ئەم هەواڵە بڵاوبكەوە
FaceBook  Twitter  

مرۆڤ لە ڕۆژهەڵاتی ناوەڕاست بە كوردستانیشەوە لە چوارچێوەی چوار فۆڕم كۆكراوەتەوە، سەرمایە، ئاین، وەرزش، فەیسبووك، هەر یەكێك لەو چوار چەمك و كایە، كۆمەڵگای مرۆڤی دوورخستۆتەوە لە هەر جۆرە بیركردنەوە و سەرقاڵ بوونێك بەتێزە مەعریفی و ڕۆشنبیری و كولتور و بەها مرۆییەكان، لەكوردستان نرخی مرۆڤ و كەسایەتی و قورسایی كۆمەڵایەتی و مەعنەوی و پێگەی هەر كەسێك لە نێو كایە جۆربەجۆرەكاندا، بەندە بەو بڕە پارەیەی كە هەیەتی، پەنجا ساڵ بەر لە ئێستا (پیرەمێرد)ی شاعیر گوتوصیەتی (هەبوو بە كوڕی گوو)یە، كێشەت نییە و لەناو ناوەندە سیاسی و كۆمەڵایەتییەكاندا وەكو كەسێكی گران و سەنگین مامەڵەت لەگەڵ دەكرێت، سەعۆی كۆنە برادەرم بەر لەوەی ببێتە بوونەوەرێكی حزبی كوردەواری گوتەنی ئەگەر نیوەڕۆش ژەمی نانی هەبووایە، نانی ئێوارەی نەبوو بێ‌ شێو و بەزگی برسی سەری هیلاكی دەخستە سەر سەرینی نووستنی سەعۆ كە بوو بە ئەندام لە (حزبی تەنها من هەم)، بازی بەختەوەری لەهەر شانی نیشتەوە و بووە پیاوی ناو پیاوانی سەرمایەدار و دەوڵەمەند لەسەر جامی ئوتۆمبێل و لاپەڕەی فەیسبووكی نووسیویەتی (هژا من فچل ربی) برادەرێكیش بۆی نووسیبوو تەعۆ من تۆ دەناسم بنووسە (هژا من فچل حزبی) هەر ئەو تەعۆیە جگەلەوەی دەوڵەمەندێكی گەورەی وڵاتەـ بەڵام هێندە گێژە نازانێت چەند هەزار دەكاتە میلۆنێك، بۆیە لە برادەرێكی پرسی بوو ملیۆنێك دەكاتە چەند، بەو دواییەش كە حزبی فیلەتەن خستییە نێو لیستی هەڵبژاردن بۆ ئەوەی ببێتە ئەندام پەرلەمان، دەڵێن بە برادەرێكی خۆی گوتووە ئەرێ‌ ئەگەر یەكێك ببێتە وەزیر دەبێت ئەویش وەكو پەرلەمان خەڵك دەنگت بۆ بدات، سەعۆ ئێستاش بەپرتەقاڵ دەڵێت فرتەقاڵ و بەقوتابی دەڵێت مەتكەبلی، ئەو ڕۆژەش لەناو بازاڕ بینیم بانگەشەی هەڵبژاردنی بۆ خۆی دەكرد و پاسەوانەكانی هاواریان دەكرد سەعۆ گەورەمان كە بووە ئەندام پەرلەمان یەكەم ئیشی چەسپاندنی یاسایە، بەڵام ئۆتۆمبێلەكەی خۆی و هەر چوار ئۆتۆمبێلەكەش جام ڕەش و بێ‌ ژمارە بوون.

  • 1