ئەمە بڵاوبكەوە
FaceBook  Twitter  

بەشانازییەوە من و ڕێبوار سیوەیلی دوو هاوڕێ‌ و برادەری گیانی بە گیانین، بەشێوازی جۆراو جۆر بەردەوام لە پەیوەندیداین، بەڵام ماوەیەك بوو لێك هەڵبڕابووین، پێموایە هەر ئەوەش وایكرد كە نەخۆشی پەی بەهەردووكمان ببا، ئەوە بوو ئەو لە یەكێك لە نەخۆشخانەكانی تاران دڵە جوان و زیندووەكەی كەوتە ژێر چەقۆی نەشتەرگەری و منیش لە نەخۆشخانەی سەردەم لەشاری هەولێر پزیشك ونجر ونجری كردم، لەوەش سەیرتر ئەوە بوو هیچمان ئاگاداری باری تەندروستی یەكتری نەبووین، ئەوە بوو د. بەختیار سەجادی پڕكارو چراگەشەكەی زانكۆی سنەو هەموو ئێران و كورد كەوتە نێوانمان و پردی هەواڵی باری تەندروستی لە نێوان هەردووكمان دروستكرد، من ئێستاش نازانم پزیشك چی لە دڵی مامۆستا ڕێبوار سیوەیلی كردووە، یان چۆن توانیویەتی ئەو نەشتەرگەریە بكات!! ئاخر دڵی سیوەیلی پڕ لە مرواری و شەو نێرگری چاو زەردی شیعرو درەختی فەلسەفەو مێرغوزاری توێژینەوە و گوڵالە سورەی مەعریفەیە، نازانم لەنێو ئەو هەموو شانشینە جوانییە چۆن نەخۆشیەكەی بۆ دۆزراوەتەوە؟ تەمەن درێژبیت مامە ڕێبوار سیوەیلی ئاوەدانیەكەی ناو دنیای رۆشنبیری.

  • 1