ئەمڕۆ 12ی 4ی 2021 د.بەرهەم ساڵح سەرۆك كۆماری عیراق مەرسومی كۆماری تایبەت بەئەنجامدانی هەڵبژاردنی پێشوەختەی ئەنجومەنی نوێنەرانی عیراقی ئیمزاكرد كە لە رۆژی ١٠ی تشرینی یەكەمی ئەمساڵ بەڕێوەدەچێت.

سەرۆك كۆماری عیراق جەختیكردەوە هەڵبژاردنی داهاتوو وێستەگەیەكی گرنگ و جیاكەرەوەیەو بەكۆڵەكەی قۆناغی داهاتووی عیراق دادەنرێت، بۆیە پێویستە رەنگدانەوەی خواستی گەل بێت بۆ چاكسازی و راستكردنەوەی رێڕەوی حوكمڕانی، بۆیە زامنكردنی مافی دەنگدەران لە دیاریكردنی نوێنەرەكانیان دوور لە گوشار و دزینی دەنگەكانیان كارێكی هەرە لە پێش و سەرەكییە بەئاڕاستەی كۆتاییهاتنی قەیرانە كەڵەكەبووەكانی رابردوو و چارەسەری كێشەكانی بژێوی ژیان و گوزەرانی خەڵك.

هەروەها سەرۆك كۆمار دووپاتیكردەوە كە دوای دەرچوونی ئەم مەرسومە لایەنە پەیوەندیدارەكان پێویستە پابەندبن بە زەمینە خۆشكردن لەبەردەم هەڵبژاردنێكی پاك و بێگەرد لە تەواوی قۆناغە جیاوازەكاندا، بەجۆرێك كە دوور بێت لەهەر گومان و نیگەرانییەك كە لە رابردوودا هۆكاری سەرەكی بووە بۆ ناڕەزایەتی بەشێكی بەرفراوانی خەڵك لە هەڵبژاردنەكان.

دەقی وتارەكەی سەرۆك كۆمار:

بەناوی خوای گەورە و میهرەبان

بەپشتبەستن بە دەستوور، مەرسومی كۆماری تایبەت بەئەنجامدانی هەڵبژاردنی پێشوەختەی ئەنجومەنی نوێنەرانی عیراقم ئیمزاكرد، كە لە رۆژی ١٠ی تشرینی یەكەمی ئەمساڵ بەڕێوەدەچێت، بەتایبەت دوای بڕیاری ئەنجومەنی نوێنەران سەبارەت بە هەڵوەشاندنەوەی خۆی و راوێژ لەگەڵ هێز و سەركردە سیاسی و چالاكە مەدەنییەكان.

هەڵبژاردنی داهاتوو وێستەگەیەكی گرنگ و جیاكەرەوەیەو بەكۆڵەكەی قۆناغی داهاتووی عیراق دادەنرێت، بۆیە پێویستە رەنگدانەوەی خواستی گەل بێت بۆ چاكسازی و راستكردنەوەی رێڕەوی حوكمڕانی، بۆیە زامنكردنی مافی دەنگدەران لە دیاریكردنی نوێنەرەكانیان دوور لە فشارو دزینی دەنگەكانیان كارێكی هەرە لە پێش و سەرەكییە بەئاڕاستەی كۆتاییهاتنی قەیرانە كەڵەكەبووەكانی رابردوو و چارەسەری كێشەكانی بژێوی ژیان و گوزەرانی خەڵك.

دوای دەرچوونی ئەم مەرسومە لایەنە پەیوەندیدارەكان پێویستە پابەند بن بە زەمینە خۆشكردن لەبەردەم هەڵبژاردنێكی پاك و بێگەرد لە تەواوی قۆناغە جیاوازەكاندا، بەجۆرێك كە دوور بێت لەهەر گومان و نیگەرانییەك كە لە رابردوودا هۆكاری سەرەكی بووە بۆ نارەزایەتی بەشێكی بەرفراوانی خەڵك لە هەڵبژاردنەكان.

لەم چوارچێوەیەدا هەماهەنگی نێوان نەتەوە یەكگرتووەكان و كۆمسیۆنی هەڵبژاردنەكان كارێكی پێویستە بۆ چاودێری و پاك و بێگەردی هەڵبژاردن و رێزگرتن لە بڕیاری سەربەخۆی خەڵك.

