ئەمڕۆ پێنجشەممە پەرلەمانی بەلجیکا لەکۆبونەوەیەکدا دەنگ بة بەجینۆساید ناساندنی کۆمەڵکوژیی ئێزدییەکان دةدا، بەوەش دەبێتە دوەم وڵاتی ئەوروپا دوای هۆڵندا کە  پابەند دەبێت بەهەوڵەکانی سزادانی چەکدارانی داعش، ئاوەدانکردنەوەی ناوچەکانی ئێزدی و یارمەتی مرۆیی دیاریکراو پێشکەش بەو گروپانە دەکات کە دوچاری توندوتیژی بونەتەوە.

لیژنەی پەیوەندییەکانی دەرەوەی پەرلەمانی بەلجیکا لەکۆبونەوەی ئێوارەی ئەمڕۆی پەرلەماندا رەشنوسی پرۆژەیەکیان ئامادە کردوە بەمەبەستی دەنگدان و بەجینۆساید ناساندنی کۆمەڵکوژیی ئێزدییەکان، بەوپێیەش رەشنوسەکە لەلیژنەی پەیوەندییەکانی دەرەوە کۆدەنگی لەسەر بوە، چاوەڕێ دەکرێت پرۆژەکە لەپەرلەمانیش دەنگی پێویست بەدەستبهێنێت.

6ی ئەم مانگەش پەرلەمانی هۆڵندا لەکۆبونەوەیەکدا کۆمەڵکوژی ئێزدییەکانی بەفەرمی ناساند، بەوەش هۆڵندا  لەپاڵ پەرلەمانی ئەوروپا و ئەمریکا پابەندبو بەهەوڵەکانی سزادانی چەکدارانی داعش و ئاوەدانکردنەوەی ناوچەکانی ئێزدی.

 

بەگوێرەی بڕیارەکەش دەبێت:

یەکەم: هەمو کۆمەڵە هۆڵندییەکان لە ناوخۆ و دەرەوە دانبەوەدا بنێن ئەوەی داعش بەرامبەر ئێزدییەکان ئەنجامی داوە کۆمەڵکوژییە.

دوەم: تاوانباران بەگشتی لە عێراق و سوریا نابێت بێ سزا رزگاریان ببێت.

سێیەم : هەوڵەکانی دادگای هۆڵندا چڕتر بکرێتەوە لە پێناو ناساندن و دادگاییکردنی هەر هۆڵندییەک کە تێوەگلابێت لە ڕێگەی هاندان و پشتگیری کردن لە بکەری تاوانەکانی دژ بە کۆمەڵگای ئێزدی.

چوارەم : داوا لە حکومەت دەکەن یارمەتی پێشکەش بە ئێزیدییەکان بکات کە بە هیوای گەڕانەوەن بۆ شارو گوندەکانی خۆیان بەپێی ئەو ڕێکەوتننامەی نێوان حکومەتی ھەرێمی کوردستان و حکومەتی عێراق جێبەجێ بکرێت و کۆمەڵگای نێودەوڵەتی چاودێری بکات .

 

پێنجەم : دەبێت هۆڵندا بەشداری بکات لە بنیاتنانەوەی شارو گوندە زیانلێکەوتوەکان .

شەشەم : یارمەتی مرۆیی دیاریکراو پێشکەش بەو گروپانە بکرێت کە دوچاری توندوتیژی بونەتەوە.

مانگی ئابی ساڵی 2014، چەکدارانی داعش  هێرشیانکردە سەر سنوری شنگال و دەوروبەری و هەزاران ژن و منداڵی ئێزدییان رفاند، بەگوێرەی ئامارە فەرمییەکان لە کۆی 6 هەزار و 417 ئێزدی کە رفێندراون، سێ هەزار و 545 کەسیان رزگارکراون.

سەرچاوەیەك لە كۆمسیۆنی باڵای سەربەخۆی هەڵبژاردنەكان ئاشكرای كرد بە هۆی هەڕەشەی هێز و میلیشیا چەكدارەكانەوە، كاندیدانی هەڵبژاردنی پەرلەمانی عێراق لە پرۆسەكە دەكشێنەوە.

