ئەمە بڵاوبكەوە
FaceBook  Twitter  

 

ڕۆژی شەممە ٧-٥-٢٠٢٢ بە بەشداری ڕێکخستنی یاڤلێ ی ڕێکخراوی سویدی حزبی شیوعی کوردستان لەناوچەی یاڤلەبۆری،هاوڕێ نەرمین نەجمەددین مامۆ ئەندامی کۆمیتەی ناوەندی و بەرپرسی ڕێکخستنی یاڤلێ ی حزبمان، لە کۆنگرەی تەڤگەری ژنانی ئەوروپا- وارشین، میوانداری کراو بەو بۆنەیەوە وتەیەکی پێشکەش کرد کە تیایدا باسی لە خەبات و تێکۆشانمان لە پێناو ئازادی و دادپەروەری کۆمەڵایەتی کرد ، وە کورتەیەکی چڕ و پڕی له سەر خەبات و ئامانجی حزبمان باس کرد کە یەکێک لە ئامانجە هەرە گرنگەکانمان پرسی یەکسانی جەندەریە کە حزبمان لە درێژەی خەباتی گرنگیەکی زۆری بە بواری ئافرەتان داوە و هەر لە سەرەتای چلەکان ژنانی شیوعی گەشتونەتە ناوەندی بڕیار و لە پێناو بیر و باوەڕەکەیان ئامادەی جەرگەی تێکۆشان بووین و قوربانی گرانبەهایان بەخشیوە.
تەڤگەری ژنانی ئەوروپا ( وارشین) لە ساڵی 2015 یەکەم کۆنگرەی خۆی بەستوە، کار دەکەن لە پێناو هێنانە پێشەوەی پرسی ژنان و هۆشیاری و پەروەردە، یەکێکن لە ڕێکخراوەکانی کۆمەڵگەی مەدەنی و چالاکی جۆراوجۆر وەک کۆرسی پەروەردەی منداڵ ، هۆشیاری تەندروستی ژنان ، هۆشیاری مافەکانی ژنان، چالاکی وەرزش و هونەر ، چالاکی لە بۆنە نێونەتەوەیەکان وەک ۸ مارس و جەژنی کرێکاران و رۆژی بەرەنگار بوونەوەی تووندوتیژی دژ بە ئافرەتان ئەنجامدەدەن.
دەستەی نوێی بەڕێوەبەری وارشین کە پێکهاتبوون لە ٥ ئافرەت هەڵبژێردران.

چالاکی حزبی