ئەمە بڵاوبكەوە
FaceBook  Twitter  

چەند رۆژێك بەرلەئێستا (زرپۆی) تەمبەڵ و تەوەزەل ز زۆربڵێ لەگەڵ (قوتیل)ی هاوڕێی بوو بە شەڕیان، ئۆباڵ بە ئەستۆی ئەوانەی كە لەوێ بوون، گوتیان گوناهی ئەو شەڕە لە ئەستۆی (زرپۆ) بوو، هەر لەو گۆڕەی لە خت و خۆڕایی بە مل (قوتیل)دا چوو، بەڵام بەخت یاری قوتیل بوو، داركارییەكی باشی زرپۆی كردبوو، دواتر (زرپۆ) هەڵدێت و دەیانگوت بە پەنجە ڕاوەشاندنەوە بە (قوتیل)ی دەگوت ڕاوەستە بۆم وەڵاهیی دەبێت لە (فەیس بووك) بتكەم بە سینەما. 

دیارە گوزەرێكی خێرا بەنێو تۆڕە كۆمەڵایەتییەكانی وڵاتی خۆمان و دانیشتنی چەند دەقیقەیەك بەدیار تەلەفزیۆنەكانی هەرێم، لەو هێزە سیاسییە ترسناكە تێدەگەیەت فو بە كەناری مەرگدا دەكات و بەڕاست و چەپدا جنێو دەدات و سادەگۆیی كردۆتە بەرنای خۆی، ئێستا لەوێدا كەس باسی دوژمنەكانی كورد، لە هەرچوار كەنار و باسی ئەو هەموو تراژیدیایە ناكات كە ئەو دوژمنانە بەسەر كوردیان هێناوە، بەشی زۆری كوردەكان بەربوونەتە گیانی یەكتری و وەك بڵێی كێشەی كورد لەگەڵ خۆیەتی، نەك شۆڤێنیزمی عەرەبی و نەوەكانی سسوڵتانی عوسمانی و سەفەوی.

جاران ئەگەر بتویستبا لە ماهیەتی كەسایەتی كەسێك تێ بگەی و ئاستی هۆشیاری و ئەخلاقییات و ڕەوشتی ئەو كەسە بزانی، دەچوی لە دۆست و برادەر و دانیشتوانی گەڕەكی ئەو كەسە پرسیارت دەكرد.

ئێستا ئامرازەكانی گەیاندن ئەو ماندووبوونەوەی لەكۆڵ هەموومان كردووەتەوە، چونكە لاپەڕەی فەیسبووكی ئەو كەسە بكەوە، لە هەموو وردەكارییەكانی ژیانی تێ دەگەیەت، نەك هەر ئەمە بەڵكو هەركاتێك ویستت، لە هۆشیاری و پەیوەندییە كۆمەڵایەتییەكانی میلەتێك تێ بگەی، بڕۆ ناو پڕۆفایل و تۆڕەكۆمەڵایەتییەكانی.

لە كوردستان، دڵنیام دەتوانن كۆمەڵێك دەرئەنجام و توێژینەوە و تێگەیشتنی مەعریفی و بابەتی و كۆمەڵناسی ورد لەم بارەیەوە لەسەر گەلی كوردستان بەدەست بهێنن، لەوەش دڵنیام لە فاكتەرە بابەتی و خودییەكانی پشت نەگەیشتنی گەلی كورد بە سەربەخۆییش تێدەگەین، دواتریش لەشەڕی نێوان زرپۆ و قوتیل تێ دەگەین و ئازایەتی و ترسنۆكی هەردوكیشیمان بۆ بەدیار دەكەوێت.

  • 1