بەهۆی رووداوێکی هاتووچۆ لەسەر رێگای سلێمانی - دوکان ئۆتۆمبێلێکی هێزەکانی پێشمەرگە تووشی پێکدادان بوو.
ئەمرۆ پێنجشەممە 15ی ئاداری 2023، لەسەر رێگای دوکان – سلێمانی ئۆتۆمبێلێکی هێزەکانی پێشمەرگە تووشی رووداوی هاتووچۆ بوو.
لە ئەنجامی رووداوەکە ئەفسەرێک گیانی لە دەستدا و سێ کەسی دیکە بە سەختی برینداربوون.
هاوکات، بەڕیوەبەرایەتی هاتوچۆی سلێمانی راگەیەنراوێکی بڵاوکردەوە و تیایدا هاتووە، لە ئەنجامی وەرگەڕانی ئۆتۆمبێلێکی هێزەکانی پێشمەرگە لە سەر رێگای سلێمانی – دوکان لە نزیک گوندی کانی خان ئەفسەرێک گیانی لەدەستدا و سێ کەسی دیکە بە سەختی برینداربوون.
ئەفسەرەکە ناوی "ئاریاس"ە و پلەی نەقیب بووە لە بەشی فەرمانگەی گواستنەوەی هێزەکانی پشتیوانی دوو.