کێشا دەوڵەتەکان ڕاستگۆدەبن لەجێبەجێکردنی بەڵێنەکانیان سەبێنێ پێمان ناڵێن چیتان کردوە کوا کاروبەرهەمتان؟ تاکرێ و مووچەتان بدەینێ ئەی نازانن نەخۆشی هەراسانی کردووین و،تووشی قەیرانی دارایی کردووین ؟.ئەی ئەو (یەک ملیار هەژار و

 

قەیرانی دارایی کردووین ؟.ئەی ئەو (یەک ملیار هەژار و دەیان ملیۆن بێکارەی) تر کەهەرلەبنەڕەتەوە هەژارو بێکارن لەدنیادا چۆن مامەڵەیانْ لەگەڵدا دەکرێت چۆن ژیانیان مسۆگەر دەکرێت ؟؟!

ئەگەر بەووردی بڕوانینە ئەم تابلۆ ئاڵۆزەی جیهان و ژیانی پڕ لەمەترسی بێکاری ونەبوونی پێداویستی تەندروستی و بژێوی ڕۆژانەی خەڵک کەکەمتر نیە لەمەترسی( ڤایرۆسی کۆرۆنا ) ئاشکرایە جیهان دەخاتە بەردم بەر پرسیارێتێکی مێژووی و یاسایی و ئەخڵاقی گەورە کەچۆن وچیمان هەبێت بۆ ژیانێکی نوێ؟ کەهەمیشە لەبەردەم ترسی نەخۆشی و نەبوونی و بێکاری وناعەدالەتیدانەبێت.ئاسەوارەخراپەکانی ئابووری وکۆمەڵایەتی لەسەر ژیانی گشتی وکرێکاران بەتایبەتی چۆن و بەچ بەرنامە ودیدگایەک ڕەنگڕێژی ڕێگە وجێگایەکی مرۆیی بکەین کەدەبێت لە نزیک و دوور مەودادا نەخشی بکەین.

یەکەم: +تەندروستی پێش هەموو شتێک بێت ومادام حکومەتەکان لاوازن لەچارەسەری خێرا دەبێت (پرۆسەی خۆپارێزی )بەردەوام بێت بەتایبەت لەو ووڵاتانەی ڤایرۆسەکەزۆر بڵاو بۆتەوە.

+حکومەتەکان بەپێ قەبارەی مەترسیەکە بودجە دیاری بکەن بۆ پێداویستیە تەندروستیەکان وڕێگری کردن لەبڵاوبوونەوەی وچارەسەری نەخۆشییەکە.

بواری تەندروستی نەخرێتە بەردەم بازاڕی سەرمایەداری و،کەرتی تایبەت و ململانێی کۆمپانیاکان ودەوڵەتەکان و ئەهمیەت وئەولەویەت بۆ مرۆڤ بێت نەک دەستگرتن بەسەر فاکسینەکانداوەک ئەوەی ئەمریکا هەوڵیدا.

+سەرجەم دەوڵەتەکان هاوکاری و هەماهەنگی مرۆیی و تەندروستی وئەزموونی بەرەنگاربوونەوە بگوازنەوە بۆیەکتری و ( جیهانگیری سەرمایەداری بگۆڕن بۆ جیهانگیری ئینسانی)۰ئەم خاڵە گرنگیەکی بێ وێنەی هەیە بەتایبەتی بۆووڵاتە هەژارەکان وئەو ووڵاتانەی تووش بوونیان زۆرە .

+ ژیانی کرێکاران و بێکارا ن وهەژاران لەڕێگەی بەرنامەیەک بەرفراوانی دارایی و ئابووری دەوڵەتەکان و گۆمەڵکای نێو نێودەوڵەتیەوە ژیانێکی شایستە دابین بکەن بۆ خۆیان وخێزانەکانیان نەک (لەڕێگەی خێرو سەدەقەی بێ بەرنامەو نیوەناچڵەوە)چونکە مرۆڤ شایەنی ڕێزەو دەبێت( ماف وکەرامەتی پارێزراو بێت) ئەمە بەندێکی (جاڕنامەی گەردوونی مافەکانی مرۆڤە).

دووەم: +لەدوور مەودادا پێداچوونەوەبەسیستەمی جیهای ودامەزراوە فەرمیەکانی و دانان و دیاریکردنی دەسەڵاتی وەهابۆیان کەبچێتەخزمەتی مرۆڤایەتیەوەنەک، سوودی دەوڵەت وزلهێزەکانەوە .

+ڕێگریکردن،لە،قۆرخکاری وداگیرکردنی ووڵاتان و،دەستێوەردان لەکاروباری ناوخۆی ووڵاتان و داڕشتنەوەی سیستەمی جیهانێکی هاوسەنگ و ئارام دوور لەچەنگ ونەهێشتنی جەمسەرگیری و چاوو چنۆکی .