من دەزانم ئاستەنگی زۆر لەپێشە، بەتایبەت گەر پەتای كۆرۆنا تا ئەوكات بەردەوام بێت، ئەمە جگە لە ئاستەنگی ئەمنی و رووبەڕووبوونەوەی مەترسییەكانی تیرۆر و گرفتەكانی دیكە، بەڵام لەهەمان كاتیشدا پشت ئەستورین بە هوشیاری خەڵك و توانای هێزە ئەمنیەكانمان كە پارێزگاری هەڵبژاردنەكان و دەنگدەران بگرنە ئەستۆ.

مافی هەموو خەڵكی عیراقە سود لەخێروبێری وڵاتەكەیان ببینن و دوودڵ نەبن لە ژیان و بژێوی خۆیان و خێزانەكانیان، لەم پێناوەدا پێویستە بەئاڕاستەی چاكسازی راستەقینەو دوور لە ترس و دڵەراوكێ كەشوهەوای هەڵبژاردنێكی ئازاد دەستەبەر بكرێت كە دەنگدەران حكومەت و پەرلەمانێك هەڵبژێرن بتوانێ دادپەروەری و دەرفەتی یەكسان بۆ هەمووان فەراهەم بكات.

 

بۆیە داوا لە یەك بەیەكتان دەكەم كە ساز و ئامادەبن بۆ بەشداریكردن لەهەڵبژاردنی داهاتوودا، چونكە ئەوە تاكە دەرفەتی ئێوەیە بۆ بەدیهێنانی خواستەكانتان و تاقیكردنەوەی ئیرادی ئازادانەی خۆتان لە بەدیهێنانی ژیانێكی ئارام و گوزەرانێكی باشتردا.

ساز و ئامادەبن بۆ دەنگدان بۆ ئەوەی دەنگەكانتان بكەن بە پردی پەڕینەوە بۆ قۆناغێكی باشتر و شیاوتر بۆ خۆتان و نەوەكانتان.

ئێوەش هاووڵاتیانی ئازیز ھەمیشە سەربەرزو سەرفرازبن بەخوای گەورەتان دەسپێرم.

بەدریە ئیسماعیل بڕیاردەری لیژنه‌ی کاروباری کۆمەڵایەتی و داكۆكی كردن لە پەرلەمانی کوردستان بە دەنگی ئەمریکای راگەیاندووە، پاش ٢٧ رۆژ لە داواکاری بۆ سەردانیکردنی زیندانیکراوانی بادینان رێگەیان پێدراوە لیژنەکەیان سەردانیان بکەن، دەشڵێت، "بارودۆخی زیندانییەکان زۆر خراپە.

بڕیاردەری لیژنه‌ی کاروباری کۆمەڵایەتی و داكۆكی كردن لە پەرلەمانی کوردستان گوتیشی، زیندانیکراوانی بادینان لە هۆڵێکدا ١٣٥ کەسی تێدایە و بەشێک لە زیندانیکراوەکانیش توشی نەخۆشی جۆراوجۆربوون و بارودۆخی دەرونی زۆربەشیان باش نییە و رووخاون."

ئەوەشی خستووەتەڕوو، بەیەک پاکێج و بەجیاجیا سەردانی هەر پێنج زیندانییەکەی بادینایان کردووە و زیندانییەکان ئەو تۆمەتانەیان رەتکردوەتەوە کە ئاڕاستەیان کراوە، هاوکات، وتەی یەکێک لە زیندانیکراوەکانیش دەگێڕێتەوە کە تۆمەتبار کراوە بەهەڵگرتنی چەک بەڵام تۆمەتبارەکە وتوویەتی، " هەرگیز نەمهێشتووە منداڵەکەشم تەنانەت دەمانچەی پلاستیکیش بەکاربهێنێت لەبەر ئەوەی جۆرێک لە توندوتیژی لە مێشکیدا تۆمار نەبێت."

بەدریە ئیسماعیل لە زاری یەکێک لە گیراوەکانەوە باسی لەوەکردووە، "من ئەگەر هەڕەشەم بەخێزانەکەم لێبکرێت ئامادەم سەری خۆم دابنێم، کێ لەئێوە ئامادەیە هەڕەشەی بەخێزانی لێبکرێت و ئەو شتەی بەرامبەری روبەڕوی دەبێتەوە قبوڵی نەکات."

بڕیاردەری لیژنه‌ی کاروباری کۆمەڵایەتی لەبارەی داواکاری گیراوەکانیشەوە دەڵێت، داوای ئەوان بۆ دەرەوە یەکەم شت ئەوەیە کە داوای ئەوان بگەیەنن بە نەتەوە یەکگرتووەکان تا پێداچوونەوە بەحوکمەکەیاندا بکەن بە گشتی داوای تەمیزی حوکمەکەیان دەکرد و داوای بینینی کەسوکاریان و پارێزەرەکانیان دەکەن.

