ئەمە بڵاوبكەوە
FaceBook  Twitter  

 

د ئاسۆ حەوێزی، وتەبێژی وەزارەتی تەندروستی لەراگەیەندراوێکدا کە ئەمشەو بڵاویکردەوە، رایگەیاندوە، "بەداخەوە رێژەی توشبوون بە كۆرۆنا سێ هێندە زیادی كردووە لەم دواییە بە بەراورد لەگەڵ چەند هەفتەیەك بەر لە ئێستا، ئامارەكان ترسناکن و پێشبینی هەزاران توشبووی رۆژانە دەكرێ لە داهاتوو، ئەوەی كە بەدی دەكرێ سستبونێكی تەواوە بە پابەندبون بە رێكارەكانی خۆپارێزی لە هەمو شوێنەكان".

ئاماژەی بەوەشکردووە، ئەگەر بەریەككەوتن كەم نەكرێتەوە ئەوا" "كارەسات بەڕێوەیە، ئێمەش بەدەرنین لە وڵاتانی دەورەبەر كە چۆن بەهۆی دۆخی كۆڕۆناوە دەناڵێنن".

وتەبێژی وەزارەتی تەندروستی باسی لەوەشکردوە، ئەنجومەنی وەزارەتی تەندروستی كۆبونەوەی ئەنجامداوەو پێشنیارەكانی داوەتە لایەنی پەیوەندیدار سەبارەت بەم دۆخە و گرنگترین رێكارەكان كە پێویستە بگیرێنەبەر لە رۆژانی داهاتوو.

د. ئاسۆ حەوێزی لە راگەیەنراوەکەیدا بۆ هاوڵاتیان دەڵێت، "تكایە با لە رۆژانی داهاتوو پابەندبین بە رێنماییەكان و ماسك ببەستین و قەرەباڵغی كەم بكەینەوە".