ئەمە بڵاوبكەوە
FaceBook  Twitter  

هەركاتێك ناوی مڕۆڤ و مڕۆڤایەتی دەهێنرێت, راستەوخۆ لەپاڵی دا دوو دەستەواژەی گرنگیش دێتە ئاراوە كە ژیانی مڕۆڤەكانی تێدا بەند كراوە, ئەویش خۆشیەكان و ناخۆشیەكانە, واتە مڕۆڤ بە درێژایی تەمەنی كە لەسەر ئەم گۆی زەویەدا ژیان بەڕی دەكات, بەردەوام لەدەوری دووبازنەدا دەخولێتەوە , كە ئەویش بازنەی خۆشی و بەختەوەریە, لەگەڵ بازنەی ناخۆشی و نائارامیە, كەچی زۆر جار هەیە مڕۆڤانێك بەدرێژایی تەمەنیان تەنیا لە بازنەی خۆشی دا دەژین هەتاوەكو ئەو كاتەی ماڵئاوایی دەكەن, رەنگە جار بەجارێك بكەونە ناو بازنەیەكی بچووكی ناخۆشیەوە بەڵام لەماوەیەكی كەم لەو بازنەیە دێنە دەرەوەو دەگەڕێنەوە بۆ بازنكەی خۆیان كە ئەویش خۆشی و ئارامیەكەیانە, لە پاڵ ئەوەدا مڕۆڤانێكی زۆر هەن لەسەر ئەم گۆی زەویەدا بەردەوام هەموو چرك ەساتێكیان لە ناخۆشی و نائارامی دایە و لەگەڵ چەندین دڵەڕاوكێ دا, ئەگەرچی ئەو مڕۆڤانە بەدرێژایی تەمەنیان تەنیا لە فرسەتێكدا دەكەنە بازنەی خۆشی و بەختەوەریەوە , بەڵام ئەو خۆشیەیان بۆ هەتا هەتایە نابێت و دووبارە دەگەڕێنەوە بۆ بازنە ناخۆشەكەی ژیانی خۆیان , كە ئەمەش بۆتە هۆكارێك نەهێشتنی دادپەروەری لەنێوان مڕۆڤەكان دا.

سەبارەت بەبازنەی خۆشی و ناخۆشی دا ئەگەر بێت و گەلێك بەنموونە بهێنینەوە كە ئەویش گەلی كوردە, كە بەردەوام ئەم گەلە لەهەموو روویەكی سیاسی و ئابووری و كۆمەڵایەتی دا بە درێژایی مێژووی خۆیدا, كەچی بەردەوام خۆیان لەنێو بازنەی ناخۆشی ونا ئارامی دا بینیوەتەوە, هەرچەندە لەكۆتایەكانی ساڵی 2019 گەلی كورد ئاواتی ئەوەی خواست كە ئیتر كۆتایی بەسەرجەم ئەو ناخۆشیانە بهێنرێت كە لەساڵانی رابردوودا بەسەریان داهات كە تێیدا مووچەكانیان پاشكەوت كرا و لەلایەكی ترە جەنگ رووی دا لەگەڵ چەندین فشاری دەروونی دیكەدا... , بەڵام خەڵكی هەموویان وتیان لەپاش هەموو ناخۆشیەك خۆشیەكی گەورە بەڕێوەیە, بەڵام ئیتر پەندە بۆ ئێستا باوی نەماوە , چوونكە هەر لەسەرەتای ساڵی تازەی 2020 وە خەڵكی ترسیان لەهەڵگیرسانی جەنگێك هەبوو لەنێوان ئەمریكا و ئێران دا بەهۆی سەختی گرژیەكانیان دا, كەچی جەنگە رووی نەدا, بەڵام لەپاش ئەوەدا , جیهان كەوتە ژێر ڤایرۆسێكی كووشندەوە كە بەناوی كۆڤید 19 وە(كۆرۆنا) كە بەهەزاران خەڵكی كووشت , هەڵبەتە هەرێمی كوردستانیش بێ بەش نەبووە لەم ڤایرۆسە كووشندەیە بەڵان ئەوەی جێگای دڵخۆشیە كە نەیتوانیە بەشێوەیەكی فراوان بڵاوببێتەوە بەناو خەڵكی هەرێمی كوردستان دا, بەڵام ئەمەش بووە گەورەترین ناخۆشی بۆ جیهان و بەتایبەتیش بۆ گەلی كورد كە لە چاوەڕوانی ساڵێكی خۆشی و ئارامی دابوون بەڵأم پێچەوانەكەی بوو, جیاوازتر لە لەم ڤایرۆسە دابەزینی نەوتیش بۆ خەڵكی هەرێمی كورستان دووبارە مەترسیدارترین ناخۆشیە كە ئەمەش دەبێتە دواكەوتن و بێ چارەنووس كردنی مووچەی خەڵكی هەرێمی كوردستان دا, لەلایەكی دیكەوە هەرێمی كوردستان خاوەن حكومەتێكی چاكساز و دادپەروەر نیە هەتاوەكو ئێستا كە بێت و بەڵێنی نەفەوتانی مووچە بدات بەهاوڵاتیەكانی خۆی لەم بارودۆخە هەستیارەدا, ئیتر ئەمانە چەندین ناخۆشی دیكە ...بەڵام ئەوەی كە لێرەدا جێگای تێبینیە ئەوەیە كە دووبارە گەلی كورد ئاوات دەخوازێت كە ساڵی 2021 بۆی ساڵێكی پڕ لەخۆشی و ئارامی دا بێت و چیتر نەكەونە ناو بازنەی ناخۆشیەكان دا , بۆیە دەبێت لە ئێستاوە چاوەڕێی ساڵێكی تردا بكەین بۆ ئەوەی بزانین كە جارێكی تر دەكەوینە ناو بازنەیەكی قولتری ناخۆشی , یاخود بەپێچەوانەوە دەكەوینە نێو بانەیەكی پڕاو پڕ لە خۆشی و ئارامی دا كە هەرگیز لەو بازنەیە دەرناچین. 

  • 1