ئەمە بڵاوبكەوە
FaceBook  Twitter  

ئەمڕۆ سێشەممە، وەزارەتی نەوت، کۆی داهاتی هەناردەکردنی نەوتی بۆ مانگی کانوونی دووەمی ڕاگەیاند، بەپێی ئاماری کۆتایی کە کۆمپانیای بەبازاڕکردنی نەوتی عێراق (سۆمۆ) بڵاویکردووەتەوە،زیاتر لە 7 ملیار دۆلار بووە.

وەزارەتی نەوت ڕایگەیاند، “بڕی هەناردەی نەوتی خاو (١٠٣) ملیۆن و (٢٨١) هەزار و (٤٥٩) بەرمیل (سەد و سێ ملیۆن و دوو سەد و هەشتا و یەک هەزار و چوار سەد و پەنجا و نۆ بەرمیل، بە داهاتی (7 ) ملیار و (708) ملیۆن و (556) هەزار دۆلار (حەوت ملیار و حەوت سەد و هەشت ملیۆن و پێنج سەد و پەنجا و شەش دۆلار).

ئاماژەی بەوەشکرد، "کۆی گشتی بڕی هەناردەکراوی نەوتی خاو بۆ مانگی کانوونی دووەمی ڕابردوو لە کێڵگە نەوتییەکانی ناوەڕاست و باشووری عێراق بڕی (100) ملیۆن و (735) هەزار و (151) بەرمیل بووە"، ئاماژەی بەوەشکرد: "لەکاتێکدا بڕی هەناردەکراوی نەوتی کەرکوک لە ڕێگەی بەندەری جەیهانەوە بووە، دوو ملیۆن و (223) هەزار و (338) بەرمیل.

و لە درێژەی راگەانراوەکەدا هاتوە کە تێکڕای نرخی یەک بەرمیل بۆ مانگی رابردوو خەملێنراوە بە (74,636) دۆلار بووە".