ئەمە بڵاوبكەوە
FaceBook  Twitter  

 

ساڵ بەساڵ جیهانی تەكنەلۆژیا پەنتاییەكی فراوانی بەخۆیەوە داگیردەكات ,كە ئەو داگیركردنەش لەسەرجەم سێكتەرەكانی ژیانی رۆژانەی مرۆڤەكان ڕەنگی داوەتەوە بەشێوەیەكی زەق یاخود بەشێوەیەكی تر,كە دەتوانم بڵێم بەشێكی مڕۆڤەكان خۆیان بەشێوەیەكی زۆ مەترسیدارو بێ پلان ئاڵوودەی جیهانی تەكنەلۆژیا بوونە كە ئەمەش لێكەوتی مەترسیداری بەدوای خۆیدا دەهێنێت , ئەمەش زۆر لە ئاڵودەبوون بە خواردنەوە كحولیەكان و مادە هۆشبەرەكان مەترسیدارترە بۆ مڕۆڤەكان,بەڵام ئەوەی كە لێرەدا گرنگە دەبێت مڕۆڤەكان بەشێوەیەكی تەندرووستانە مامەڵەی لەگەڵ دا بكەن بۆ بەڕێكردنی كاروبارەكانی ژیانی رۆژانەی خۆیان و سوودبینین لەو جیهانە تەكنەلۆژیایەدا كە بەشێوەیەكی ڕاستەوخۆ لەنێو بەشێكی زۆری ماڵان بوونی هەیە, ئەگەرنا بەپێچەوانەكەیەوە ئەگەر بێت ئێمەی مڕۆڤ نەتوانین زاڵ بین بەسەر ئەو جیهانە تەكنەلۆژیایەدا , ئەوە راستەوخۆ تەكنەلۆژیا زاڵ دەبێت بەسەرمان داو بەئارەزووی خۆی جوڵەمان پێ دەكات و سەرجەم كاتەكانمان بەفێڕۆدەدات.

خوێندنی ئەلیكترۆنی یان خوێندنەوەی ئەلیكترۆنی, كە ئەمەش بەشێكی سەرەكی جیهانی تەكنەلۆژیایە كە خوێنەر دەتوانێت لە ڕێگای تەكنەلۆژیاو ئەو ئەنتەرنێتەی لەبەردەستی دایە , بۆخۆی دەتوانێت سوود لەخوێندنەوەی چەندین كتێب ببینێت بەشێوەیەكی خۆرایی كە ئەمەش وادەكات لە ڕێگای تەكنەلۆژیاوە ئاستی رۆشنبیری خۆی بەرزبكاتەوە, لەپاڵ ئەوەشدا خوێندنی ئەلیكترۆنی بۆ سەرجەم قۆناغەكانی خوێندنیش بەشێكی تری جیهانی تەكنەلۆژیایە لە ئەمڕۆدا , واتە قوتابی جگە لەوەی لە نێو هۆلەكانی خوێندن وانەكان دەخوێنێت , بەڵام بەهۆی بوونی جیهانی تەكنەلۆژیاوە دەتوانێت لە ماڵەوە دووبارە وانەكانی بەدەست بهێنێتەوە لە ڕێگای شاشەیەكەوە, كە ئەمەش وا دەكات بەكارهێنەرانی تەكنەلۆژیا بەردەوام بن لە بەكارهێنانی تەكنەلۆژیا بەشێوەیەكی ڕێك و پێك و تەندرووست دا, بەڵام لێرەدا كە ئەوەی جێگای سەرنجە سەبارەت بەخوێندنی تەكنەلۆژیا , ئەوەیە كە ئەم جۆرە خوێندنە بۆ هەموو وڵاتێك بەشێوەیەكی فراوان دەستەبەر نەكراوە هەتاوە كو ئێستادا, نموونەش كوردستانی خۆمان كە نەتوانراوە هەتاوەكو ئێستا بەشێوەیەكی باش سوود لەم تەكنەلۆژیایەی بەردەستمان وەرگرین, واتە هەتاوەكو ئێستا لەقۆناغەكانی بنەڕەتیەوە نەتوانراوە منداڵەكان پەروەردەبكرێن لە بەكارهێنانی ئەو تەكنەلۆژیایەی ئەمڕۆ كە بۆتە بەشێكی سەرەكی ژیانمان , لەهەمان كاتیشد نەتوانراوە ئینتەرنێتێكی بەهێز و گونجاو دابین بكرێت بۆ هەموو خەڵكی , هەتاوەكو بتوانرێت لەڕێگای ئینتەرنێتەوە سوود لەجیهانی تەكنەلۆژیا و زانیاریە بەسوودەكانی ناوی وەربگرێت...

  • 1