ئەمە بڵاوبكەوە
FaceBook  Twitter  

 

بەڕێوەبەرایەتی گشتی تەندروستی سلێمانی رایگەیاند، لە تەواوی سنوری پارێزگای سلێمانی ئامادەکاری تەواو دەکرێت بۆبەرەنگاربونەوەی پەتای سكچون و ڕشانەوە، بۆیە داوا لە سەرجەم بنکە تەندروستییەکان دەکەن بۆ چۆنیەتی مامەڵەکردن لەگەڵ چارەسەری نەخۆش و بڵاوبونەوەی پەتاکان، پابەندی ئەو پرۆتۆكۆڵە بن کە  ڕێكخراوی تەندروستی جیهانی(who) دەریکردوە.

بەڕێوەبەرایەتی گشتی تەندروستی سلێمانی ئەمڕۆ پێنجشەممە لە راگەیەنراوێکدا باسی لەوەشکردوە، بەمەبەستی میكانیزمێكی گونجاو بۆبەرەنگاربونەوەی پەتای سكچون و ڕشانەوە، محەمەد عەلی، یاریدەدەری بەڕێوەبەری گشتی تەندروستی سلێمانی بۆ کاروباری کارمەندان بەیاوەری شاندێک لەبەشەکانی بەڕێوەبەرایەتی گشتی و  بەڕێوەبەرایەتی خۆپاراستنی تەندروستی سلێمانی لەبەشەکانی چاودێری تەندروستی و تاقیگەی ئاو  لەگەڵ بەڕێوبەرو بەرپرسانی تەندروستی لە ( بەڕێوەبەرایەتی تەندروستی دەربەندیخان ، نەخۆشخانەی شەهید ڕئوف بەگ لەهەڵەبجەی تازە، مەڵبەندی (24) کاتژمێری عەربەت) کۆبوەتەوە.

ئەوەش هاتوە، ئامانجی کۆبونەوەکە بەمەبەستی میكانیزمێكی گونجاو بۆبەرەنگاربونەوەی پەتای سكچون و ڕشانەوە لەو ناوچەکە جێبەجێکردنی ڕێنماییەکانی لیژنەی باڵای ڕوبەڕوبونەوەی پەتای سکچون وڕشانەوە لەپارێزگای سلێمانی بوە، داواش کرا كە هەمو پزیشكان لە هەمو بەشە جیاوازەكان لەسەر یەك پرۆتۆكۆڵ چارەسەری نەخۆش بكەن کە بریتییە لە ئەو پرۆتۆكۆڵەی ڕێكخراوی تەندروستی جیهانی(who) دایناوە.

بەڕێوەبەرایەتی گشتی تەندروستی سلێمانی ئەوەشی خستوەتەڕو، پرۆتۆكۆڵی چارەسەری نەخۆش وەزارەتی تەندروستی عێراق و وەزارەتی تەندروستی هەرێم گشتاندنیان پێکردوە بۆ سەرجەم بەڕێوەبەرایەتیە گشتییەکان و  لەسەر هەمان پرۆتۆكۆڵ چارەسەری نەخۆشەكان دەكرێت.