ئەمە بڵاوبكەوە
FaceBook  Twitter  

( ١ )

نەهاتوو،،

ناوی کەسێکە،،

هەرگیز نایەت،

هەر وەک بەرد ..

لە بیابانیکی تینوو،،

لە چاوەڕەوانی هاتنی ڕوبار

( ٢ )

نەهاتوو،،

شەمەندەفەرێکی وونە،،

لە ویستگەی سەرابی بیرەوەریەکان،،

تەنیایی کۆچەرێکە،

لە بەردەم فارگۆنی...

پڕ، لە ئەشکەنجە...و،،شیعر،،و ..گریان.

( ٣ )

نەهاتوو،،

تابلۆی تارماییەکە ،،

لەسەر دیواری خەیاڵ..

نە پەنجەکانی زەمەن،،

ئەیکۆژینێتەوە،

نە ئەبێتە تەلیسمیێکی هاتوو...

لە ژیر ژێی گیتاری..

فرمێسکی کریستاڵی مانگ.

( ٤ )

نەهاتوو،،

لێویکی بریندارە،،

لە نەوتنی هەزاران..

وشەی کەڵەکەبووی...

هەزاران ساڵی..

چاوەڕوانکراو.

( ٥ )

نەهاتوو..

ئەستێرەیەکە ..

پەڕو بالشکاوی..

کەوتووخوار

پرسیارێکی ماندوە،،

لە نێو هەزاران...

سندوقی وەڵامی قفڵدراو.