ئەمە بڵاوبكەوە
FaceBook  Twitter  

پێوەرەكانی جوانی تەنها بۆ ئەو كەسانە نییە كە تەمەنێكی كەمیان هەیە، داپیرەیەك كە خاوەنی 7 نەوەیە وەكو شاجوانی خانمانی بە تەمەن لە تێكساس هەڵبژێردرا.

كیمبێرلی جێدی-ی تەمەن 63 ساڵ، لە میانەی بەڕێوەچونی مەراسیمی هەڵبژاردنی شاجوانی بەتەمەنی تێكساس، توانی نازناوەكە بەدەستبهێنێت و وەكو جوانترین خانم هەڵببژێردرێت.

جێدی بەدڵی پڕەوە تاجەكەی لەسەركرد و وتی، "من دەمەوێت یارمەتی خانمانی بەتەمەن بدەم كە دەنگی خۆیان هەبێت، هەمو خانمێك جوانە، تەنانەت ئەگەر روخشاریشی پیربێت".

مەرجەكانی شاجوان بۆ خانمانی بەتەمەن ئەوەبو كە تەمەنیان لە نێوان 60 بۆ 75 ساڵبێت، چەندین نمایشی جلوبەرگ و دانسی تێدابو.

هەروەها ئەو خانمەی كە لەساڵی 1991 ئەو نازناوەی بردەوە، لە مەراسیمەكە ئامادەبو و هاوكات یادی 100 ساڵەی تەمەنی بو، دیاری خۆی پێشكەشی شاجوانی هەڵبژێردراو كرد.