ئەمە بڵاوبكەوە
FaceBook  Twitter  

 

هاوڕێ کرێکار

 بەسودوەرگرتن لەو شەپولە خوڵەی لە دوێنیەوە عێراقی گرتوەتەوە، چەتەکانی داعش ئێوارەی دوێنێ لەسنوری ناحیەی تازەخورماتوو، هێرشیان کردە سەر ژمارەیەک هاوڵاتی،کە سەرقاڵی دروێنە بوون وحەوت کەسیان شەهید و ژمارەیەک برینداری لێکەوتەوە.

لەکۆمەڵکوژی دوومەدا، داعش هێرشی کردە سەر گوندی ئیسڵاح و بەپێی دوای ئاماری ئاسایشی کۆکس و دانیشتوانی گوندەکە، سێ کوڕ وباوکێک ودوو کچ وسەربازێکی سووپای عێراق شەهیدکراون و هەشت کەسی دیکە برینداربووە، کە دووانیان سەربازن.

لەماوەی دوو ساڵدا، ئەمە دووەم کۆمەڵکوژی گەورەیە،کە چەتەکانی داعش لە گوندی ئیسڵاح ئەنجامی دەدەن و لەماوەی چەند ساڵێ ڕابردوودا،گوندی ناوبراو، یەکەم گوند بووە لەسنوری پارێزگای دیالە،زۆرترین هێرشی داعشی کراوەتە سەر و شەوی ڕابردووش دایکی ئەو کوڕ وکچانەی شەهیدکراون لەماڵ نەبووە.

جگە لە ئیسلاح و تازە خورماتوو، داعش هێرشی کردوەتە سەرسوپا لەناحیەی ڕەشاد و پارێزگای مووسڵ، گوندی ئیسلاح دەکەوێتە سەر ڕێگای سەرکی کەلاڕـ جەلەولا.