ئەمە بڵاوبكەوە
FaceBook  Twitter  

هونەرمەندی موزسیان وشیار عوسمان ناسراو بە(وشیار رواندزی ) ،ساڵانێكە وەكو هونەرمەندێك ،لەبواری هونەری موزیك جێپەنجەی دیارە ، بەشداری چەندین فیستیڤاڵی هونەری لەسەر ئاستی كوردسان و عێراقدا كردوە یەكێك بووە لە ئەندامانی تیپی مۆسیقای پاشای گەورە ئێمە وەكو ماڵپەری (رێگای كوردستان) بەمەبەستی ئاشانا بوون بەكارو چالاكیەكانی بە چەندپرسیارێك بەسەرمان كردەوە.

دیمانە- كامەران حاجی ئەلیاس

*سەرەتا كورتەیەك لە ژیانی هونەری خۆت بۆ خوێنەرامان باس بكەیت .

- سەرەتای كاری هونەریم لە شاری رواندزبۆ ساڵی 1977،لەگەڵ تیپی موزیكی پاشای گەروە دەگەرێتەوە ، كاتێ لە هەمان ساڵ بەشداریم كرد لە خوولێكی فێربوونی موزیك ،لەسەردەستی هونەرمەندی گەورە مامۆستا زرار محەمەد مستەفا .لە كاتەوە تا ئێستا وەكو ژنیار دانەبڕاوم لەگەڵ چەندین تیپی موزیكی كارم كردوە ، لەهەمان كاتدا چەندین خوولی هونەری موزیكیم كردۆتەوە.

* بەرێزتان چەند ئامێر میوزیك دەژێنیت؟

-ئەوەی راستی بێت شارەزایم لە چوار تا ئامێر هەیە ئۆكۆردیۆن، ئۆرك ، ریتم ، پیانۆ ، دەڤ..بەڵام زیاتر لەسەر ئامێری ئۆرك و ئۆكۆردیۆن كاردەكەم.

* كێن ئەو كەسانەی هاندەرو پاڵپشتت بوون؟

- ئێمەمانان هەردەم خۆمان بەقەرزای مامۆستای گەورە هونەرمەند( زرارمحەمەد مستەفا) دەزانین ئەو هاوكار وپاڵپشتم بووە ، هەروەها ئەندامانی خێزانەكەم لەگەڵ كۆمەڵێ هاورێكانم هاندەرو هاوكارم بوون.

*كامەن ئەو تیپە مۆسیقایانەی وەكو ئەندام ،كارت لەگەڵ دا كردون؟

- وەكو ئەندامێكی چالاك ،لەگەڵ زۆرێك لە تیپە موزیكییەكان كارم كردوە لەوانە تیپی مۆسیقای پاشای گەورە، تیپی پەیمانگەی هونەرەجوانەكانی رواندز، تیپی مۆسیقای لاجان ، تیپی مۆسیقای ئاوات كە ئەم دووتیپە مللی بوون.

* ئایا هیچ ئاوازت داوە بەگۆرانیبێژان؟

- بەڵێ ئاوازم بۆ هەندێ لە گۆرانبێژە لاوەكان داناوە .

* هیچ كاتێك بیرت لە گۆرانی وتن ناكردۆتەوە؟

- لە راستیدا لەسەرەتای تەمەنی هەرزكاریم ، لە هەندێك بۆنەو ئاهەنگەكان گۆرانیم دەوت ، بەڵام زیاتر خولیای ژنیار بووم، بۆیە لە گۆرانی وتن بەردەوام نەبووم.

* ئەو ژنیارانە كامەن؟ كە تۆی سەرمی بە ژنینیان؟

- لە جیهان و لە كوردستان ژنیاری زۆر بەتوانا هەبن ، زۆرن ئەو ژنیارانە ،كەمن سەرسام بە ژەنینیان بەڵام من ناتوانم ئاماژە بە ناوەكانییان بدەم ،چونكە موزیك هەستە لە پەنجەكانی دەست دەردەچێت.

* بەشداری چەند فیستیڤاڵی هونەریت كردوە؟

-ئەوەی راستی بێت بەشداری زۆرلەفیستیڤاڵی هونەریم كردوە ، لەسەر ئاستی كوردستان وعێراق بۆنموونە فیستیڤاڵی چالاكی قوتابخانەكان لە لە ساڵی 1979 لە شاری سەماوە لە خواری عێراق ، فیستڤاڵی دەزگای رۆشنبیری وبڵاوكردنەوەی كوردی ساڵی 1982 لە شاری هەولێر وە فیستڤاڵی هونەری شاری دهۆك لە ساڵی 1985 لە دوای راپەرنیش لەساڵی 1991 بەشداری چەندین ئاهەنگی گەورەم كردوە بەتایبەتی لەگەڵ هونەرمەندان شڤان پەروەر و ناسری رەزازی لە شارەكانی رواندز ،رانیە، سۆران ، هەولێر..لەگەڵ چەندین فیستڤاڵی تر كە ئێستا لە یادم نەماوە.

* ئاستی ئاواز و گۆرانیبێژانی كوردستان لە چ ئاستێك دایە؟

ئاستی ئاواز و گۆرانی كوردی لەسەردەمی ئەمڕۆدا تارادەیەك لە ئاستێكی باش دایە،بەڵام بۆ ئەوەی راسانەیەتی گۆرانی كوردی بپارێزین پێویستە لە وەزارەتی رۆشنبیری سانسۆرێكی هونەری هەبێت بۆ ئەوەی رێگری لەكاری نەشیاو و كرچوكاڵ بكرێت ، بەهەمان شێوەی بۆ تیڤییەكان.

* لایڤی موزیك چۆن پێناسە دەكەیت؟

-لایڤی میوزیك ، بۆ ژنیار و گۆرانیبێژ كارێكی باشە بەمەرجێك ئەو بەرهەمەی پێشكەش دەكرێت زیندوو بێت چونكە لە لایڤ موزیك وەكو راهێنان پرۆڤە وایە ،لەهەمان كاتیشدا ئاستی ژنیار و گۆرانیبێژ لە لایڤ موزیك دەردەكەوێت.

* لە كۆتایدا زۆر سوپاس بۆ ئەو دەرفەتەی بە ئێمەتان بەخشی

- منیش زۆر سوپاسی ئەو بەسەركردنەوەی ئێوەدەكەم هەرسەركەوتووبن.