تۆڕی هەواڵی "سكای نیوز" ئەمڕۆ چوارشەممە ، لە زاری سەرچاوەیەكی كۆمسیۆنی بڵاو كردەوە كە هەڕەشەكانی كوشتن و دەستدرێژی بۆ سەر كاندیدەكان بەردەوامن، بەم هۆیەوە ژمارەیەكی زۆری كاندیدان بە كۆمەڵ داوای ڕەشكردنەوەی ناوەكانیان لە كۆمسیۆن كردووە.

كۆمسیۆنی باڵای سەربەخۆی هەڵبژاردنەكان ئاشكرای كرد، سەرباری ئەوەی هەوڵی زۆر دەدرێت بۆ پاراستنی كاندیدانی هەڵبژاردنی پەرلەمانی عێراق و رەخساندنی كەشێكی لەبار بۆ هەڵبژاردن، بەڵام كاندیدان لە ژێر هەرەشەی گروپە چەكداریەكان پاشەكشە لە پرۆسەكە دەكەن.

سەرچاوەكەی كۆمسیۆن رایگەیاندووە كە لەم ڕۆژانەی رابردوودا دەیان داوای كشانەوە لە پرۆسەی هەڵبژاردنیان لەلایەن كاندیدانەوە پێگەیشتووە، بەبێ ئەوەی هۆكارەكان ئاشكرا بكەن، ئەمەش بە مانای ئەوە دێت كە كاندیدەكان هەڕەشەیان لێ دەكرێت.

ئەمەش لە كاتێكدایە كە هەر ئەمڕۆ چوارشەممە ئەندامێكی ئەنجوومەنی كۆمسیارانی كۆمسیۆنی باڵای سەربەخۆی هەڵبژاردنەكان لە عێراق دڵنیایی دابوو لەوەی هەڵبژاردنی داهاتووی پەرلەمان ساختەكاری ناكرێت و رەوشێكی لەبار و گونجاو فەراهەم دەكرێت.

سەگەکانتان

بەنان و هاندانی ئێوە

کلکیان کڵافە ئەکرد

لەبەیانیەوە هەتا خەوتنان

پێمان ئەوەرین و

ئازاریان ئەداین 

پەلاماریان ئەداین و

قەپی کوشتنیان لێ ئەگرتین

ئادەی ئادەی و   

هەلەهەلە تان بۆ ئەکردن

ئادەی بۆرە ئادەی شێرە

بازە . زیوە

ئادەی کلک قرتاو . ئادەی گوێ براو

ئادەی بەڵەک .   

هەندێکیان

بەناوی دایکیانەوە  ئەناسرانەوە

نان وچەکتان ئەدانی

پاسەوانی قۆرخ کاریتان بن

نەیارەکانتان بکوژن

سەگەکانتان  

دز و نێربازبون

لەئاست هاوماڵا 

کلکیان ئەنایە سەر شانیان

لەبەردەم بێگانەدا 

شۆڕیان ئەکردەوە 

بۆ ناو پاشەڵیان

سەگەوان

ئێوە 

مزەی پاسەوانی و

سەگ وەرتان وەرەگرت و 

سەگەکان   

ئێسکی سەر سفرەیان

ئەلستەوە

نيسانى 2021

هەریەکە لە وەزیرانی دەرەوەی عێراق، میسر و ئوردن ئەمڕۆ یەکشەممە کۆنگرەیەکی رۆژنامەوانیان لەبارەی کۆبونەوەی لوتکەی سێ قۆڵی ئەنجامدا، وەزیری دەرەوەی عێراق رایگەیاند، ئاڵنگارییەکانی ناوچەکەیان تاوتوێ کرد.

فواد حسێن، وەزیری دەرەوەی عێراق لەسەرەتای کۆنگرەکەدا رایگەیاند، "لەکۆبونەوەی نێوان هەرسێ وڵات ئاڵنگارییەکانی ناوچەکەمان تاوتوێ کرد، هەروەها باسمان لە پڕۆژەی ئابوری هاوبەشی هەرسێ وڵات کرد و بەرژەوەندی هەمولایەک لەوەدایە هاوکاربین".

