ئەمە بڵاوبكەوە
FaceBook  Twitter  

هونەرمەند كاوە ژاژڵەیی: سەرسامی دەنگی هەردوو هونەرمەند بلیمەت قادر كابان و كەریم كابانم

دیمانە- كامەران حاجی ئەلیاس

زۆرن ئەو هونەرمەندانەی بەرهەمیان بەژمارە،زۆر نیە بەڵام بەرهەمەكانیان شاكار و نەمرن،لە هەموو كات و سەردەمێك دا لە هزر و زایەڵەی وەرگر دەمێنێتەوە، هونەرمەند كاوە ئەحمەد حەسەن ناسراو بە (كاوە ژاژڵەیییەكێكە لەو هونەرمەندانە،كە خاوەنی چەندین،ئاواز و گۆرانی كەمە بەڵام هەموو بەرهەمەكانی نەمر و بەپێزن ژاژڵەیی،لە ساڵانی حەفتایەكان، چۆتە نێو جیهانی ئاواز و گۆرانی، ئێمە وەكو ماڵپەری كوردستان تیڤی بە چەند پرسیارێك بەسەرمان كردۆتەوە:

ەرەتا ئەگەر بۆ خوێنەرانمان بەكورتی باس لە كاروانی هونەری خۆت بكەیت .  

-دەستپێكی هونەریم دەگەڕێتەوە بۆ ساڵی 1977 ئەو كاتە كە هاوكاربووم لەگەڵ تیپی شانۆی لادێ كەسەر بە بەڕێوەبەرایەتیی كشتوكاڵ بوو لە گەڵ ئەم تیپە و هاوكار لەگەڵ هەردوو هونەرمەندی خوا لێخۆشبوو (حەمە جەزا علی و قادر زیرەك )بەشداری بۆنە و ئاهەنگەكانمان دەكرد، دواتر لە ساڵی 1978 لەگەڵ تیپی هونەری هەولێر چەندین چالاكیم ئەنجام دا.

* گۆرانیەشیمانی) یەكێك بوو لەو گۆرانیەكانی بەرێزتان كە دەنگ وزایەڵەی زرۆی هەبوو ئەگەر بكرێت باس لە چیرۆكی ئەم گۆرانییە بكەیت؟

-لە مانگی 3ی ساڵی 1978 كاتێك سەرقاڵی پڕۆڤەی بابەتە هونەریەكانی فیستیڤاڵی چالاكی قوتابخانەكان بووین، مامۆستای خوا لێخۆشبوو "سەید ئەحمەد بەرزنجی "كە سەرپەریشتی چالاكیەكانی فیستیڤاڵی دەكرد، لە كاتی پڕۆڤەكردن دا هەستی كرد دەنگی من شیاوە بۆ ئەو ئاوازەی كە داینابوو، بۆیە ڕۆژانە دوای تەواو بوونی پرۆڤە، هەر لە باخچەكە دا چەند جارێك ئاوازەكەی بۆ ووتمەوە، دواجار ووتی دەتوانی وەك من بیڵێیتەوە، منیش بە هەست و سۆزی خۆم ئاوازەكەم بۆ ووتەوە، زۆری پێ خۆش بوو،ووتی ئەوە ئاوازی خۆمە و پێشكەشت بێ، ئەوە بوو لەگەڵ كۆمەڵێك گۆرانی تری ناوازەی تیپ لە هاوینی ئەم ساڵەدا تۆماركرا، گۆرانیەكە ناوی پەشیمانیە و ئاوازی مامۆستای خوالێخۆشبووە هۆنراوەكەشی هی شاعیر كاك نازم دڵبەندە.

*كامەن ئەو هونەرمەند وكەسانە، كەهاوكارو هاندانی بەرێزت بوون؟

ئەڵبەت لە هەر كارێكی هونەری كەسانێك هاوكار و دڵسۆزت دەبن، وە ئەوانەی هاوكاری منیان كردووە مامۆستا (سەید ئەحمەد بەرزنجی) و مامۆستا (وریا ئەحمەد)و كاك (حەمیدی بزق) وە هەروەها سەرجەم ئەندامانی گروپی نالی و كاك (سید ئەحمەد ڕواندزی)،لەگەڵ هەردوو خۆشەویستانم كاك سەباحی سەنتوور و كاك فەرهاد محمد ساڵح رێز و حورمەتم هەیە بۆ هەموویان، خوای گەورە لە مامۆستا سید ئەحمەد بەرزنجی خۆش بێت.

ەو گۆرانیبێژانە كامەن كەكاریگەریان لەسەر تۆدا هەبووە؟

 - هەر لە مناڵیمەوە سەرسامی دەنگی هەردوو هونەرمەندی خوالێخۆشبوو بلیمەتەكانی ئاواز و گۆرانی كوردی، قادر كابان و كەریم كابان بووم، زۆر جار حەزم كردووە یەكێك لە گۆرانیەكانیان بڵێمەوە، یادیان بە خێر و گۆڕیان پڕ نور بێ.

ۆچی بەرهەمی نوێت نیە؟

من لە ساڵی ٢٠٠٢وە وە وازم هێناوە هەستم كرد ئیدی جێگای من نابێتەوە لەو بازاڕەی ئەمڕۆی بە ناو هونەر و تەمەنیش هۆیەكی تری وازهێنانمە هەر بۆیەش لەو ساتە وەختەوە هیچ بەرهەمێكم نیە.

* ئاستی هونەری گۆرانی و موزیكی كوردی لە ئێستادا لە چ ئاستێك دایە؟

 - ئەگەر اغراءات و ئیمتیازات لێبگەڕێت ئێستاش شتی جوان و چاك دەكرێت.

* چۆن دەڕوانیتە گۆرانیبێژە گەنجەكان؟

 -ماشاڵڵا ئەمڕۆ بێ سانسۆر ئەوەی حەز بكات و پولدار بێت دەبێتە شازی هونەرمەند لە ماوەی چەند مانگێك دەیان چاوپێكەوتن و دەیان كۆنسێرت ئەنجام دەدەن.

ۆڵی میدیا (تیڤییەكان) لەبڵاوكردنەوەی گۆرانی كوردی بە ئەرێنی دەبینی؟

 -خوا خێریان بنوسێ هەندێ لە كەناڵەكان جار جارە وەك یادێك گۆرانیە ڕەسەنەكان پەخش دەكەن.

ەو پەندەی لە ژیانتا بڕوات پێی هەیە؟

 - هەر چەندێكم زانیبێ، ئێستا زانیم كە هێشتا هیچ نازانم.

* بەكورتی چی دەڵیت بۆۆشەویستی، هیوا، ژیان )

-دەكرێ ئەم سێ ووشە جوانە ئاوێتەی یەكتر بن، ئێمە هەر هەموومان وەكو مرۆڤ ئەگەر ناخمان پڕاوپڕ نەبێ لە سۆز و خۆشە ویستی بۆ دەوروبەر و ئەوانەی لەگەڵیان دەژین بە هیواو ئاواتەوە نەژین هیچ جیاوازیەكمان نابێ لە گەڵ بونەوەرانی تر.

No description available.

 No description available.