رێگای كوردستان
هونەرمەند هەڤاڵ ئیبراهیم گۆرانییەكی نوێ بەناوی (تە سوز دابو) بە شێوەی ڤیدیۆگرافیك بڵاوكردەوە.
ئەم بەرهەمەی هونەرمەند هەڤاڵ لە تێكستی سالار فائیز، لە ئاوازی غەریب قادرە و كاری میوزیكی لەلایەن ئەنەس ئیسماعیل بۆ كراوە.
فەرهەمەكە لە ستۆدیۆی فۆڕ میوزیك لە ئەڵمانیا تۆماركراوە و ژمارەیەك ژەنیاری دهۆك بەشداریان تێدا كردووە.
هونەرمەند هەڤاڵ ئیبراهیم ئاماژە بۆ ئەوە دەكات كە خۆی سەرپەرشتی بەرهەمەكەی كردووە.
هەڤاڵ ئیبراهیم، خەڵكی دهۆكە و لە 1980 لە موسڵ لەدایكبووە، خاوەنی چەندین ئەلبووم و ڤیدیۆكیلپە و هەوادارێكی زۆری لە هەرچوار پارچەی كوردستان هەیە.
...............
فیلمی سینەمایی (هەیبە) بڵاودەكرێتەوە
رێگای كوردستان
بڕیارە لە كۆتایی ئەم مانگە فیلمی سینەمایی (هەیبە) لە سینەماكانی لوبنان و چەند وڵاتێكی عەرەبی نیشان بدرێت.
(هەیبە) بەرهەمێكی تەلەڤزیۆنیی لوبنانییە و دوای بڵاوكردنەوەی ناوبانگییەكی زۆری لەسەر ئاستی وڵاتانی عەرەبی پەیدا كرد.
هەر بەهۆی زۆری ناوبانگەكەیەوە بوونی و خواستێكی زۆر لەسەری، بەرهەمهێنەران بڕیاریانداوە كە بەرهەمە تەلەفزیۆنییەكە بكرێتە فیلمێكی سینەمایی و لە 29ی ئەم مانگە بڵاو بكریێتەوە.
زنجیرە تەلەفزیۆنی هەیبە لە پێنج وەرز پێكهاتووە و لە ساڵی 2017 یەكەم وەرزی بڵاو كرایەوە كە لە نووسین و سیناریۆی هۆزان عەكۆ، نووسەر و سیناریۆنووسی كوردە.
بریارە فیلمە سینەماییەكەش بە هەمان ناو و چیرۆك بڵاو بكرێتەوە.
فیلمی (هەیبە) جگە لە سینەماكانی لوبنان و وڵاتانی عەرەبی، بڕیارە لە 50 سینەمای ئەمریكا، كەنەدا و ئۆسترالیا پیشان بدرێت.