ئەمە بڵاوبكەوە
FaceBook  Twitter  

 

ئەندریە فلتشك *

عەلی قادر... کردوویه‌تی بەکوردی

ئایا من لینینم یان ماویم** یان تروتسکیم...؟ ئایا پشت ئەبەستم بەنمونەی سوڤیەتی یان نمونەی چینی ؟ .بەراشکاوانە زۆرگرنگی نادەم بەوجیاوازیە وردانه‌ .ئەوەی پەیوەندی بەمنەوە هەیە، شیوعی راستە قینە،ئەو تێکۆشەرەیە دژی ئیمپریالزم و رەگەزپەرستی وکۆلۆنیالی نوێیە، ئەوکەسەیە بروای بەیەکسانی ودادپەروەی کۆمەڵایەتیە بۆسەرجەم خەڵکی سەر گۆی ئەم زەویەیە، سەردانی نزیکەی 160 وڵاتم کردوەو لەهەموو کیشوەرەکان ژیاوم، بۆهه‌ر شوێنێک رۆشتبم دژواری تاڵانی بەردەوامی خۆرئاوایەکانم لەم سەرگۆی زەوییە بینیوە، ئیمپریالزم دەوڵەتەکان ناچەرئەکات بکەونە ناو شەری ناوخۆی دڕندەیەوە، هەتا کومپانیا فرە رەگەزەکان بەئاسانی تاڵانی بکەن، مەڵاین ئاوارەی ئەو ده‌وڵه‌تانه‌م بینیوە خۆرئاوایەکان وێرانیان کردووە، چاوم کەوتووە بەبارودۆخی نامرۆڤانە، چاوم کەوتوە بەوکارگانە کرێکارەکان ئەچەوسێننەوەو کێڵگەی نزیک لادێکان کەرژێمی دەرەبەگایەتی ئەیانبات بەڕێوە. گوندو شارۆچکەی پچووکم بینیوە هەموو دانیشتوانەکەی لەنەخۆشی ولەبرسا مردون، هەر کە ستەم وزۆرداری ئەبینم، هەرکە هەستم کرد ناچاربم لایەنگری جەنگ بم لەپێناوی ئەوەی بروام پێیەتی وئەکرێت جیهانەکەمان باشترببێت، ئەترسم ژیانم بەخۆپەرستی بەفیرۆبروات وبەهامرۆڤەیەتیەکان فەرامۆش بکرێت نووسەر ناتوانێت بێ لایەن بێت یان سیاسی نەبێت، ئەگەر وابێت ئەوە ترسنۆکە یان درۆئەکات، ژیان وخەبات لەپێناوی خەڵکی ترا، ئەوە بەختیاریەکی زۆرترە لەوەی تەنها لەخۆشیە خۆپەرستیەکانتا بژێت، من سەرسامم بەوەی لەوڵاتی کوبا پێشکەش مرۆڤایەتی کراوە لەماوەی نزیکەی شەست ساڵ لەسەرکەوتنەکانی شۆرش، کوبا نوێنەرایەتی کۆمنستیەکەی من ئەکات کوبا ئەزانێت چۆن ئەجەنگێت وچۆن لەئامێزئەگرێت وچۆن گۆران ئەڵێت و چۆن خیانەت لەنمونەی بالا ناکات، ئایا کوبا نمونەیە...؟ بێگومان نەخێر وانیە.بەڵام ناگەڕێم بۆ کەم وکوڕی وڵاتان یان لەناو خەڵکا یان لەشۆرشەکانا، ژیانی تایبەتیم لەبارەی بێ کەموکوریەوە دوورە هەمووی دوورە ، هەموومان هەڵە ئەکەین وبریاری هەڵە ئەدەین، هەروەها دەوڵەتان وگەلان وشۆرشەکان، لەراستیا بێ کەموکوڕی ئەمترسێنێت، ئەو ساردەو نەزۆکەوکەلەرەقەو لەبەرەئەوەی نامرۆڤانەیە.