ئەمە بڵاوبكەوە
FaceBook  Twitter  

ئا: باوكی ڤاریا

هۆشیار لەك، یەكێك لەو گەنجانەیە كە ساڵانێكی زۆرە لە رێگای نووسین و ئامادەكردن و پێشكەشكار لە رادیۆو تیڤیەكانەوە خزمەتێكی گەورەی بواری كەلتوری كوردی كردووە، ئێستاش لە رێگای تەلەفزیۆنێكی تایبەت (رەسەن) لەو خزمەتە گەورەیە بەردەوامە، لە گۆشەی یەك پرسیاردا لە هۆشیارمان پرسی: فۆلكلور ئاوێنەی رابردووی هەموو گەلێكە، بەڕێزتان چۆن گەیشتنە نێو ئاوێنەكان؟ چیتان تێدا دیتەوە؟

هەڵبەتە نەتەوەی كورد خاوەن فولكلۆرێكی رەنگاورەنگ ودەوڵەمەندەو هەگبەیەكی جوانی پڕاوپڕمان هەیە، من وەكو تاكێكی كۆمەڵگا بەئەركی سەرشانم زانی قۆلی لێ هەڵكەم و لەو بوارە خزمەت بكەم،سەرچاوەكەشی دەگەڕێتەوە بۆ ئەوكەسە كوردەوارییەی لەنێو ماڵمان داهەبوو، كەشەوانە لەدیوەخان ومەجلیسەكانی باوكو خزماندا ئامادە دەبووم، خودان كتێبخانەبووین،زۆرترین كتێبەكان كەلتوری وفولكلۆری بوون، سەیرم دەكرد دونیایەكی پاك وجوانە، ئەوەبوو لەرادێوو تیڤیەكان بەنامە ناردن خزامە نێو بواری ڕاگەیاندن، لەوێشەوە یەكەم وێستگەی كاركردنم لەوبوارە دەگەڕێتەوە بۆ ڕادێوی ڕێگای كوردستان دوایی بووە ڕادێوی ئازادی، كەبەرنامەیەكی ڕاستەوخۆم هەبوو بەنێوی گەنجینەی كوردەواری، یەكەم بەرنامە لە ساڵی 1994پێشكەشكرا كەمن ئامادەكاربووم و كاك زیاد كەریم پێشكەشكاربوو. دوای چەند مانگێك خۆم بووم بەئامادەوپێشكەشكار، یەكەم كەسیش بووم بەرنامەی فولكلۆریم لەڕادێووتیڤی كردە ڕاستەوخۆوپەیوەندی وەرگرتن، ئەوەبوو لە نۆ ڕادێوو چوارتیڤی ودوو كەناڵی ئاسمانی خزمەتی ئەوبوارەم كرد،پاشان لەڕێی گۆڤاری نواڵەی نوێ، سەنتەری بەهرە درێژەمان بەو بوارەداوپیشانگای كەلەپورو كۆڕو سیمنارو چاپكردنی زیاترلەسی 30كتێبم لەو بوارە چاپكردوە،جگە لەوە بەدەیان وسەدان نوسین وبابەت و وێنەم بڵاوكردۆتەوەو بەسەدان بەرنامەشم ئامادەو پێشكەشكردوە تا بوومە خاوەن كەناڵی رەسەن. ئێستاش ڕۆژانەلەڕێگەی ئەوكەناڵەوە خزمەت بە دونیایی ڕەسەنایەتی دەكەین، خەڵكمان ئاشت كردەوە تاپەرە بەكەلتوور بدەن وجلی كوردی بپۆشن، كە ئاوێنەیەكی پاك وسافوسادەو گرینگە.