ئەمە بڵاوبكەوە
FaceBook  Twitter  
ھاوڕێیانی تێکۆشەر لە حزبی زەحمەتکێشانی کوردستان.
 
بە بۆنەی سی و پێنجەمین ساڵڕۆژی دامەزراندنی حزبی زەحمەتکێشانی کوردستانی تێکۆشەر کە دەکەوێتە ١٢/١٢، سڵاوی تێکۆشان و خەباتی حزبی شیوعی کوردستان بە سەرکردایەتی و کادیر و ئەندامان و لایەنگرانی حزبی زەحمەتکیشان ڕادەگەیەنین،و دوپاتی خەباتی ھاوبەشی لەمێژینە و بەردەوامی ھەردوو حزب لە پێناوی نیشتیمان و مافی ڕەنجدەر و زەحمەتکێشانی گەلی کوردستان دەکەینەوە.
پەیوەندی تێکۆشەرانەی ھەردوو حزب لە ساڵانی پێشمەرگایەتی و تێکۆشانی چەکداری بناغەی بتەوی پەیوەندی دوو قۆڵی داناوە، و بۆچونە ھزرییەکانی ھەردوو حزبیش لە چوارچێوەی بیری چەپ و پێشکەوتنخواز گەشە و پەرەپێدانێکی چلۆنایەتی لە کاری ھاوبەشدا ئەنجام داوە کە بێگومان دەبێتە پێگەیەکی گرنگ بۆ کۆکردنەوەی ھێز و کەسایەتی چەپ و پێشکەوتنخواز لە چوارچێوەی بەرنامەیەکی نیشتمانی — چینایەتی کوردستانی کە لەگەڵ پێداویستی قۆناغی رزگاریخوازی نیشتمانیدا بگونجێت و ڕۆڵی چەپ کاراتر و کاریگەرتر لە گۆڕانکاری کۆمەڵایەتی بکات.
سەرکەوتن بۆ تێکۆشانی ڕەوای گەل لە پێناوی ئازادی و وەدەسھێنانی سەرجەم مافەکانی.
مەکتەبی سیاسی
حزبی شیوعی کوردستان
کانوونی دووەمی ٢٠٢٠