ئەمە بڵاوبكەوە
FaceBook  Twitter  

لەم بوونەدا جگە لە سەر ئێشەو ماندوو بوون و خۆ خواردنەوەو نامۆ بوون و غوربەت و هەڵقرچان و خەموخەفەت و قێز و ئەنانیەت و دوڕوویی و ڕاکردن و وێڵبوون بەدوای حەزو ئارەزووەکانی ناوگەڵ و پڕکردنی گەدە و گیرفان و لوتکەی بێ ڕەوشتی شتێکی تر نابینی ...!

ئەم بوونەوەرە دولاقە سەرشێتە یاخیە عاقڵە بێ عەقڵە دنیای خراپکرد ،

ژینگەی تێکدا ! ژیانی لە خۆی و لە ئاژەڵانیش تێکدا ..! دارستانی سووتاند وهەناسەی زەوی تەنگ کردوە ..!

، ئەوەندە بێ دین و بێ ویژدان و سەرسەختە دەسکاری کاری خواش دەکات ..!

خوا بەکاردێنێ و خۆی بە نوێنەری ئەو دەزانێ لەسەر زەوی ..!

بڕیار لەسەر ژیان و مردنی هەموو شتێک دەدات و بەردەوام لە ململانێدایە ..!

گەر هیچ شتێک نەما لاقەی بکا ،ئیتر دەکەوێتە وێزەی خۆی و هاو ڕەگەزەگانی و یەکدی وێران دەکەن و هەمیشە بیری لای ئەوەیە نەهێڵێ هەم خۆی و هەمیش دەورووبەرەکەی بەهەموو ڕەهەندەکانیەوە ئارام بن و کمێک بحەسێنەوە ..!؟

بەمەشەوە ناوەستن بیر لە وێرانکردنی دنیایەکی تریش

دەکەنەوە ..!

ئەم دوولاقە بە شکڵێک یاخی و بەربەرییە ، هیچ شتێک کۆنترۆڵی حەزەکانی ناکات و پاساویش بۆ هەموو خراپەکاریەکانی دێنێتەوە و دینیشی کردوە بە چەکێک بۆ هەر کارێک بیەوێ لە بەرژەوەندی خۆی بیکات ..!؟

بۆ نموونە : خۆی هەموو شتێک دەخوات لە گیایی و گۆشتی ،

زۆرێک لە ئاژەڵەکان و ڕوەکەکانیشی ژێردەست کردوە بۆ خزمەتی خۆی ، بڵام ڕێگا لە ئاژەڵە کێویە یاخییەکان دەگرێ بژین و بە دڕندە ناوزەدی کردوون و بڕیاری کوشتنیشی داون..!؟

کێشەی ئەم بوونەوەرە لەم گێتیەدا کۆتایی نایا و بەردەوامە لە ململانێ و داخوازیەکانی سنووری نیە ..!

بەپێی پێگەی ئابووری ، کۆمەڵایەتی دابەش بوونە ، 

بڵام هەموویان یەک کێشەیان هەیە تەنها فۆڕمی جودایە ..!

تەنانەت ژیانیان وا وێران کردوە ، بوون و نەبوون وەک یەکە ..!؟

بەگشتی بوون واتا ململانێ ، ململانێش لە پێناو مانەوە و تەوزیفکردنی هەموو پنت و کەرەستەکانی بەردەست بە هەر میکانیزمێک بێت ..!

گەر بێتو ڕێگا لەم بوونەوەرە نەگیرێ و میکانیزم و ڕێچکەی گونجاوی بۆ دانەنرێ و کۆنترۆڵ نەکرێ و دەرگا لە پێش حەزەکانی ئاوەڵا بێ ، بوون و نەبوون دەکات بەیەک ..!؟

بۆیە پێویستە ستۆپێک بەم شەرمەزاریەی خوڵقاندویەتی لەم سەرزەویەدا بکرێ ...!

بڵام کێ بیکا ..؟!

خۆ وتمان بوونەوەرەکە بۆخۆی لە کۆمەڵی پێکهاتەی بایەلۆجی عەجول دروست بوە ...!

چەن سەر دێنم سەر ئەبەم ئەم بوونە ماندووی کردووم ، 

من کێشەم لەگەڵ بووندا هەیە ...!!؟

تێبینی: 

بەڕێزان ،ئەمە بابەتێکی ڕۆشنبیری فکرییە نیقاشی زۆرو قووڵ هەڵدەگرێ ، ڕەنگە بەکۆمێنت حەقی پێ نەدرێ ..

سوپاس

بەختیار کریم حەساری

21/10/2020

  • 1