بەلکو لەرێبازی راست لایداوه‌، بروام نیە بەپیرۆزەکان، هەڵە پچووکەکان وبەناتەواوی، وای کردوە لە خەڵک و وڵاتان زۆرتر گەرموگوڕوخۆشەویستی ومرۆڤایەتی تربێت، رێبازی گشتی شۆرشی کوبا هەرگیز نمونەی نیە، بەڵام هەمیشە لەسەر قولترین و قوڵترین رەگ وریشەی مرۆڤایەتی وەستاوە، کوبا هەتا کاتێک وقۆناغێکی کورت بەتەنیا وەستابو یان نزیک بولەتەنیای، خوێنی لێ ئەهات لەئازارا تووشی لەرزین بوو بو لەئەنجامی خیانەتی چارەنەبودا، بەڵام لەرێبازەکەی دورنەکەوتەوەو ملی کەچ نەکردو نەپارایەوەو هەرگیز رادەست نەبوو. لەکوبا ئەڵێن( نیشتمان بۆ فرۆشتن نیە) هەروەها بروام هەیە پێویست ناکات هەرگیز مرۆڤایەتی بفرۆشرێت و هەروەها خۆشەویستی، بۆ ئەوە من شیوعیم..! ئەگەر خیانەتی راستەقینە ئەوەبێت هەژارەکان هەژارترو نێوانمان زۆرلاوازتر بکات بەبروای من ترسناکترە لەخۆکوشتن ومردن، ئیمپریالزمی خۆرئاوای دەیان وسەدان ساڵە لەکۆیلەکردنی خەڵکانی تراو داگیرکردنی هەموو شتێکی سەر زەوی وژێر زەوی ئەژی وگەشەئەکات، ئەم خۆرئاوایە لەباری معنەوی ودارایەوە مەڵاین خەڵکی کۆڵونیالیەکان ودەوڵەتانی بەکرێ گیراوی بۆگەن کردوەو گۆڕیونی بۆیارمەتیدەری بێ ئابرو بێ بەزەی، لەگشت کێشوەرەکان ولەهەموو جیهانا،هەستاوە بەفێرکردن وپێ وتنەوەو رێکخستنی سوپای گەورە لەخیانەتکاران، خیانەت ولەبیرچوونەوە دووچەکی بەهێزی ئیمپریالزمن، خۆرئاوا مرۆڤ ئەگۆرێت بۆ گەوادو خزمەتکارو کارەکەر، هەرکەسێک رەزامەند نەبێت بەشێوەیەکی جوانی پڕ لەخوێن ئەیان گۆڕێت بۆ زیندان وکۆیلەیەتی وشەهید هەتا ئێستا تەنها شیوعیەکان بەهێزو لەتوانیاندایە رووبەرووی کرۆکی بەهێزترین وێرانکارترین هێزی سەر ئەم هەسارەیەمان ببنەوە لە داگیرکارو ئیمپریاکزمی خۆرئاوای، دەرەبەگی ستەمکار، چەتەکانی سەرمایەداری و ئاینی لەهەڵبژاردەی ناوخۆی وڵاتانی داگیرکراو وێرانکراو لەسەرجەم جیهانا، لەبارەی خۆمەوە کەئەبم بەشیوعی راستەقینە، مانای چوونەناو تێکۆشانیکی بەردەوام دژی داگیرکاری بەردەوامی هزری مرۆڤایەتی ولەش ولارو شکۆمەندی و دژی تاڵانکردنی بەرهەم ودەسکەوتی سرووشتی ودژی خۆپەرستی وئەوی لێیەوە دروست بووە لەبۆشای بیرکردنەوەو میهرەبانیدا ، دەڵاڵەکانی سەرمایەداری خۆرئاوای، پێت ئەڵێن( کۆمەڵگەیەکی شیوعی نمونەیمان پیشانبدە) وەڵامیانبدەرەوە(وەک ئەم کۆمەڵگایە نیە) لەبەخت باشیە مرۆڤ توانای نیە شتێکی بێ کەموکوڕ دروست بکات، دەمارگیرە ئاینیەکان تەنها ئەوانن هاواریانە بۆ بێ کەموکوڕی ،مرۆڤ لەجیهانی نمونەییا