 

+دانانی بودجەی پێویست بۆ پاراستنی ژینگەوسروشت وخۆڕایکردنی بواری( تەندروستی وخوێندن و ئاو وکارەبا و شوێنی نیشتەجی ـبوون ) ودەرهێنانی لەچنگی کۆمپانیا و کەرتی تایبەت و ئەم پرسە ببێتە بەشێک،لە جاڕنامەی گەردوونی مافەکانی مرۆڤ و دەوڵەتانی پێوە پابەند بکرێت لەڕێگەی ڕێکەوتنامەی نێودەوڵەتی و ڕێکاری یاسای نوێ بۆ جیهان .

+پرۆسەی کاروبازرگانی و ئابووری جیهانی بخرێتە خزمەتی مرۆڤایەتیەوە ودابین کردنی سەرجەم پێداویستیەکانی مرۆڤە و گرنگی تەواو بەزانست و وبەدەستهێنانی زانیاری بۆ سەلامەتی مرۆڤ بێت نەک کەڵکە کردنی سەرمایە کەدەمێکە ئەو پرانسیبانە ووتراوە وا جارێکی تر ڕاستی ودروستی خۆی دووپاتکردەوە کە سەرمایە بەهەمووجۆرەکانیەوە بێ مرۆڤ هیچ بەهاو،گاریگەریەکیان نیە چ لەناو پرۆسەی کارو لەکاتێکیشدا نەتوانرێت کێشەی نەخۆشی وبێکاری پێ چارەسەر بکرێت جا با هەر بانقەکان و بۆرسەکان و گەنجیینە و ژێر زەمینەکان پڕ بن لە دۆلار .

 

+ پەیوەندی نێوان کاروسەرمایە لەسەر بنەمای مڕۆڤایەتی بنیات بنرێتەوە جەوهەری کارو بەرهەم هێنان بۆ مرۆڤ سالاری بێە زیاترلە (۱٥۰) ساڵ لەمەوبەر مارکس ووتویەتی (مرۆڤ گەورەترین سەرمایەیە) ئەمە ببێتە بەرنامەو،کاروئامانجمان نەک کەڵەکەکردنی سەرمایە. تا مرۆڤایەتی وەک یەکیو بەهاوبەشی کاربکات و،بتوانێت،بەئازادی و،یەکسانی بژی و بەخۆشی و ئاسودەی لەگەڵ یەکتریداهەڵکەن ٚ

 

هەڵویست وکاری ئاییندە :

دیارە ئەم یاسا وبەرنامەو دیدکایانە هەروا بەئاسانی نایەتە دی و دەبێت مرۆڤایەتی بەگشتی یەکتری قبوڵ بکات ئەگەر نا دەبێت ئەودەوڵەتانەی ئازاریان چەشت وئەزموونیان وەرگرت گۆڕانکاری بکەن وئەوحزب ودەوڵەتانەی خۆیان بەلاینگری ئینسان دەزانن دەبێت ململانی ئابووری وزانست و پێشکەوتن و مرۆڤ دوستی بکەن نەگ چەنگ وداگیرکاری و لەم خاڵانە گرنگ تر و بەبایەخ تر جوڵانی چینی کرێکارووهەماهەنگی کردنیەتی لەگەڵ بزوتنەوە کۆمەڵایەتیەکانی تر وکۆڕ بەندی کۆمەڵایەتی جیهانی و پارتی سیاسی ودەوڵەتانێک کە لەسەر ئەم ڕێچکەیە کاروانی ژیان بەڕێدەکەن تاچەسپاندنی ئەم جیهانە دەبێت مرۆڤ کاراوچالاک و بە‌ئاگا بێت بۆخۆی بۆمرۆڤایەتی بۆ پاراستنی سروشت و ژینگە وهەموو شێوازەکانی خەبات بگرێتە بەر لەچالاکی وجموجۆڵی سیاسی و مەدەنی و وجەماوەری تا بەشۆڕش وشۆڕشگێری دەکات و لەهەرجێگایەک وبەپێی هەلومەرجی کونجاو شێوازی تێکۆشان بگیرێتە بەر . هێشتا مرۆڤ و سروشت بەردەوام دەبن لە ململانێ وزۆران و ئەمڕۆ لەهەمووکات زیاتر پێویستی بەژیانێکی هاوبەشی ویەکسانی هەیە و مرۆڤایەتی دوای کۆرۆنا لەبەردەم تاقیکردنەوەیەکی گەورەومێژوویدا ئایە ڕازی دەبێت بەجیهانی پێش کۆرۆنا ؟ ؟!!

 

  • 1