ئەمە بڵاوبكەوە
FaceBook  Twitter  

لەڕوانگەی چینایەتیەوە

ئەگەر لەسەر بنەمای پێوەرە مرۆیی و نێودەوڵەتیەکان تەماشای دنیای مناڵان و تازە پێگەیشتووان بکەین٫ دەبێت مناڵان چاودێری و پەروەردەبکرێن نەک بخرێنە ژێر باری قورسی کارکردن و ماندو وهەراسان بکرێن ٫ ئەگەرلەباری واقی ژیانەوە تەماشای بکەیت ٫ مناڵان خاوەنی چەندین خەونی ئەرخەوانی جوانن و دەبێت لەئامێزخۆشەویستی بگیرێن ٫ ‌‌ ‌ ‌ لەمێژووی مرۆڤایتیدا مناڵانی هەژار و کرێکاران زوڵم لێکراوترین بەشی ناو گۆمەڵگە بوون و بە خراپترین شێوازو و بەئازارترین شێوە چەوسێنراونەتەوە هەرلەقۆناعی کۆیلایەتیەوە تابەئێستای سەرمایەداری دەکات مناڵانی کارگەر و تازە پێگەیشتووان زۆرترین کاریان پێ کراوە و کەمترین کرێیان وەرگرتوە و لەخراپ ترین هەلومەرجا کاریان کردووە ٫

مارکس لەکتێبی( کاری گرێگرتەو سەرمایە ) دا دەڵێ ( ئامێرکرێکاری شارەزا دەخاتە ‌ جێگای کرێکاری نەشارەزا و ژن دەخاتە جێگای کرێکاری پیاو ٫ مناڵ دەخاتە جێگای کرێکاری گەنج ٫بەمەش بەکۆمەڵ کرێکاران فڕێ دەداتە سەر شەقامەکان ) ئەوەی ئێستالە جیهاندا ڕوو دەدات هەمان ئەو ڕەوشەیە بیرمەندانی سۆسیالیستی خستوویانەتە ڕوو ٫ ئامارەکانی کارپێکردنی مناڵان لەجیهاندا بەردەوام لەهەڵکشاندایە زیاتر لە ( ۲۱۵ ) ملیۆن مناڵ کاردەکەن ٫ بەپێی ئاماری ڕێکخراوی کاری نێودەوڵەتی (٤۸) ملیۆن مناڵ کاری مەترسیدار دەکەن هەربۆیە دروشمی (فراوانکردنی مەودای پاراستنی کومەڵایەتی و قەلاچۆکردنی کاری مناڵان)ی کردۆتە بەرنامەی کاری خۆیەوە ٫ بۆچارەسەری ئەم ژینگەیەی بەملیۆنان مناڵ لەسە شەقامەکان ڕۆژ دەکەنەوە ملیۆنانی تر زۆربەی کات لەسەرشەقامەکانن و دوورن لەژیانی ئاسایی ناو خێزان٫ هەرێمی کوردستان یەکێکە لەو هەرێمانەی کەڕەوشی مناڵانی گارگەر لە بارێکی خراپدایە و بەتایبەت لەگەڵ دەست پێکردنی قەیرانی ئابووری و بڵاو بووونەوەی ڤایرۆسی کۆرۆنا بووە هۆی ئەوەی بەهەزاران مناڵ بگەڕێنەوە سەر شەقامەکان و دوور بکەونەوە لەخوێندن و ژیانێکی ئارام و هیچ ئاسۆیەکیش نیە بۆ چارەسەر کردنی و حکومەتی هەرێم بەهۆی سیاسەتی بەرژەوەندخوازی و قەیرانەکانیەوە هیچ بەرنامەیەکی نەخستۆتە ڕوو لەئاستی چارەنووس و دواڕۆژی مناڵان و کرێکاری تازە پێگەیشتوودا هیچ بەرپرسیارێتیەکی نەخستۆتە ئەستۆی خۆی ووەزارەتی کاروکاروباری کۆمەڵایەتی هیچ بیمەیەکی کۆمەڵایەتی نیە بۆ کرێکارانی بێکار و بێگومان کاریگەری بێکاری لەسەر خانەوادە بێکارەکان راستەوخۆ دەبێتە هوی ژیانێکی سەخت و مەترسیدار لەسەرژیان و گوزەرانی مناڵان بۆیە بەرپرسیارێتێکی گەورەی کۆمەڵایەتیە کەهەمووان کار بکەین بۆ پاراستنی مناڵان کار و ژیانی هەرەوەزی لەناو خێزان و لەناو کۆمەڵکە دا یەکێکە لە رێکە چارەسەریەکان و پشت بەستن بە خۆ و بە کاری هەرەوەزی و ژیانێکی هاوبەش و و بەرەنگاربوونەوەی تاکگەرای و بۆرجوازیانە ئەگینا چرەنووسی مناڵەکانیشمان وەک خۆمانی لێ دێت

 

  • 1