ئێوارەی دووشەممە ٢٣-٩-٢٠٢٤ لەلایەن لیژنەی وەرزش ولاوان ی سەر بە کاری جەماوەری کۆمیتەی رێکخستنی مەخمووری حزبی شیوعی کوردستان لەگەڵ تیپی وەرزشی باڵای مەخموور رێکخرا.
دیدارەکە بە ئامادەبوونی هاوڕێیان مەلا بەختیار حەساری جێگری لێپرسراوی مەڵبەندی هەولێر، رێباز هاشم بەرپرسی کاری جەماوەریی مەڵبەند، کۆچەر رەحمان ئەندامی مەڵبەند، جەوهەر سەیدا بەرپرسی کۆمیتەی رێکخستنی مەخموور بەڕێوەچوو.
مەبەست لە دیدارەکە بۆ دەربڕینی پاڵپشتی بوو بۆ بواری وەرزش و وەرزشوانان و دەست خۆشی کردن بوو لە چالاکییەکانی تیپی باڵای وەرزشی مەخموور.
لە دانیشتنەکەدا باس لە بواری وەرزشی و پەرەپێدانی توانای لاوان و وەرزشوانان و پشتیوانی حزبیان دووپاتکردەوە.
وەرزشوانانی مەخموور سوپاسی حزبی شیوعی کوردستانیان کرد و هیوایان خواست هەموولایەک بەم شێوەیە پشتیوانیان بن و باسیان لە مێژووی تیپە وەرزشییەکانی مەخموور کرد.