ئەمە بڵاوبكەوە
FaceBook  Twitter  

 

كه‌ دێی ئه‌ڵێی بات له‌ نێو له‌پت شاردۆته‌وه‌

تاكه‌ دره‌ختێ ناجووڵێ

ورشه‌ی هیچ گه‌ڵایێ نایێ

ئه‌ڵێی شه‌ووت له‌ ناو چاوت به‌ند كردووه‌

بۆیه‌ هه‌رگیز خۆر هه‌ڵنایێ

یا هه‌ر ئه‌ڵێی قاسه‌ی خۆرت شكاند‌ووه‌

كه‌ونت له‌ نوور ڕه‌خساندووه‌

تۆ هه‌میشه‌ وه‌ره‌ نامووسی كه‌ون بگۆڕه‌

خۆر له‌ ئاسمان دابه‌زێنه‌

ته‌خت و به‌ختی دوو جه‌مسه‌ری وه‌رگه‌ڕێنه‌

له‌وه‌ته‌ی خۆت له‌ نێو سێودا شاردۆته‌وه‌

دونیا هه‌مووی تام سێو بووه