ئەمە بڵاوبكەوە
FaceBook  Twitter  

گوتەبێژی کۆشکی سپی، جێن ساکی، لە راگەیەندراوێکدا ئاشکرایکرد، لە مانگی نیساندا گفتوگۆ دیپلۆماتییەکانیان لەگەڵ عێراق نوێدەکەنەوە.

جێن ساکی باسی لەوەشکردووە، بەپەرۆشەوە چاوەڕێی نوێکردنەوەی گفتوگۆ دیپلۆماتییەکان دەکەن و ئەم هەنگاوەی به‌ هەلێکی گرنگ بۆ گفتوگۆ کردن لەسەر پەیوەندییە ئەمنیی، کولتووریی، بازرگانی و هەرێمییەکانی نێوان هەردوو وڵات ناوبرد.

ساکی باسی تیشكی خستووه‌ته‌ سه‌ر ئه‌وه‌ی، لەو کۆبوونەوانەدا جەخت لە تاکە ئامانجی هێزەکانی هاوپەیمانان دەکرێتەوە کە رێگرییکردنە لە دووبارە سەرهەڵدانەوەی رێکخراوی تیرۆریستی داعش و بۆ ئەو مەبەستەش مەشق بە هێزە عێراقییەکان دەکەن.

راشیگه‌یاندووه‌: "ئەمریکا پابەندە بە سەروەری عێراق. بەپەرۆشەوە چاوەڕێی کۆبوونەوەمان لەگەڵ سەرکردە عێراقییەکان دەکەین تا بتوانین لە چوارچێوەی رێککەوتنی ستراتیجیدا لەسەر هاوپەیمانیی ئایندەمان گفتوگۆ بکەین".