ئەم هەواڵە بڵاوبكەوە
FaceBook  Twitter  

بیروەریی بەنگلادیشییەك كە چەند ساڵێك لە كوردستان بووە‌و ئێستا گەڕاوەتەوە وڵاتی خۆی.

دوو شەو بەر لەئێستا شیشیلەشانی لە بەنگلادیشەوە تەلەفۆنی بۆ كردم و بەتووڕە بوونێكی لە رادەبەدەر گوتی زیرەك كەمال پێشتر بەس لە حزبەكانی كوردستان توڕە بووم، بەڵام ئێستا لەهەمووتان عادزم!! گوتم خێر؟ گوتی دوای گەڕانەوەم بۆ وڵاتەكەم لە هەموو كۆڕو كۆبوونەوەكان لە نووسینەكانم بەردەوام باسی مرۆڤ دۆستی و نان بدەیی و ئاكاری جوانی ئێوەم كردووە، بەڵام ئێستا بۆم بەدیاركەوت ئێوەی كورد خەڵكێكن خۆتان خۆش ناوێت، كەسێكیش خۆی خۆش نەوێت ناتوانێت بۆ هیچ كەسێك دڵسۆزبێت و بگرە بە كەڵكی دۆستایەتیشی نایەت، بەنگلادیشی چووە ناو هۆكاری توڕەبوونەكەی و گوتی ماوەیەك بەر لە ئێستا ئیبراهیم تاتڵیسازی گۆرانی بێژی تورك لە تەنیشت ئەردۆغانی سەرۆكی توركیا دانیشتبوو بە گۆرانی دەست خۆشەی لە سوپای داگیركەری توركیا دەكرد، كە شاری عەفرینی رۆژئاوای كوردستانیان داگیركردووەو واتا بە دەستە سڕی هونەر دەستە خوێناویەكانی ئەردۆغانی دكتاتۆر و داگیركەری كوردستانی دەشوشت، منیش كە چەندین ساڵەی عاشق و گوێگرێكی سەرسەختی گۆرانییەكانی ئیبراهیم تاڵیسازبووم، بەڵام كە ئەو گۆرانی بێژەم لە تەنیشت ئەردۆغان بینی و شا باشی كارە چەپەڵ و دكتاتۆریەكانی ئەوی دەكرد، یەكسەر چی كاسێتی ئەو هونەرمەندە هەیە هەموویم فڕێدا وێنەكانیم لە دیوار كردەوەو لەلاپەڕەی خۆشم لە فیسبوك هەڵمەتێكی تووندم كرد سەری، چاوەڕێی ئەوەشم دەكرد كە دوای ئەوەی ئیبۆی توركیا هونەرەكەی خۆی بەپارە هەراج كرد، ئێوەی كوردیش پەرچە كردارێكی تووند بەرامبەر بنوێنن و ئیدی بۆ تاهەتایە گوێ‌ لە گۆرانییەكانی ئەو نەگرن، بەڵام بیستوومە دوای ئەوە، ئێوەی كورد زیاتر گوێی لێدەگرن و كاسێتەكانی ئیبراهیم تاڵیساز زۆر زیاتر لە جاران دەفڕۆشرێن.

منیش لەسەر ئەوە زۆر توڕەم لێتان و چیدیش رازی نیم بیرەوەریەكانی من بكەیە كوردی و دواتر بە توڕەیی تەلەفۆنی لەسەر داخستم، درەنگای شەوی دوێنێش كورتە نامەیەكی لە ڤایبەر بۆ نادرم و نووسیبووی:- زیرەك سەیرە ئێوەی كورد دەمی چەقۆ ماچ دەكەن و تف دەكەنە برین.

  • 1