ئەم هەواڵە بڵاوبكەوە
FaceBook  Twitter  

زیرەك كەمال/ ئایا سەید كاكە پێشمەرگە بووە؟

 

سەید كاكە كەسێكی دیاری ناو بزاڤی شۆڕش و حزبایەتیە. كەسێكە هەموو ئەوانەی كە كاراكتەری ناو مێژووی سیاسی و شارەزای ئەو مێژووە بێت ئەو پیاوە دەناسێت. بەڵام هەر كەسەو بەجۆرێك، من زانیاری و شارەزای وردم لە بارەی هۆكار و چۆنیەتی چوونە دەرەوە و بوونە پێشمەرگەی سەید كاكە هەیە، ئەگەر ئەو نوسینەی من ببینێت لێم تێ دەگات و دەزانێت مەبەستی زیرەك كەمال چیە؟ بەداخەوە بۆ شوناسی و شكۆیی پێشمەرگایەتی كە ڕابردوو خەڵكانی پیاو كوژو دەست درێژیكاری بۆ سەر حورمەتی كەسایەتی ئافرەت لەكەداریان كرد، واتا مەبەستم ئەوەیە كەبەشی زۆری پێشمەرگەكانی ناو شۆڕشی ڕابردوو هەم شۆڕشی ئەیلول دا هەم شۆڕشی نوێ كە شیوعیەكان لە هەردوو شۆڕشەكە ڕۆلێكی كارگەریان هەبوە، خەڵكانێك بوون خاوەنی مەسەلەی نیشتیمانی و نەتەوەو بەهامرۆیەكان بوو. بەڵام ئەو شۆڕشانە خەڵكانێكی تی كەوت كە چەك و بەرگری پێشمەرگایەتیان پۆشی بوو. بەڵام ژن كوژ و پیاو كوژ بوون . فەرمانبەری باق بوون بەڵام پارەیان دزی بوو . لەسەر میرات و پوشی و پاوان مام و خاڵی خۆیان كوشتبوو. دیسان سەیدكاكە و هەموو ئەوانەی وەكو من شۆردەبنەوە بۆناو وردەكارییەكان مێژوو كەسە بەشدار بووەكان پێشمەرگەیاتی لەمن تێ دەگەن . سەیدكاكە لەهەموو دیمانە و دیدارێك بەبۆنە و بێ بۆنە بەبێ ئەوەی رەچاوی بچوكترین بەهای نووسین و زمانەوانی و ئەخلاقیاتی زانستە مێژووییەكان بكات، پەلاماری شیوعیەكان دەدات و درۆو تۆمەتی بێ بنەمایان بۆ هەڵدەبەستێت. سەید كاكە ئەوە ناهێنێت بەبەڵگەو گەواهیدان وەڵامی بدرێتەوە. تەنها من ئەوندە دەڵێم بەدرێژایی مێژووی حزب بەگشتی و پێشمەرگایەتی بەكاییەتی هیچ مام كوژ و خاڵكوژ و ژن كوژێك خۆی نەداوەتە پەنای حزب و بۆ مەبەبەستێكی كۆمەڵایەتی بەرگی پێشمەرگایەتی و حزبایەتیان پۆ شیبێت. دیسان سەید تێمدەگات دەڵێم چی. بۆیە واباشە سەید كاكە لەو دوا هەنگاو و پێچەكانی تەمەنی، پەشیمانی خۆی دەرببڕێت لە هەموو ئەو ناهەقیانەی بەرامبەر ئازادی و دیمكراسی و بەها مرۆییەكان كردوویەتی. هەقە ببێت بەپیری گەڕانەوەی بۆ جوانی و ڕاستی، نەك پیری ............ ئەگەرچی ئەو پیاوە بەردەوام پاڵەوان و قارەمان و كۆڵنەدەرێكی گەورەیی شەڕی ناوخۆ بووە. هیواداریشم سەید كاكە زیارتر لەوە ناچاری قسەكردنم نەكات.