ئەمرێت، جیڤارا جاریک وتی، ئەو قوربانیدانەی پێشکەش ئەکرێت پێویست ناکات وەک کارتی ناسنامە پیشانیان بدرێت، تەنها ئەیانەوێت بیشێوێنن وبەپیسی دایپۆشن ودایبەزێننە ئاستی خۆیان وبیخنکێنن، ئەوان بەتوندی هەوڵئەدەن خۆیان رازی بکەن کە شیوعیەت هەڵەیە، هەروەها بەپیچەوانەوە لەبارەی ئەو سەدان ملیونە گیانە ونبووەی بەردەوامراوەدویان ئەنێت ئیمپریالزم بەزەبری هێز لەو کەسانە ئەدات بوێری ئەکەن خەوببینن بەئازادیەوە و کودەتا رێک ئەخات دژی ئەو حکومەتانەی لەقەڵەمرەوی یاخی ئەبێت وسەقاگیری ئابوریەکەی لەق ئەکات و پشتگیری بەرهەڵستکاران ئەکات،یان بەشێوەیەکی راستەوخۆ هێرش ئەکات، بەرلەکۆچی دوای نووسەرو شۆرشگێری مەزنی ئورۆگوای ئەدوارد گالیانو،، پێی وتم، بەم نزیکانە جیهان جارێکی تر هێما(لافتە)ی دێرین بڵندئەکاتەوە...! ئێستا ئەوەروئەدات..! لەئەمریکای لاتێنی وئەفریقاو ئاسیاو لەسەرجەم ناوچەکانی یەکێتی سۆڤیەتی جاران وچین نزیکەی تێکرای خەڵک دوای زۆرتر لەشیوعیەکان ئەکەن نەک کەم کردنەوەی، ئەوان هەمیشە ناوی شیوعی ناهێنن بەناوی خۆیەوە، بەڵام لەکرۆکە(جەوهەر) کەی داوائەکەن: ئازادی وهاوکاری، میهرەبانی وپەرۆشی وئازایەتی بۆ گۆڕینی جیهان و یەکسانی و دادپەرەوەری جیهانی، گومانم لەوەنیە ئێمەسەرئەکەوین، بەڵام دووبارە گومانم هەیە ، بەرلەو رودانە ئیمپریالزم کیشوەرەکان بەتەواوەتی لەخوێنا نقوم ئەکات، خواستی خۆرئاوایەکان لەدەسەڵات وداگیرکاریا، نەخۆشیە ، ئامادەن مەلاین لەوکەسانە بکوژن خۆیان نادەن بەدەستیانەوە، بەتێپەربونی سەدەکان بەکردەوە سەدان ملیونیان کوشت وقوربانی ئەدەن بەمەلاینێکی تر، بەڵام ئەمجارەیان بەرامبەریان ئەوستینەوە، بروام وایە شان بەشان لەگەڵ ئەوانی ترا شەو ورۆژ بۆ جێبەجێ کردنی ئەوە کارئەکەم، چونکە ئەرکمە لەبەرئەوەی شیوعیم.

سیبته‌مبه‌ر 2020

* André Vltchek به‌ رووسى : Андре Влчек29/12/1963 له‌ لێنیگرادی رووسیا ــ یه‌كێتی سۆڤێت له‌ دایكبووه‌ ( باوكی چیكییه‌ و دایكی رووسییه‌)، چووه‌ته‌ ئه‌مریكاو بووه‌ته‌ هاوڵاتییه‌كی ئه‌مریكایی ، له‌ 22/9/2020 له‌ ئیسته‌نبوڵ به‌ رووداوێكی گوماناوی مردووه‌.{ ئه‌.ر}.

ئەندریە فلتشک فەیلەسوف و رۆمان نووسی ئەمریکی و دەرهێنەری فلیم و رۆژنامە نووسی لێکۆڵەرەوە لەرۆژی 22ی ئەیلولی 2020دا مردووە. لینا ئەلحسەینی کردوێتی بەعەربی ولەفیسبوک بڵاوی کردۆتەوە ..... 

** ماوتسی تۆنگ 

  • 1