کـاکــە دۆزەخ!
ڕێزان:کچینە تا نەهاتین بۆئەم دۆزەخە، نەمزانی
دنیا هەمووی دۆزەخە.
بێخاڵ:هاوڕێیان، ئەمشەو خەونێکی زۆر سەیرم بینی!
ڕێزان:چی خەونێک؟
بێخاڵ:لە خەوندا لە دۆزەخدا بووم. دەزانن کێم لەوێ بینی؟
سەیران:کێ
بـێخاڵ:مامە فەتاح و مەلا سەمەد و حاجی ئیلیاس
ڕێزان: سەیرە!
بێخاڵ:دەزانی کەریمۆکی باوکمی سەروینیشم چۆن بینی؟
ڕێزان:چۆن؟
بێخاڵ: بە گونەوە هەڵیان واسیبوو!
کچینە هەرچی سیاسی و پیاوی ئایینی و بازرگان هەبوو، هەمووی لەوێ بوون و وەکوو جولەکەکانی کاتی دووەم جەنگی جیهانی و لەسەردەستی نازییەکان، دانە دانەیان دەکردن بە سابوون و دەیانناردن بۆ بەهەشتێ، تا لەوێ بەهەشتیەکان خۆیانی پێ بشۆرن.
سەیران:سەیرە!
بێخاڵ:کچینە، منیش تا ئەوکاتەی دۆزەخم نەبیینی بوو، وام دەزانی تەنها یەک دۆزەخ بوونی هەیه، بەڵام کاتێک کە هاتمە دەرەوە، ئینجا زانیم ژیان پڕە لە دۆزەخ، جۆرەهادۆزەخ. دنیایە هەمووی دۆزەخە دۆزەخ
ڕێزان:دۆزەخی نەریت و سمێڵ
بێخاڵ:دۆزەخی خەنجەر و خێڵ
سەیران:دۆزەخی باوک، دۆزەخی برا
ڕێزان:دۆزەخی کۆمەڵگە
بێخاڵ:دۆزەخی ڕۆشنبیر
سەیران:دۆزەخی سیاسی
ڕێزان:ئامۆزا دۆزەخ
سەیران:باپیرە دۆزەخ
بێخاڵ:مامەدۆزەخ
ڕێزان:قوتابخانەی بنەڕەتی دۆزەخی تێکەڵاو
سەیران:بەشی دۆزەخ
بێخاڵ:مامۆستا دۆزەخ
ڕێزان:بەڕێوەبەر دۆزەخ
سەیران:دادوەر دۆزەخ
بێخاڵ: شەقامی دۆزەخ
ڕێزان:کۆڵانەی دۆزەخ
سەیران:گەڕەکی دۆزەخ
بێخاڵ:کۆمەڵگای دۆزەخ
ڕێزان:خانەوادەی دۆزەخ
سەیران:دۆزەخی چەپەکان
بێخاڵ:دۆزەخی ڕاستەکان
ڕێزان:دۆزەخی عەلمانیەکان
سەیران: دۆزەخی ئیسلامیەسیاسیەکان
بێخاڵ:دۆزەخی پاشایەتی
ڕێزان:دۆزەخی ناسیونالیستەکان
بێخاڵ: دۆزەخی ئایین و مەزهەبەکان
ڕێزان:دۆزەخی ئایدیا و ئایدیۆلۆژیاکان
سەیران:بەڕێز دۆزەخ
بێخاڵ:کاکە دۆزەخ
ڕێزان:دۆزەخ، دۆزەخ، دۆزەخ
سەیران:بەڵێ، ئەوانەیتر هەموان دۆزەخی ئێمەن
بێخاڵ:کچینە با ڕاکەین لە دۆزەخ
ڕێزان:بۆ کوێ؟
سەیران:دۆزەخێکیتر