                                                                                                                                                                                                         

سعودیە و عێراق لە بواری وزە و وزەی نوێ و چالاککردنی پلانی کاری هاوبەش رێککەوتن.

ئاژانسی هەواڵی سعودیە بڵاویکردەوە، هەردوولا لەبارەی بەردەوامیدان لە هاوکاریکردن و هەماهەنگیکردنی یەکتر لە بواری نەوت لە چوارچێوەی کارکردن لە رێکخراوی ئۆپێک و ئۆپێک پڵەس و پابەندبوون بە هەموو رێککەوتن و میکانیزمەکانییەوە رێککەوتن.

هاوکات، لەسەر ئاستی وزەش، هەردوولا رێککەوتن لەسەر بەستنی هێڵێکی کارەبا بۆ هەردوو وڵات و کارکردن لەسەر بەهێزکردنی وەبەرهێنانی سعودیە لە عێراق و فراوانکردنی چالاکی کۆمپانیا سعودییەکان لەسەرجەم کایە و بوارەکاندا.

ئەوەشی خستەڕوو، هەردوولا رێککەوتن لەسەر دوورکەوتنەوە لە باجی دوولایەنە لەسەر کاڵا و شمەکە هاوردەکانی نێوان دوو وڵات و بەهێزکردنی کەرتی چالاکییەکانی کەرتی تایبەت.

دوێنێ مستەفا کازمی سەرۆکوەزیرانی عێراق بەسەردانێکی فەرمی گەیشتە سعودیە و لەگەڵ محەمەد سەلمان شازادەی ئەو وڵاتە کۆبووەوە و چەند رێککەوتنێکیان واژۆکرد.

بەناوی سەرجەم ئەندام و لایەنگرانی حزبمان لە كۆمیتەی پارێزگای هەولێری حزبی شیوعی كوردستان ,پرسەو سەرەخۆشی خۆمان ئاراستەی ئێوەی بەڕێز دەكەین بەبۆنە كۆچی دوایی هاوڕێی  تێكۆشەر و كەسایەتی و پیاوماقوڵی دەڤەری ڕەواندز  (ئیبراهیم عولا سلێمان ) ، كۆچی بەڕێزیان لەناخەوە دڵگرانی كردین ، ئومێدەوارین ئەمە دوا كۆست و ناخۆشی بنەماڵە تێكۆشەرەكەتان  بێت ، دووبارە پرسەمان قبوڵ بفەرموون . 

 

 لەگەڵ رێزماندا 

  حزبی شیوعی كوردستان

 كۆمیتەی پارێزگای هەولێر

 

 5/4/2021

No description available.

 

 

ئێوارەی ئەمڕۆ دووشەممە كەشتیی ئێڤەرگرین دوای چەند ڕۆژێك لە گیرخواردنی و وەستاندنی جوڵەی دەریاوانی لە كەناڵی سوێس لە میسر، بە تەواوی دەرهێندرا و گەڕایەوە شوێنی ئاسایی خۆی، ئێستا جوڵەی دەریاوانی ئاسایی بووەتەوە.

ئوسامە رەبیع سەرۆكی دەستەی كەناڵی سوێس رای گەیاند هەوڵەكانی دەرهێنانی كەشتییە گیرخواردووەكە سەركەوتوو بووە و ئێستا ڕەوتی جوڵەی دەریاوانای لە كەناڵەكە ئاسایی بووەتەوە.

دوای دەربازبوونی "ئێڤە گیڤن"، لانیکەم 369 کەشتیی دیکە لە چاوەڕوانیدان بۆ دەربازبوون لە کەنداوەکەوە، ئوسامە رەبیع، بەڕێوەبەری دەسەڵاتی کەنداوی سوێس رایگەیاندووە، دوای دەربازبوونی کەشتییەکە "یەک چرکەش بەفیڕۆ نادەین"

كەشتیی ئێڤەرگرین لەوەتەی رۆژی سێشەممەی رابردووەوە جوڵەی دەریاوانی لەم رێرەوە ئاوییە جیهانیییە گرنگەدا وەستاندبوو، بە جۆرێك كاریگەری كردبووە سەر تەواوی ڕەوشی بازرگانی و ئابووریی جیهان، ئەمەش دوای ئەوەی بەهۆی ڕەشەباوە كەشتییەكە جڵەوی لەدەست دابوو و بە پانی ڕێڕەوی كەناڵی سوێسی داخستبوو.

 

مجموعات فرعية