دەزگای ئاسایشی هەرێم لە راگەیەنراوێکدا ئاشکرایکرد؛ بەڕێوەبەرایەتی ئۆپەراسیۆنەکانی دەزگای ئاسایش باندێکی ماددەی هۆشبەریان دەستگیر کردوە کە تۆمەتبارێکیان ئافرەتە .
ئاماژە بۆ ئەوەکراوە کە رۆژی 23/5/2023 هێزەکانی بەڕێوەبەرایەتی ئۆپراسیۆنەکانی دەزگای ئاسایش بە هەماهەنگی بەڕێوەبەرایەتی ئاسایشی سلێمانی و بەڕێوەبەرایەتی ماددە هۆشبەرەکانی پارێزگای دیالە ، لە هەڵمەتێکدا لە سنوری پارێزگای سلێمانی توانیویانە سێ بازرگانی ماددەی هۆشبەر دەستگیر بکەن.
لە ئۆپەراسیۆنەکەدا 1 کیلۆ و 28 گرام حەشیش و 295 گرام کریستاڵ و 6 گرام گەرد دەستیان بەسەردا گیراوە و تۆمەتبارەکانن بەپێی ماددەی 25 لەیاسای بەرەنگاربونەوەی ماددە هۆشبەرەکان و کارتێکەرە ئەقڵیەکان، لێکۆڵینەوە لە دۆسیەکانیان بەردەوامە .