ئاماژەی بەوەشکرد، لوتکەی هەرسێ وڵات کە ئەمڕۆ یەکشەممە لەبەغدا بەڕێوەدەچێت دەرئەنجامی کاری بەیەکەوەیی نێوان ئوردن، عێراق و میسر بوە کە پرسەکانی وەبەرهێنان و دۆزینەوەی دەرفەرتی بوژانەوە لەسەرجەم بوارەکانی لەخۆگرتوە.

وەزیری دەرەوەی عێراق ئەوەشی خستەڕو، کۆبونەوەکەی ئەمڕۆ ژمارەیەک دۆسیەی تێدا تاوتوێ دەکرێت کەجێگەی بایەخی نێوان هەرسێ وڵاتەکەیە، لەوانەش هەماهەنگی لەبوارەکانی پیشەسازی و دروستکردنی شاری پیشەسازی.

لای خۆیەوە ئەیمەن سەفادی، وەزیری دەرەوەی ئوردن رایگەیاند، لەکۆبونەوەی لوتکەی عێراق، ئودن و میسردا باس لەبەرەنگاربونەوەی ئاستەنگییەکان دەکرێت و عەممان جەخت دەکاتەوە لەوەی دەبێت عێراق لەهەمو کێشە هەرێمایەتی و ناوچەییەکان دوربخرێتەوە.

ئاماژەی بەوەشکرد، لەکۆبونەوەکانیاندا باسیان لەپەرەپێدانی پەیوەندییە مێژوییەکان و زیاترکردنی هەماهەنگی و هاوکاری لەبوارەکانی بازرگانی، وەبەرهێنان، پیشەسازی و وزە کردوە.

سامح شوکری، وەزیری دەرەوەی میسریش ئەوەی خستەڕو، لەئێستادا دوای گەڵاڵەکردنی رێککەوتنەکان بۆ کاری پێکەوەیی ئاستی کارکردنیان بۆ لیژنە هونەرییەکان و وەزارەتەکان شۆڕکردوەتەوە و بڕیارە لەکۆبونەوەی لوتکەی چوارەمدا کە لەقاهیرە بەڕێوەدەچێت، دەرئەنجامی کاری هاوبەشی هەرسێ وڵات تاوتوێ بکرێت.

ئاماژەی بەوەشکرد، لەکۆبونەوەی ئەمڕۆی شای ئوردن، سەرۆکی میسر و سەرۆک وەزیرانی عێراق باسیان لەئاستەنگییەکان کردوە لەگەڵ پەرەپێدانی ئاسایشی نەتەوەیی و کارکردن لەسەر دەرئەنجامەکانی دو لوتکەی رابردو لەگەڵ زیاترکردنی کاری پێکەوەیی.

له‌ سه‌ر رێگه‌ی نێوان سه‌قز و مه‌ریوان، له‌ رۆژهه‌ڵاتی كوردستان، وه‌رگه‌ڕانی پاسێك گیانله‌ده‌ستدان و برینداربوونی 15 هاووڵاتی لێكه‌وته‌وه‌.

ئاژانسی هه‌واڵیی ئیرنای كۆماری ئیسلامی ئێران، بڵاویكردەوە به‌ره‌به‌یانی ئه‌مڕۆ هه‌ینی (4ی حوزه‌یران/ یۆنیۆی 2021) بڵاویكرده‌وه‌، سیروان فه‌تاحی به‌رپرسی به‌شی فریاكه‌وتنی نه‌خۆشخانه‌ی سه‌قز رایگه‌یاندووه‌، له‌ ئه‌نجامی ئه‌و رووداوه‌دا چوار كه‌س گیانیان له‌ده‌ستداوه‌.

بە گوێرەی ئەو زانیارییانەی لە تۆڕە کۆمەڵایەتییەکاندا بڵاو بووەتەوە، سەرنشینانی پاسەکە ئەندامانی گرووپێکی شاخەوانیی سەر بە ئەنجوومەنی سەوزی چیای مەریوان بوون، کە بە مەبەستی شاخەوانی لەگەڵ گرووپی پاژینی بانە، بەرەو ئەو شارە دەرۆیشتن.

بە گوتەی بەرپرسە تەندروستییەکە، دۆخی تەندروستیی ژماره‌یه‌ك لە بریندارەکان ناجێگیرە و ئەگەری زۆرە ژمارە قوربانییەکان زیاد بکات.

مجموعات فرعية