ئەمە بڵاوبكەوە
FaceBook  Twitter  

رێگای كوردستان

کۆمیتەی پارێزگای کەرکوکی، حزبی شیوعی کوردستان، ڕاگەیاندراوێکی توند لەسەر هەڵکوتانە سەرماڵان و دەستگیر كردن و ڕەشبگیری گەنجانی کورد لە كەركوك بڵاو دەكاتەوە، دەڵێن: هەردوو حزب یەکێتی و پارتی بەبەشێک لەم دۆخە خراپەی شارەکەمان دەزانین"

کۆمیتەی پارێزگای کەرکوکی حزبی شیوعی کوردستان رایدەگەینێت: دەستگیركردنی گەنجانی شاری كەركوك مێژووی تاڵی بەر ساڵی ۲۰۰۳ مان بیر دەخاتەوە،لە ۷۲ سەعاتی ڕابردوودا شاری کەرکوک دۆخێکی ئەمنی نەخوازراوی بەخۆوەی بینی.

ئاماژە بەوەش دەكات: گەڕەگە کوردیەکانی شاری کەرکوک بەتایبەتی هەردوو گەڕەکی (ڕەحیماوا وشۆڕجە) کەوتنە ژێر پاڵەپەستۆی عەسکەری و بەشێوازێکی نایاسایی دوور لەهەر بەهایەکی ئەخلاقی ماڵ و گەنجانی کورد کەوتنە بەر شاڵاوی هەڵکوتانەسەرو گرتن و ڕەشبگیری و بەدەیان کەس لەلایەن هێزە عێراقیەکان دەستگیرکران.

هەر لە راگەیاندراوەكەی حزبی شیوعی ئەوەش هاتووە: بڵاوکردنەوەی سەدان سەرباز بەتانک و زریپۆشەوە بەناو گەڕەکەکاندا لەلایەن هێزە عێراقیەکانەوە مێژووی تاڵی بەر لە ۲۰۰۳ مان بیر دەخاتەوە،بۆیە بەهەموو جۆرێ ئەم جۆرە ڕەفتارانە ڕەت دەکەینەوەو ئیدانەی دەکەین.

هەروەها هەردوو حزب یەکێتی و پارتی بەبەشێک لەم دۆخە خراپەی شارەکەمان دەزانین و جارێکی دیکە داوا لەهەردوو لایەن دەکەین هەوڵی جدی بدەن بۆچارەسەرکردنی ئەم دۆخە خراپەو هەنگاوی کرداری بنێن بۆ ئاساییکردنەوەی دۆخەکەو کۆتایی هێنان بە ترس وتۆقاندن و دۆخی بەسەربازگەکردنی شارەکەو گێڕانەوەوی ئارامی و ئۆقرەیی.

ئەوەشیان خستۆتەڕوو: داواش دەکەین ئازادکردنی دەستگیرکراوەکان پەلەی لێ بکرێت و هێزە عێراقیەکانش بەفەرمی داوای لێبوردن لە هاوڵاتیانی شارەکە و گەنجە دەستگیرکراوەکان بکەن.

دەقی راگەیاندراوەكە:

ڕاگەیاندراوێک لە کۆمیتەی پارێزگای کەرکوکی حزبی شیوعی کوردستان

هەڵکوتانە سەرماڵان و ڕەشبگیری مێژووی تاڵی بەر ساڵی ۲۰۰۳ مان بیر دەخاتەوە

لە ۷۲ سەعاتی ڕابردودا شاری کەرکوک دۆخێکی ئەمنی نەخوازراوی بەخۆوەی بینی،

گەڕەگە کوردیەکانی شاری کەرکوک بەتایبەتی هەردوو گەڕەکی (ڕەحیماوا وشۆڕجە) کەوتنە ژێر پاڵەپەستۆی عەسکەری و بەشێوازێکی نایاسایی دوور لەهەر بەهایەکی ئەخلاقی ماڵ و گەنجانی کورد کەوتنە بەر شاڵاوی هەڵکوتانەسەرو گرتن و ڕەشبگیری و بەدەیان کەس لەلایەن هێزە عێراقیەکان دەستگیرکران،

بڵاوکردنەوەی سەدان سەرباز بەتانک و زریپۆشەوە بەناو گەڕەکەکاندا لەلایەن هێزە عێراقیەکانەوە مێژووی تاڵی بەر لە ۲۰۰۳ مان بیر دەخاتەوە،بۆیە بەهەموو جۆرێ ئەم جۆرە ڕەفتارانە ڕەت دەکەینەوەو ئیدانەی دەکەین،

هەروەها هەردوو حزب یەکێتی و پارتی بەبەشێک لەم دۆخە خراپەی شارەکەمان دەزانین و جارێکی دیکە داوا لەهەردوو لایەن دەکەین هەوڵی جدی بدەن بۆچارەسەرکردنی ئەم دۆخە خراپەو هەنگاوی کرداری بنێن بۆ ئاساییکردنەوەی دۆخەکەو کۆتایی هێنان بە ترس وتۆقاندن و دۆخی بەسەربازگەکردنی شارەکەو گێڕانەوەوی ئارامی و ئۆقرەیی،

داواش دەکەین ئازادکردنی دەستگیرکراوەکان پەلەی لێ بکرێت و هێزە عێراقیەکانش بەفەرمی داوای لێبوردن لە هاوڵاتیانی شارەکە و گەنجە دەستگیرکراوەکان بکەن،

حزبی شیوعی کوردستان

کۆمیتەی پارێزگای کەرکوک

13/10/2021