ئەمە بڵاوبكەوە
FaceBook  Twitter  

هەڤپەیڤین- كامەران حاجی ئەلیاس

هونەری كاردەستی، یەكێكە لەو هونەرانەی كە دەتواندرێت، كاری سەنج راكێش و كللتوری نەتەوەكان لەرێگەی ئەم هونەرەوە نمایش بكرێت لە هەمان كاتدا هەر لەرێگەی ئەم هونەرەوە كلتووری نەتەوەكان بەیەكتری ئاشنا بەكرێن،زۆر جاریش ئەم جۆرە هونەرە وەكو بازرگانی كاری پێوە كراوە .

 ئەم جۆرە هونەرە پێویستی بەسەلیقەیەكی باشی هونەری دەبێت، یەكێك لەو كەسانەی ئەم كارە هونەرییە دەكەن بەرێز (كارۆخ هاشم سعید)-ە دانیشتووی قەزای رواندزە لەنزیكەوە بەسەرمان كردۆتەوە ئەم گفتوگۆیەمان لەگەڵ دا ئەنجام دا:

 *پێمان باشە سەرەتا باس لە چۆنییەتی ئاشنا بوونت بە هونەری كاری دەستی بكەیت.

-سەرەتا ئاشنا بوونم بە هونەری كاری دەستی بۆ سەردەمی منداڵیم دەگەرێتەوە، كاتێ لە قوڕ شێوەی جۆراوجۆرم دروست دەكرد، بەم شێوەش لەرێگەی كاری بەردەوام و ئەزموون، پەرەم بەتواناكانی خۆم دا تا ئەو ئاستەی توانیم شارەزایەكی باش لە هەموو جۆرەكانی كاری دەستی پەیدا بێت، بگەمە ئەو ئاستەی ئێستا.

* كێن ئەوانەی هاوكارو پاڵپشت بوون، ئایا هیچ خوولی هونەریت بینیوە؟

-سەرەتا هاوكاری و پاڵپشتم دایك و باوكم زۆر هاوكارو پاڵپشتم بوون، بەجۆرێك هانی زۆریان دام بۆ ئەوەی،لەسەر كارەكەم بەردەوام بم، ئێستاش ماڵەوە بەگشتی و بەتایبەتی خێزانەكەم،كەئەویش ئارەزووی هونەری كاری دەستی هەیە، لەگەڵم فێری ئەم هونەرە بووە هاوكارێكی باشی كردووم، بەداخەوە تا ئێستا لە شارەكەمان خوولی هونەری بۆ هونەری كاری دەستی نەكراوەتەوە،بۆشم نەگونجاوە لە دەروەوەی شار بەشداری خوول بكەم، بۆیە بەشداری هیچ خوولێكی هونەریم نەكردوە.

*ئەو كەرستانەی لە كارەكانت بە كاردنیت لە چی پێك هاتوون؟

- ئەو كەرستەو ئامێرانەی بە كاری دەهێنم، جۆراوجۆرن، بەڵام بەگشتی كەرەستەكان پێك هاتوون لە دار و تەختە+سوف+گونیەو پەت و داوی موو +مۆری و یاقوت وەكۆمەڵێ دەرمانی تر لەگەڵ هەندێ مادەی وەك و غەڕە وارنیش واتا ڕەونەق و چەسپ.

* بەشداری پیشانگەی تایبەت، یان هاوبەش بە كارەكانت كردوە؟

- ئەوەی راستی بێت، خۆمان بۆ پیشانگەی تایبەتی ئامادەكردبوو، هەموو مادەكانیش ئامادە بوون، بەڵام بەداخەوە، بەهۆی بڵاوبوونەوەی نەخۆشی ڤیارۆسی كۆرۆنا پیشانگایەكە دواكەوت، هیوادارم بەزووترین كات ئەم نەخۆشە نەگریسە كۆتایی بێت، دەرفەت هەبێت ئەم چالاكییە ئەنجام بدەین.

* لە رووبای بازرگانییەوە سوودت لە كارەكەت بینیوە ؟

- پێم وایە كارێكی ئاسییە، بتوانم لەرێگەی كاری هونەری دەستی، بتوانم داهات بۆخۆم كۆبكەمەوە كارەكانم سوپاس بۆ خودا لە هەموو شارەكانی كوردستان داخوازی لەسەر كارە هونەرییەكانم هەیە،بۆیە سوود و قازانجم لە كارەكەم بینیوە.

* پێشوازی هاوڵاتیان لە كارەكانت چۆن دەبینی؟

- بەهۆی ئەوەی هیچ دوكان و یان شوێنێكی دیاركروام نییە بۆ نمایش كردنی كارەكانم نیە تەنها لە ڕێگەی تۆڕەكۆمەڵاتییەكانەوە وەكو فەیسبوك و انستا گرام. كارە هونەرییەكانم نمایش دەكەم، تەنیا لەم رێگەیەوە، هاوڵاتیان  كارەكانم دەبینن.

* بۆ ئەنجام دانی كارێك چەند كاتت پێویستە؟

- كاتەكان بەپێی شێوەوفۆرم و جۆری كارەكە دەبێت، هەندێ بابەت هەیە كاتی زۆر ناوێ،بەڵام هەندێ بابەت هەیە كات ماوەی زۆری دەوێت، بە تایبەتی كاری دەستی كەلە دار بێت .

* پێتان باشە چی بكرێت، بۆ پێشڤەچوونی هونەری كاری دەستی؟

- بە بۆچوونی خۆم، ئەو كەسانەی كاری دەستی دەكەن پێویستە لەلایەن هەردوو كەرتی حكومی و تایبەت، گرنگیەكی زۆریان پێ بدرێت وپاڵپشتی بكرێن، بۆ ئەوەی بەردەوام بن لە كارەكانیان و بەرهەمەكانیان پێشكەوتووتر بێت،ئەمەش لە رێگەی كردنەوەی پێشانگا و دابین كردنی كەرستەو شوێن بۆ نمایش كردنی كارەكانیان.

No description available.

No description available.