ئەمە بڵاوبكەوە
FaceBook  Twitter  

 

ناوەندی چاپەمەنی و راگەیاندنی هێزەكانی سوریای دیموكرات هەسەدە ئاماری بۆردوومانەكانی توركیای بۆ سەر باكوور و رۆژهەڵاتی سووریای ڕاگەیاند.

ئەمڕۆ هەینی ١٣ی ئادار، هەسەدە بڵاویکردەوە، دوای سەردانی ئەفسەرانی سوپای توركیا و هەواڵگرییەكەی بۆ سەر سنووری سووریا- توركیا، دەوڵەتی توركیا لە ٢٤ كاتژمێری رابردوودا بە دەیان گوند و شارۆچكەی باكوور و رۆژهەڵاتی سووریای بە چڕی تۆپباران كرد.

هەر لە بڵاوکراوەکەدا ئەوەش هاتووە، ژیانی دەیان هەزار كەسی خستە مەترسیەوە و رووبەرێكی بەرفراوانی زەوییەكانی سوتاند، هەروەها، لە گەڵ تۆپباران، جموجۆڵی فڕۆكە سیخوڕییەكان لە ئاسمانی ناوچەكە زیادیان كردووە.

ئامارەکە ئەوەشی تێدا هاتووە،  گوندەكانی ناوچەی شێراوای باشوری عەفرین تا منبج و كۆبانێ و تا دەگاتە گوندەكانی عەین عیسا كە رووبەرەكەیان ٢٨٠ كیلۆمەترە بۆردوومانكراوە و ژمارەی ئەو گوندانەی رووبەڕووی هێرش كراونەوە ٥٣ گوندن.